föstudagur, apríl 29, 2005

Þrír Sleikipinnar orðaðir við ofbeldisverk á Akureyri

Frá Akureyri hafa borist fregnir yfir fjöll og yfir sand um hrinu ofbeldisverka undanfarið. Eins og alkunna er fyrir norðan þá má ávallt rekja missyndismál á Akureyri til aðkomumanna. Það er þyngra en tárum tekur að greina frá því að spjót lögregluyfirvalda hafa nú beinst að aðkomumönnunum Guðmundi Gunnarssyni, Trausta Salvari Kristjánssyni og Jóni Smára Jónssyni. Áður en þessir menn settust að í Eyjafirði var allt með ró og spekt í bænum sem þótti friðsæll. Andrúmsloftið í bænum hefur nú umturnast eftir að þessir menn hófu innreið sína og nú ríkir þar ógn og skelfing. Hafa þeir meira að segja verið kallaðir Daltón bræðurnir þegar Valdimar Víðisson hefur sést með þeim. Jafnframt rennir sú staðreynd, að jafnan hefur verið talað um þrjá menn í ofbeldishrinunni undanfarið, frekari stoðum undir grunsemdir lögreglunnar. Jónmundur Kjartansson hjá Rannsóknarlögreglunni vildi, í samtali við fréttavef VSP, ekki staðfesta að þessir þrír menn væru sekir um glæpina, en benti þó á að væru þeir saklausir þá væru um ansi miklar tilviljanir að ræða. Auk þess halda þremenningarnir úti heimasíðu þar sem þeir hafa stært sig af ofbeldisverkum sínum, en undanfarið hefur slíkum færslum verið kippt út af vefnum. Ekki hefur náðst í þremenningana þrátt fyrir ítrekaðar tilraunir, en til Guðmundar sást í Leifsstöð í morgun þar sem hann hélt af landi brott, sem RLR þykir afar grunsamlegt, að sögn Jónmundar.

fimmtudagur, apríl 28, 2005

Stjáni Star Wars hlakkar til nýju myndarinnar

Hinn kunni lífskúnstner, heimsmaður, og listunnandi, Kristján Jónsson, hefur í opinskáu viðtali við VSP viðurkennt, að vera forfallinn Star Wars aðdáandi.

Kristján sagðist hafa uppgötvað þessa snilld fremur seint, og hafi í raun aldrei verið mikið fyrir Star Wars sem krakki, því bláu, þröngu, aðsniðnu Adidas buxurnar hafi átt hug hans allann.

En Kristján tók upp á því að byrja þessvegna á byrjuninni, og hefur því aðeins séð fyrstu tvo hluta geimævintýrsins, sem komu út 1999, og 2002. Kristján segist spenntur eftir því að bíða eftir nýjustu, og jafnframt síðustu myndinni, sem kemur út núna í maí.

"já, ég fer út til London, þar sem hún verður heimsfrumsýnd. Ég verð bara í tjaldi fyrir utan bíóið til að fá miða, því það verður mikil eftirspurn sko. "

Kristján sagðist hlakka mest til að sjá síðustu þrjár myndirnar, sem gerðar voru 1977, 1980, og 1983, en þær eru löngu orðnar "kult" myndir, sem njóta enn gríðarlegra vinsælda.

"Já, það er svolítið skrítið að hafa ekki séð þessar vinsælu myndir, en samt veit ég alveg að Svarthöfði er pabbi Loga Geimgengils, þó það sé eitt best varðveittasta leyndamál kvikmyndanna. Mig hlakkar samt mest til að sjá R2-D2 og C3Po, þeir eru víst alveg magnaðir, og svona comic relief, sem ég hef einmitt svo gaman af," sagði Kristján glaðbeittur með geislasverð í hendi.

mánudagur, apríl 18, 2005

UMFB í leit að leikmönnum

Lið ungmennafélags Bolvíkinga í knattspyrnu leitar nú leikmanna, til að styrkja hóp sinn fyrir komandi átök, en liðið er í næstneðsta sæti síns riðils, með aðeins 3 stig.

Þjálfari liðsins, Jón Steinar Guðmundsson, sást nýverið á veitingarhúsi í London með umboðsmanni Ronnie Rozenthal, sem ku vera spenntur að taka fram skóna að nýju, en hann gerði garðinn frægann með liði Liverpool á níunda áratugnum.

Jón Steinar, sem þykir strax orðinn fallvaltur í stjórastólnum, neitaði staðfastlega að hafa hitt bæði Ronnie, og umboðsmann hans, en sagði að viðræður stæðu yfir við reyndan leikmann, af erlendu bergi brotnu.

Vitað er að margir sterkir leikmenn koma til greina, en Jón hefur fengið fullar hendur fjár til leikmannakaupa, og hefur talan 30.000 kr. verið nefnd í þeim efnum.

Vitað er að John Fashanu er með lausan samning, og er orðinn þreyttur á kynþáttamisréttinu á Englandi, sem og Adi Akiiynbiyyiyiyiyii, sem varð ástfanginn af Íslenskri menningu með veru sinni hjá Stoke.

UMBF tapaði 7-1 í síðasta leik fyrirÍR, en að sögn Jóns Steinars, réði lið hans gangi leiksins, og var óheppið að skapa sér ekki fleiri en 1 færi.

Einnig var dómarinn ekki starfi sínu vaxinn sagði Jón, en hann er Kongóskur skiptinemadómari, en KSÍ stofnaði skiptinemasamtök dómara, að beiðni Viggó Sigurðssonar, og Willum Þórs Þórssonar, til að stuðla að betri dómgæslu í heiminum.

miðvikudagur, apríl 13, 2005

Uppþot á Ítalíu rakin til andláts páfa

Einsog kunnugt er sauð uppúr á þriðjudagskvöld, þegar lið Inter og AC Milan mættust í meistaradeildinni í knattspyrnu.

Hinn herskái armur aðdáendaklúbbs Internationale, sem er nátengdur fasistaflokknum á Ítalska þinginu, var óánægður með björt skilyrði leikvallarins, og brugðu á það ráð að fylla hann reik, með þar-tilgerðum blysum, en slíkt er aldagömul hefð á ítölskum leikvöngum.

Aðspurður sagðist Frederico "Il fuhrer" Fascisti, forsprakki óróaseggjanna, hafa staðið fyrir þessum ólátum einnig til að mótmæla þjóðarsorginni sem hefur ríkt síðan páfi lést, því hann hafi leikið stöðu hægri bakvarðar hjá erkióvinunum AC Milan árin 1956-1964, en hann var líka á sama tíma í pólska landsliðinu, og gekk undir nafninu "slátrarinn frá Krakow", þar sem hann þótti harður í horn að taka, en hann skoraði eftirminnilegt sigurmark Pólverja á Ítölum í undankeppni EM 1959, úr hjólhestaspyrnu, sem varð til þess að Ítalir duttu út úr keppninni.

Þess má einnig geta að Jóhannes var ágætis félagi Alberts Guðmundssonar, sem lék á sama tíma með liði AC Milan, í treyju nr. 10, og veitti honum eftirminnilega blessun árið 1985, þegar Hafskipsmálið stóð sem hæst. Hið eftirminnilega var, að páfi veitti tíkinni Lucy einnig blessun, en hún var hundur Alberts, ekki eiginkona, einsog fjölmiðlar á Ítalíu héldu ranglega fram.

fimmtudagur, apríl 07, 2005

Kristján útskrifast til þúsundþjalasmiðs

Kristján Jónsson, lífskúnstner, hefur bætt enn einni rósinni í hnappagatið.

Kristján hlaut nafnbótina Þúsundþjalasmiður frá Landssamtökum Verklaginna, þegar hann skipti um dekk á bíl sínum, einn síns liðs í fyrradag, að eigin sögn.

Kristján hefur því einnig hlotið visku og kunnáttu til þess að skipta sjálfur um ljósaperu, kló, og getur loks tekið til í herberginu sínu.

Að vísu þarf Kristján að taka munnlegt próf í Verklagni 203 til þess að hljóta ryksuguréttindi, en hingað til hefur hann notast við gamlan kúst, og gjarnan sópað skítnum undir teppi, eða leður-fótsskemil, nema að þar sé hrúga fyrir, þá hefur hann stolist í Black&Decker handryksuguna , þó svo að hann hafi ekki próf á slíkt tæki.

“Maður fékk nú að taka í handryksugufjandann meðan maður var að djöflast þetta með pabba í gamla daga, en ég hvet engan til þess að reyna þetta heimafyrir, nema með leiðsögn fullorðinna,” sagði Kristján ábúðarfullur.

Kristján er á 28 aldursári.

Trausti ekki valinn næsti Bond

Þá liggur það ljóst fyrir, að Trausti Salvar verður ekki valinn til að leika næsta James Bond 007, njósnara hennar hátignar, samkvæmt hinum áreiðanlega miðli, The Sun.

Kemur þetta gríðarlega á óvart, enda nánast sjálfgefið að Trausti hlyti hlutverkið, sem hann hefur búið sig undir sl. 13 ár.

Er Trausti afar óhress með framleiðendur myndanna, og hefur m.a. hótað að hætta að halda uppá James Bond, nema hann fái a.m.k lítið hlutverk í nýjustu Bond myndinni, In love with a pussy from Russia, dying in a golden iceberg.

Í stað Trausta var valin þeldökk leikkona frá Bandaríkjunum, Queen Latifah, en hún hefur getið af sér gott orð í gamanmyndum vestanhafs. Með valinu segjast framleiðendur ætla að höfða sérstaklega til blökkukvenna og blámanna á aldrinum 13-29 ára, og mun rapparinn Gangsta in the brotherhood of bling bling flytja titillag myndarinnar, sem heitir No more white shit.

Myndin verður tekin upp víða um Bronx hverfið, og verður myndin frumsýnd á afmælisdegi Malcolms X, 29. febrúar.



laugardagur, apríl 02, 2005

Kristján hljóp apríl

Kristján Jónsson, vefíþróttafréttamaður mbl.is, fór í gærkvöld niður í þjóðmenningarhús til þess að fylgjast með meintu skákeinvígi Bobby Fishers og Friðriks Ólafssonar.

Kristján gerði sér hinsvegar ekki grein fyrir því að um aprílgabb var að ræða hjá fréttastofu Stöðvar 2, og hljóp því all svakalegan apríl. Kom þetta fram í fréttum Stöðvar 2 rétt í þessu.

Kristján sagðist svekktur vegna þessa, því hann hefði hlakkað til að ræða við Bobby, en þeir deila sameiginlegu áhugamáli, báðir eru öfgasinnaðir hægrimenn.

Páfi með besta aprílgabbið

Jóhannes Páll páfi II stóð fyrir einu mesta og besta aprílgabbi sem sögur fara af í gær, og má með sanni segja að hann hafi húmorinn í lagi.

Páfi, sem nýlega varð 107 ára, hefur átt við erfið veikindi að stríða að undanförnu, og hafa þær raddir ómað að hann eigi ekki langt eftir í embætti, vegna heilsubrests.

"Jóhannes nýtti sér daginn í gær, og þóttist vera látinn í um 3 mínútur, þ.e. hann starði fram og slefaði án þess að sýna önnur lífsmerki", sagði læknir páfa, Paolo Terribile.

"Ég hef æft þetta bragð lengi, en það krefst gífulegrar einbeitni og viljastyrks, viljastyrks frá guði, en ég talaði við hann um miðjan dag, og var hann ósáttur við þetta uppátæki mitt.
Búast má við að himnarnir hrynji í dag, eldi og brennistein rigni, og jörðin opnist, og hersveitir guðs komi úr skýjum ofan til að refsa mannkyninu með gereyðingu. Ég ráðlegg fólki að halda sig innandyra, byrgja sig upp af dósamat, og spara rafmagn og súrefni", sagði páfi við blaðamann the Amen-channel í gærkvöld.