þriðjudagur, mars 22, 2005

Vestfirskar konur þær fegurstu í heimi

Samkvæmt netkönnun Gallup meðal Vestur-Íslendinga kom í ljós , að vestfirskar konur eru fegurstar fljóða, ef miðað er við höfðatölu, og meðaltal íbúa per landsfjórðung fyrir sinnaskiptin.

Þetta segir Trausti Salvar Kristjánsson, kvennamaður, og atvinnudaðrari, alls ekki koma sér á óvart, enda hafi hann lengi verið hrifinn af vestfirskum konum.

"já, þær hafa löngum verið fallegar hér fyrir vestan, en þær mættu bara vera fleiri, og ekki eins fráteknar, " sagði Trausti beinstífur í bragði.

Nú þegar mikil páskahátið er í vændum má búast við fjölda manns sem heimsækir vestfirði, og án efa verða föngulegar stúlkur þar á meðal. Leiðir hugann ósjálfrátt að mikilli kynlífshátið sem haldin var í Bolungarvík fyrir skömmu, en þar voru getin hátt í 500 börn á aðeins tveimur dögum, met sem Soffía Vagnsdóttir, skipuleggjandi orgíufestivalsinns Á broddinn sagðist ætla bæta í ár.

"Já við höfum brugðið á það ráð að dreifa gölluðum smokkum í alla framhaldsskóla og á alla vinnustaði, og hvatt konur til að hvíla pilluna þessa páskaviku," sagði Soffía með glampa í auganu.




(Trausti er með allar tennurnar, heilsuhraustur, í háskólanámi, ógiftur, barnlaus, og á lausu...)

laugardagur, mars 19, 2005

Yfirlýsing frá Trausta Salvari

Vegna undanfarinnar umræðu, sé ég mig knúinn til að tjá mig.

Svo leiðinlega vill til, að einhverjir/ einhverjar, hafi móðgast við skrif mín undanfarið, og kannski sérstaklega vegna greinarinnar um nýtt æði meðal verðandi mæðra.

Þetta harma ég.

Ég vil því nota tækifærið og biðja þá sem eiga hlut að máli afsökunar, ef ég hef sært tilfinningar þeirra, því sú var aldrei ætlunin.

Einsog allir vita er húmor tvíeggja sverð sem erfitt er að stjórna. Fólk er miskómískt þenkjandi, og má því segja að húmor sé persónulega afstæður.

Sjálfur hef ég afskaplega gaman af þessum svokallaða Baggalútshúmor, sem ég hef augljóslega reynt að stæla, með ágætis árangri er mér sagt, og mun gera það áfram. Hvað efnisval snertir mun ég halda áfram að taka dæmi úr raunveruleikanum, því hann er yfirleitt auðveldari og meðfærilegri í notkun.

Hvað greinina nýtt æði meðal verðandi mæðra snertir, þá skil ég að vissu leiti gremju frænku minnar, sem finnst ég hafa kvikindislegur, enda er hún vinkona stúlkunnar sem varð fyrir þessari reynslu. Hinsvegar sé ég málið öðruvísi.

Það var ekki fyrr en ég sá frétt um atvikið í DV að ég ákvað að þar sem málið væri opinbert, hlyti að vera í lagi að gera nett grín að því, enda málið óneitanlega kómískt í eðli sínu, þar sem móður og barni heilsast vel, a.m.k. einsog sagan var sögð mér. Því passaði ég mig sérstaklega á að persónugera ekki grínið, þannig að engin þyrfti að vita hver ætti í hlut, enda það ekki hluti af gríninu.

Því vil ég ítreka þá skoðun mína, að í mínum augum er engin/n hafin/n yfir það, að vera gert grín að. Hvort sé um homma, lesbíur, svertingja, fatlaða, óléttar konur, örvhenta, innskeifa, feitabollur eða dverga, allir eru jafnir í mínum augum, og lít ég á það sem örgustu fordóma ef ég myndi skilja einhvern minnihlutahóp útundan.

Ef einhverjir eru á öndverðum meiði, geta þeir einfaldlega sleppt því að lesa vefinn, en sjálfur kýs ég að þeir tjái sig í svokölluð commenta hólf, því það er jú tilgangurinn með vefnum, að fá umræðu, sem er jú eitt hreinasta form lýðræðis í þessu landi.

Með vegsemd og virðingu,

Trausti Salvar

föstudagur, mars 18, 2005

Alþingi setur lög um velsæmi

Hið háa Alþingi hefur samþykkt ný lög, sem formaður Rauðhærðaflokksinns, Valdimar Víðison, lagði fram í gær.

Varaformaður Réttsýnaflokksinns punktur punktur lína strik, Magnús Már Einarsson, studdi einnig frumvarpið, og sagði brýnt að ríkið setti viðmiðunarlög um velsæmi og siðferði.

"Nytjastefnan var leiðandi í stefnumörkun, sem og Biblían. Ef það eru til einstaklingar sem hafa önnur siðferðisleg viðmið en við Valdimar, ber þeim að greiða sérstakan dónaskatt, sem er 4% af árstekjum vísitölufjölskyldu í Saudi-Arabíu."

Þykir frumvarpið vera bein aðför að skopskyni Trausta Salvars, dónakarls, sem hefur ítrekað og margoft sært blygðunarkennd húsmæðra í vesturbænum.

"Ég skil ekki svona vinnubrögð. Að vísu er það skiljanlegt með Valdimar; maður sem móðgast svo mikið við að sjá blóð, að hann fellur í yfirlið, er væntanlega með önnur viðmið en ég. En að frændi minn Magnús, sem hefur nú oft hlegið að virkilega dónalegum klámbröndurum, þar sem nunnur, hommar, lesbíur, svertingjar og hafnfirðingjar koma við sögu, skuli móðgast við sanna sögu, það skil ég ekki."

Jafntefli

Gestir heimasíðu VSP telja að Trausti og Kristján séu jafn góðir pennar, reyndar er svo jafnt á mununum að þeir fengu báðir nákvæmlega mörg atkvæði. Því þarf að grípa til þess ráðs að láta hlutkesti ráða úrslitnum og hefur því verið nná í 100 kallinn fræga sem réði úrslitum í bæjarstjórnarkosningunum í Bolungarvík um árið. Kristján fær hrognkelsið en Trausti skjaldarmerkið. 100 kallinn fór á loft og kom hrognkelsið upp, því telst Kristján Jónsson vera betri penni en Trausti Salvar Kristjánsson.

Í kjölfar kvartana frá dyggum lesendum VSP-vefsins vegna skrifa Trausta um "Nýtt æði meðal verðandi mæðra" hefur verið ákveðið að leggja nýja spurningu fyrir lesendur VSP-vefsins. Spurt er: "Fór Trausti yfir strikið?"

fimmtudagur, mars 17, 2005

Nýtt æði meðal verðandi mæðra

Svo virðist sem að nýtt æði hafi skapast hjá verðandi mæðrum, en það er að eiga barn í klósetti.

Þar sem hefðbundnar fæðingar virðast á undanhaldi, hafa fæðingar í vatni aukist til muna síðustu ár, og í fyrradag bættist ný tegund í flóruna (flórinn), en það er klósettfæðing.

Þorbjörg Magnúsdóttir ljósmóðir segir þetta vissulega óvenjulega aðferð, en í raun ekki svo galna, þar sem konur eru vanar að rembast í slíkri klósettstellingu. Útkoman sé aðeins önnur.

"Jú, þvert á skoðun margra karlmanna, þá gera konur ekki aðeins nr. 1, heldur líka nr. 2 í klósettið. Það má segja að nú geri konur líka nr. 3, " sagði Þorbjörg kímin á svip.

Ekki náðist í landlækni vegna málsins, en handhafi læknavalds, Pétur Pétursson, varð fyrir svörum.

Blm: Eru slíkar fæðingar hollar fyrir ungabörn?

PP: Já elskan mín, þetta er alveg tussufínt fyrir þau. Ekki bara dregur þetta fram kosti vatnsfæðinga, heldur venjast þau miklu fyrr koppnum, sem leiðir til langtum skárri klósettmenningar.

Blm: En er ekki hætta á saurgerlasmiti?

PP: Saurhvað? Hefur þú aldrei orðið vitni að fæðingu? Það kemur allskonar viðbjóður úr klofinu á mömmunum með þessum gríslingum, bæði kúkur og annar viðbjóður. Ég held barasta að ofnæmiskerfið hafi gott af þessu, eina hættan er, að mömmur sem eiga við fæðingarþunglyndi að stríða, eiga það til að sturta niður eftir fæðingu, en ríkisspítalarnir eru í samstarfi við Gustavsberg um að laga það vandamál.

föstudagur, mars 11, 2005

Kristján og mjúku hliðarnar

Ásgrímur Þór, skilgetinn sonur Ásgeirs Þórs Jónssonar, sem er bróðir lífskúnstnersinns Kristjáns Jónssonar, segist afar ósáttur við að þurfa fá pössun í kvöld, meðan foreldrar sínir bregði undir sig betri fætinum, og heiðri árshátíðarsamkomu leikskóla Reykjavíkur.

Ásgrímur, sem er aðeins tæplega eins og hálfs árs, segist fullfær um að skipta sjálfur á sér, borða, og svæfa sig. Ásgrímur sagðist yfirleitt hafa gaman af barnapíunni Jónu, sem væri 15 ára, líkamlega þroskuð eftir aldri, og byggi í sömu blokk , en steininn hafi tekið úr, þegar hann frétti að Kristján Jónsson frændi sinn hefði verið ráðinn til verksinns.

“Þó svo að Kristján sé blóðskyldur mér þýðir það ekki að ég vilji láta hann passa mig, skipta á mér, né syngja mig í svefn með lögum eftir Gylfa Ægisson”.

Kristján hefur afskaplega takmarkaða reynslu af barnapössun, og sagðist aðspurður halda að þetta væri einfaldlega verkefni sem hann myndi njóta að takast á við, líkt og með öll hans mál önnur.

“ Hversu erfitt getur verið að passa svona grísling í eina kvöldstund, maður þaggar niðrí þessu kvikindi með nokkrum vískívotum duddum, og glápir svo bara á sjónvarpið,” sagði Kristján brattur.

Blm. VSP hefur öruggar heimildir fyrir því, að Kristján þurfi að skipta á þeim stutta a.m.k. einu sinni, og verði það að öllum líkindum svokölluð kúkableyja, nokkuð sem Kristján er all óvanur.

Einnig þarf Kristján að koma frænda sínum í háttinn, og verður gaman að vita hvernig honum tekst til með Fljúga hvítu fiðrildin, og aðrar vögguvísur.

Blm. hvetur sem flesta til þess að senda Kristjáni sms í kvöld, og athuga hvort ekki gangi allt að óskum, ekki viljum við að umboðsmaður barna fái ástæðu til lögsóknar.

fimmtudagur, mars 10, 2005

Ráðning Kristjáns gagnrýnd

Ráðning Kristjáns Jónssonar í 0.5 % starf íþróttablaðamanns hjá Morgunblaðinu hefur vakið mikla úlfúð innan blaðsins.

Hefur yfirmaður minningargreinana, og barnablaðsinns, þegar sagt af sér vegna málsinns, sem og 3 blaðberar í Breiðholtinu og 2 í vesturbænum.

Einnig hafa margir kollegar Kristjáns fordæmt ráðningu hans, þar sem hann uppfyllir ekki þau skilyrði sem þarf til að sinna starfinu af bestu getu, sem er fyrst og fremst stundvísi, en Kristján er þekktur fyrir að sinna flestum sínum "daglegu skyldum" á nóttunni, og sefur því á daginn, líkt og aldavinur hans Sverrir Stormsker.

Styrmir Gunnarsson ritstjóri blaðsins, sem ber ábyrgð á ráðningu Kristjáns, heldur því fram að ekki sé um pólitíska ráðningu að ræða, heldur hafi reynsla Kristjáns í íþróttum skipt meginmáli, og sé aðal forsenda ráðningar hans, sem og sú staðreynd, að Kristján er góðvinur Guðmundar Björnssonar, tengdasonar forsætisráðherra, og saman séu þeir 4 allgóðir golffélagar.

Kristján vildi ekki tjá sig um málið að svo stöddu, en kvaðst taka við stöðunni að öllu óbreyttu.

miðvikudagur, mars 09, 2005

Trausti gerist Lakers-stelpa

Trausti Salvar Kristjánsson hefur unnið sér sæti í klappstýruhópi bandaríska körfuboltaliðsins Los Angeles Lakers, sem gengur alla jafna undir nafninu The Laker-girls, sem útleggst; Lakers stelpurnar, á hinu ástkæra ylhýra. Ekki er vitað til þess að karlmanni hafi áður verið boðið að gerast Lakers-stelpa og er Trausta því mikill heiður sýndur með þessu. Ekki náðist í Jerry West framkvæmdarstjóra Lakers vegna málsins en Trausti segir sjálfur að liðleiki sinn hafi fyrst og fremst hjálpað sér í gegnum inntökuprófið: "Ég hef ávallt gætt þess að teygja vel á og það er greinilega að skila sér. Auk þess lék ég í þolfimi myndbandi um daginn þannig að ég á nú að þekkja þetta allt saman", sagði Trausti í samtali við blaðamann VSP og gat ekki neitað því að hann væri kominn með hnút í magann af spenningi.

þriðjudagur, mars 08, 2005

Kristján setur upp leikfangasýningu

Atvinnulífskúnstnerinn Kristján Jónsson, sem hefur tekið upp listamannanafnið Krjón, setti upp listasýningu í dag í Árnasafni.

Sýningin er byggð á gömlum leikföngum Kristjáns úr barnæsku, sem skipta tugþúsundum, en voru sjaldan eða alls ekki notuð, þar sem boltaleikir og Alice Cooper áttu hug hans allann.

"Jú maður átti nú alltaf slatta af þessu dóti, og vissulega vekja leikföngin upp margar minningar, en samt ekki sko , þar sem ég lék mér ekki með helmingnum af þessu drasli," sagði Kristján í opnunarræðu sinni í dag.

Þarna kennir margra grasa, t.d. eru báðir HE-MAN kastalarnir í mjög góðu ástandi, Karate Kid action karlar, Teenage Mutant Ninja Turtles, slatti af Lego og Playmo, GI-Joe, Star Wars, og einnig eru nokkrar Barbie dúkkur með í för, ásamt Ken, en Kristján gekkst ekki við að eiga þær, heldur vísaði á Einar bróðir sinn.

Leikfangasafnið er metið á yfir 6 milljónir króna, og hafa verið fengnir leikskólakennarar til að gæta þeirra á meðan sýningunni stendur yfir, en henni lýkur á nk. þriðjudag.

mánudagur, mars 07, 2005

Trausti opnar sýningu á vopnum

Vopnaáhugamaðurinn Trausti Salvar Kristjánsson hefur opnað sýningu á vopnabúri sínu í galleríinu Ketilhúsinu í Eyjafirði. Kennir þar ýmissa grasa úr vopnamenningu vesturlanda síðustu 25 árin. Þar er að finna sjaldgæfa eftirlíkingu af James Bond byssu og mætti Timothy Dalton til þess að opna sýninguna, en Trausti segir hann hafa verið vanmetinn Bond. Einnig er mjög öflug laser byssa til sýnis en slíkann grip hafa sérsveitarmenn í bandaríska hernum notað. Trausti Salvar sagði í samtali við eyfirska fréttaþáttinn korter að nokkuð hefði skort á að eyfirsk bæjaryfirvöld vektu athygli á sýningunni. "Við því er ósköp einföld skýring. Við vitum hreinlega ekki hvort eitthvað af sýningargripunum séu löglegir hér á landi, og vitum enn síður hvernig þetta magn komst allt til landsins," sagðí Kristján Þór Júlíusson bæjarstjóri Eyjafjarðar. Trausti segir hins vegar að helsta stolt sitt á sýningunni sé nokkrar forláta Ninja stjörnur sem hann nældi sér í þegar hann bjó í Visconsin í Bandaríkjunum: "Svona Ninja stjörnur er til margra hluta nytsamlegar en ættu nú ekki að skaða neinn held ég" sagði Trausti í samtali við Korter.

Kristján settur í gæsluvarðhald

Kristján Jónsson, atvinnulífskúnstner, hefur verið handtekinn og settur í gæsluvarðhald. Ákæran á hendur honum er margþætt:

1. Fyrir ómannúðlega meðferð á Nissan Micru
2. Fyrir vanhirðu á Nissan Micru
3. Fyrir ólögleg kaup munntóbaks
4. Fyrir ólöglega sölu munntóbaks
5. Fyrir ólöglega vörslu munntóbaks
6. Fyrir ólöglegt fjárhættuspil
7. Fyrir að vaka of seint á nóttinni
8. Fyrir að ganga til skó og eyðileggja, á undarlegan hátt
9. Fyrir að halda alltaf með Svíþjóð
10. Fyrir að halda skyndilega með Val
11. Fyrir að koma aldrei norður
12. Fyrir að hringja sjaldan í vini sína


Kristján segist undrandi yfir ákæruliðunum, en hann sé reiðubúinn að borga skuld sína við þjóðfélagið.

"Varðandi lið 1, þá hef ég alltaf trúað á náttúrlega umhirðu, t.d. er regnvatnið í Reykjavík afskaplega vel til þess fallið að þrífa bíla, á svona náttúrulegan máta," sagði Kristján í viðtali við ´Réttu mér sápuna´blað fanga á Litla Hrauni.

Kristján sagðist ekki sjá eftir glæpum sínum, en iðraðist þó fyrir að valda ástvinum sínum missi, af sjálfum sér. "Ég hef oft verið hrókur alls fagnaðar, en hér á Litla Hrauni verð ég eflaust lókur alls fagnaðar", sagði Kristján hnugginn.

Trausti hittir Mike í fyrsta sinn í 3 ár

Það var tilfinningaþrungin stund þegar Trausti Salvar Kristjánsson hitti vin sinn, píanómeistarann Micheal O´Jones í morgun en þeir höfðu þá ekki sést í 3 ár. Fundur þeirra var í fangelsinu sem Mike situr í í Japan. Sem kunnungt er var Mike tekinn höndum af japönskum yfirvöldum og settur í stofufangelsi, fyrir að hafa brotið viðskiptabann Breta á Argentínumenn árið 1982. Þá stóð Falklandseyjastríðið á milli Breta og Argentínumanna sem hæst og fór Mike og spilaði á píanóhátíð í Buenos Aires. Síðan þá hefur hann verið eftirlýstur af breskum stjórnvöldum og fór í felur á Íslandi þar sem hann var í fjöldamörg ár. Með Trausta í för í íslensku sendinefndinni sem hyggjast frelsa Mike; eru Soffía Vagnsdóttir og Hjálmar H. Ragnarsson. Að sögn Hjálmars var þetta tilfinningaþrungin stund í morgun: "Fundur þeirra var í fangelsinu sem Mike situr í í Japan, en þeir voru sitthvoru megin við glerglugga. Að beiðni Trausta lögðu þeir hendur sínar á gluggann, hvor á móti öðrum, og þá féllu tár," sagði Hjálmar. Hann minnir einnig á landssöfnunina "Mike-inn heim" og hægt er að versla boli merktum söfnuninni á www.landpostur.is.

sunnudagur, mars 06, 2005

Kristján undir hnífinn

Kristján Jónsson, fyrsti og eini atvinnulífskúnstnerinn á Íslandi, mun gangast undir stórfellda lýtaaðgerð í vikunni. Kristjáni bauðst að taka þátt í raunveruleikaþættinum The Swan, en hann mun vera eini karlkyns þáttakandinn.

Að vísu segir Kristján aðrar ástæður liggja að baki heldur en hégóma og gróðavon, því um árabil hafi honum verið ruglað saman við hinn þekkta fjölmiðlamann Egil Helgason, en skömmin af því sé yfirþyrmandi, enda sé Egill helst til vinstrisinnaður, að mati Kristjáns.

Einnig segist Kristján þreyttur á því að vera spurður í sífellu hvar barnavagninn sé, þegar hann er á gangi nálægt miðbænum.

Auk þess sagði hann mælinn fullann þegar Helgi Hjörvar hafi gengið á sig tvisvar, í þeim erindagjörðum að fá sig á lista Samfylkingarinnar í næstu kosningum.

Ekki náðist í Egil Helgason vegna þessa máls, en orðrómur er uppi, um að hann hafi sjálfur hug á því að fara í lýtaaðgerð, því hann sé stöðugt spurður um álit sitt á íslenska handboltalandsliðinu, og síðan sé Gummi Ben og Sverrir Stormsker sífellt að bögga sig um helgar, eitthvað sem hann kærir sig alls ekki um.

föstudagur, mars 04, 2005

Fyrirsæta á ferð og flugi

Fyrirsætuferill Trausta Salvar Kristjánssonar virðist vera kominn á flug á ný samkvæmt nýjustu tíðindum frá Akureyri. Nú rétt undir kvöld barst vefriti VSP frétt þess efnis að Trausti muni verða í aðalhlutverki í tónlistarmyndbandi sem tekið er upp í tilefni af Árshátíð Háskólans á Akureyri. Hátíðin er í kvöld og nú á sjötta tímanum munu tökur fara fram en myndbandið verður eftirlíking af þekktasta tónlistarmyndbandi ársins við lagið Call on me. Trausti er enginn nýgræðingur í bransanum eins og kunnugt er og verður vart skotaskuld úr því að hrista fram úr erminni þokkafullar þolfimi hreyfingar. Auk þess er hann fyrrum aðstoðarupptökumaður á sjónvarpsþættinum Mósaík og getur því einnig haft efirlit með gæðum myndatöku.

fimmtudagur, mars 03, 2005

Stórfelld smölun í gangi

Glyspenninn Trausti Salvar Kristjánsson gagnrýnir harðlega vinnubrögð Kristjáns Jónssonar varðandi netkosningu heimasíðu VSP.

Trausti segir að Kristján beiti bláum bellibrögðum, runnin undan rifjum Sjálfstæðisflokksinns, þar sem Kristján misnoti stöðu sína innan Íhaldsinns, og heilaþvoi skoðanabræður sína til þess að kjósa hann í stað Trausta í netkosningunni.

Trausti segir stórfellda smölun í gangi, sem einungis þekkist í bæjarstjórnar og alþingiskosningum, en Kristján hefur einmitt mikla reynslu af þeim.

"Trausti er greinilega eitthvað tapsár núna, því hann er heilum 20% á eftir mér, og virðist hann grípa til þess að ata mig saur, og ráðast á persónu mína", sagði Kristján sigri hrósandi í Valhöll í dag.

Trausti hafði áður kallað Kristján asna og apaheila, sem hefði aldrei getað náð eins góðum "snúningi" í handbolta og hann sjálfur gat í ganginum heima á Heiðarbrún 7 forðum daga.

"Síðan átti Kristján alltaf besta dótið, t.d. átti hann báða kastalana í HE-MAN, þegar ég átti bara einn. Annars mun ég gefa út yfirlýsingu á morgun, eftir aðalfund hjá FFH félaginu," sagði Trausti í miklu uppnámi eftir æfingu á Rocky Horror

Félag áhugafólks um FFH stofnað á Akureyri

Áhugafólk um fljúgandi furðuhluti og líf á öðrum hnöttum hefur nú stofnað félag á Akureyri. Fyrsti formaður félagsins hefur verið kosinn Trausti Salvar Kristjánsson háskólanemi. Trausti hélt mjög athyglisverðan fyrirlestur á stofnfundinum þar sem hann ræddi meðal annars um svokallað geimrusl og hvaða afleiðingar það hefur fyrir áætlunarflug á milli Kína og Japan. "Fundurinn var mjög vel heppnaður við vorum fimm félagar sem mættum og svo var Magnús Skarphéðinsson heiðursgestur. Fyrir utan okkur tvo voru mætt, Kristján Möller, Valgerður Sverrisdóttir, Halldór Blöndal og Steingrímur J. Sigfússon. Hlauparinn ætlaði reyndar að mæta líka en hann þurfti að hlaupa," sagði Trausti í samtali við vefrit VSP og bætti við: "Ég hef verið að kanna jarðveginn fyrir slíkan félagsskap hér fyrir norðan og hef þegar greint samnemendum mínum frá því að örverur hafi fundist á Mars. Ég hef á tilfinningunni að mörg þeirra eigi eftir að fylgja mér í félagið." Félagið hefur fengið nafnið Geimverur og við og slóðin á heimasíðu þess er: http://www.irugli.geim

miðvikudagur, mars 02, 2005

Kristján sniðgenginn af landsliðinu

Þjálfari íslenska landsliðsinns í stærðfræði, Sigurður H. Richter, valdi í dag hópinn sem keppir á Opna algebru mótinu í Japan þann 28 mars nk. Í liðinu eru fjölmargir vestfirðingar, t.d. Baldur Smári, Reynir Sportkort, og Guðmundur Daðason.

Athygli vekur, að Kristján Jónsson lífskúnstner, var ekki valinn að þessu sinni, en hann hefur átt við rökleysu að stríða undanfarið.

Kristján hefur ítrekað gefið vitlaust tilbaka í vinnu sinni, og segir landsliðsþjálfarinn það ekki sæma leikmönnum á svo háu stigi sem Kristján er.

"Hann hefur t.d. reiknað afslátt vitlaust út í prósentum, og selt mörgum víngerðarefni á 50% afslætti, í stað 30% afsláttar. Þetta náttúrulega líðst ekki, hann þarf að taka sig á drengurinn", sagði Sigurður.

Kristján sagði það súrt í brotabroti að vera ekki valinn, en sagði jafnframt að hann gæti sjálfum sér (um) kennt.

"Ég hef að öllum líkindum ekki haldið mér í nægilega góðu formi, hef ekkert verið að reikna aukalega, sem er auðvitað nauðsynlegt þegar maður er kominn svona langt í þessu. En ég reikna með að koma sterkur inn á heimsmeistaramótinu í tölfræði 2007 í Kambódíu, það er jú mitt sérsvið," sagði Kristján hnípinn á svip.

Leikfélag Akureyrar setur upp Rocky Horror

Leikfélag Akureyrar mun setja upp söngleikinn Rocky Horror á næsta leiktímabili. Athygli vekur að lítt reyndur áhugaleikari Trausti Salvar Kristjánsson hefur þegar verið fenginn til þess að leika aðalhlutverkið í sýningunni. Leikhússtjórinn Magnús Geir Þórðarson sagðist í samtali við vefrit VSP hafa fengið ábendingu um frammistöðu Trausta í þessu sama hlutverki í uppfærslu vegna Árshátíðar Grunnskóla Bolungarvíkur árið 1993. Í framhaldinu hefði hann orðið sér úti um upptöku af sýningunni og hrifist mjög af pervertískum tilburðum Trausta. "Þó er einn listrænn ágreiningur kominn upp sem þarf að útkljá. Trausti neitar að vera í sokkabuxum í okkar uppfærslu en hann telur nauðsynlegt að fagurbrúnir fótleggir sínir fái að njóta sín þar sem hann sé nýlega búinn að festa kaup á nýju brúnkukremi og raki auk þess fótleggi sína að staðaldri. Þessu er ég hins vegar ósammála vegna þess að Trausti er með rauða rós tattóveraða á fótlegg sinn og gætu sokkabuxurnar komið í veg fyrir að tattóið sjáist," sagði Magnús.

þriðjudagur, mars 01, 2005

Gunnar Örlygsson fullur eldmóðs

Gunnar Örlygsson, þingmaður Frjálslynda flokksins, hefur ákveðið í samráði við samvisku sína að bjóða sig fram til varaformanns flokksinns.

Þykir þetta mikið hneykslismál innan höfuðs Gunnars, sem hefur snúist gegn ákvörðuninni, ásamt öllum öðrum vitsmunum Gunnars.

Sagðist heili Gunnars harma þessa ákvörðun sína, en hann einfaldlega réði ekki við samviskuna , sem oft hefði reynst örlagarík á ferli sínum.

Sagðist hann þó feginn að uppátækið bryti ekki í bága við landslög, þó vissulega væri það fullt barnarlegrar bjartsýni, og ungæðisháttar.

Öll flokkssystkin Gunnars sögðust harma þessa ákvörðun hans, en Gunnar væri góður inn við beinið, og myndi læra af mistökunum, þótt síðar verði.