miðvikudagur, maí 24, 2006

Stílisti kærir VSP fyrir meiðyrði









Gary (83) stillti sér upp fyrir ljósmyndara VSP


Gary stillti Bjössa (19) upp fyrir ljósmyndara VSP


Stílisti Björns Inga Hrafnssonar, andlits Framsóknarflokksins og NoName, hefur kært þau ummæli VSP að skjólstæðingur sinn sé tölvugerður.

Stílistinn, Gary Glitter, poppari og barnaníðingur, sagðist hafa lagt allt sem hann ætti í útlit Björns.

“Blóð mitt og tár eru í Bjössa. Hann er meistarastykkið mitt, mín Mona Lisa. Hann er það sem ég vil að fólk minnist mín fyrir,” sagði Gary á merkilega góðri íslensku.

Gary fer fram á að VSP biðjist afsökunar og ummælin verði dæmd dauð og ómerk.

VSP standa þó við fréttina og eru tilbúnir til þess að mæta Gary í rétti.

þriðjudagur, maí 23, 2006

Fyrsti tölvugerði frambjóðandinn staðreynd









Hinn upprunalegi Björn Ingi klæddist gjarnan leðurjakka










Hér sést eftirmyndin, mun huggulegri maður hér á ferð, í engum leðurjakka


Hinn ofsóknaóði frambjóðandi Framsóknarflokksins, Björn Ingi Hrafnsson, er í raun ekki sá sem hann segist vera.

Komið hefur í ljós að í öll þau skipti sem honum hefur brugðið fyrir í fjölmiðlum síðan snemma í mars, hefur verið um tölvuteiknaða eftirmynd hans að ræða.

Þetta staðfestir bastarður flokksins, Kristinn H. Gunnarsson.

Að sögn Kristins hefur Björn haldið sig að mestu heimafyrir meðan kosningalætin hafa magnast, og látið tæknimenn Framsóknarflokksins (þversögn?) um að koma hinni tölvugerðu eftirmynd á framfæri.

"Við erum búnir að sneiða síðuspikið af honum, taka af honum gleraugun, dæla í hann Tan-kremi, og hvíta í honum tennurnar. Umtalsverðasta breytingin var þó sú að við þurftum að láta hann fá algerlega nýjar skoðanir, eitthvað sem fólk myndi trúa," sagði Guðmundur Björnson, sem stýrir kosningabaráttu Framsóknar á bakvið tjöldin.

Að sögn Guðmundar virðist áhættan hafa borgað sig því Framsóknarflokkurinn mælist með mun meira fylgi heldur en þeir þorðu að vona með hinn raunverulega Björn Inga í fararbroddi.

fimmtudagur, maí 18, 2006

Komst í gallabuxurnar










Jarþrúður Grönvald í gallabuxunum þröngu



Jarþrúður Grönvald, leðjuglímukona og blautbolskeppandi, komst hjálparlaust í gallabuxurnar sínar í gærmorgun.

Jarþrúður, sem hefur lengi barist við húðfellingarsjúkdóminn offitu, sagði að loksins hefði Hollywoodkúrinn borið tilætlaðan árangur, en Jarþrúður hefur einungis drukkið appelsínusafa með öllum sínum súper-máltíðum í rúm 3 ár.

"Ég ákvað bara að fara að fordæmi Eista, girða mig í brók og bretta upp ermarnar. Þetta er ofsaleg barátta sem hefur loks skilað sér," sagði Jarþrúður andstutt.

Jarþrúður notar gallabuxur númer 54 en stefnir á að nota stærð 52 í náinni framtíð.

miðvikudagur, maí 10, 2006

Illur tvíburabróðir reynir heimsyfirráð í gegnum alnetið



Loki ásamt tölvunni góðu

Loki Þyrnir Einarsson, illmenni og tvíburabróðir Baldurs Smára, ætlar að gera tilraun til þess að ná heimsyfirráðum með aðstoð alnetsins.

Loki, sem er forritari hjá CONTROL ALT DELETE, hugbúnaðarfyrirtæki með heildarlausnir á sviði straumlínulagaðra aðalskipulaga, sagðist lengi hafa íhugað sín illu áform en fyrst nú látið verða af þeim:

"Já, ég kláraði sko 9 borðið í WarCraft, og þá kom mamma inn og bauð mér mjólk og pólókex. Ég sagði bara ´nei, ég er upptekinn´ og mamma sagði bara ´ nú allt í lagi góði´. Og þá rann bara upp fyrir mér ljós, en í formi myrkurs sko, þú veist, því ég er illur nefnilega. Ég fattaði að ef maður er bara nógu frekur og ógnandi þá nær maður öllum markmiðum sínum" sagði Loki mjóróma.

Til verksins mun Loki nota Tandon 256 tölvu með utanáliggjandi 56k módemi og svarthvítum Hitachi nálarprentara.

sunnudagur, maí 07, 2006

Bréfsprengjumaðurinn heimsækir Vestfirði







Ted Kaczynski heimsótti m.a. Gamla bakaríið


Hinn heimsþekkti hryðjuverkamaður Ted Kaczynski, betur þekktur undir nafninu the Unabomber, eða Bréfsprengjumaðurinn, heimsótti Vestfirði í dag.

Ted segist vera að leita sér eftir mikið notuðum hrörlegum fjallakofa án rafmagns, þar sem hann geti sinnt áhugamálum sínum, sem er frímerkjasöfnun og bréfburður.

Ted, sem dæmdur var í 3579 ára fangelsi árið 1996, segist hafa verið sleppt vegna góðrar hegðunar og vilji helst fá að vera í friði frá umheiminum eftir 10 ára vist í einangrunarfangelsi.

Ted sagðist þó ætla að heimsækja Langa Manga í kvöld til að fá sér bjór og spjalla við íslenskar konur, sem flykktust að Ted í dag þegar þær heyrðu að hann væri frægur.

miðvikudagur, maí 03, 2006

Vitleysingjar til vandræða















Hér sjást frambjóðendur. Fyrir miðju er Rúnar Arnarsson


Nýtt framboð hefur litið dagsins ljós í Bolungavík. Framboðið er einstakt að því leyti að það samanstendur af kommúnistum, krötum, framsóknarmönnum, og sjálfstæðismönnum.

Framboðið kýs að nefna sig Vitleysingjar til Vandræða, og hafa kosið sér listabókstafinn Ð.

Efst á listanum er kona kjötiðnaðarmannsins Kristjáns Arnarsonar, Anna Edvardsdóttir, en hún fór í fýlu vegna óhagstæðra úrslita í vinsældarkosningu sjálfstæðisflokksins og klauf sig því úr honum.

Athygli vekur að aðeins einn karlmaður skipar eitt af fimm efstu sætunum og er það hinn kunni strandamaður Jón Steinar Guðmundsson, í þriðja sæti.

Jón Steinar býr yfir mikilli mælskusnilld sem og stóískri yfirvegun. Taumhald hans á skapi sínu er margrómað sem og hæfileiki hans til að viðurkenna mistök sín. Einnig er Jón næmur fyrir aðhaldi í fjármálum, sem kemur sér vel við rekstur bæjarfélags, en Jón er talinn líklegur í embætti gjaldkera.

Athygliverð er þó sú staðreynd að Jón hafi sætt sig við þriðja sætið, enda keppnismaður mikill. Jón hefur aldrei áður verið í þriðja sæti í neinu sem hann hefur tekið sér fyrir hendur, eða fætur.

Einnig verður áhugavert að fylgjast með samstarfi hans og Önnu en Anna hefur margsinnis reynt að koma Jóni til manns, með umdeilanlegum árangri, þegar hún var kennari á sínum tíma.

Á listanum er einnig Rúnar Arnarson, tengdabróðir Önnu E. Rúnar hefur árum saman barist fyrir megrunarlausum degi og uppskar loks erfiði sitt nú á dögunum, þegar samnefndur dagur var tekin upp. Talið er að Rúnar muni gegna starfi æskulýðs og íþróttarfulltrúa Bolungavíkur.