föstudagur, september 30, 2005

Pétur Klof í enska landsliðið

Hér sést Pétur að leik með knöttinn

Hinn fótafimi knattspyrnumaður og kvennagull, Pétur Klof, eða Peter Crouch, var í dag valinn í enska landsliðið, sem mætir Pólverjum og Austurríkismönnum í undankeppni HM í næstu viku.

Er þetta í fyrsta skipti sem hengilmæna er valin í liðið, en Pétur er 3.47 metrar á hæð, og 63 kg.

Pétur þykir koma með nýjan og ferskan blæ í sóknarleik Englendinga, en talið er að Sveinn Jörundur, landsliðsþjálfari Englands, noti hann sem leynivopn, til að koma Pólverjum í opna skjöldu.

“Ásýnd hans ein nægir til að skjóta varnarmönnum skelk í bringu, síðan er hann ótrúlega góður í fótbolta, miðað við hvað hann er stór. Hann hefur t.d. oft skotið boltanum í markið á æfingum, og er mjög teknískur miðað við svo stórann mann, en hann mætti bæta sig í skallaboltunum”, sagði Sveinn Jörundur á blaðamannafundi í hádeginu í dag.

Pétur sagðist vera himinlifandi yfir að hafa verið valinn, og sagði að hann hefði alltaf haft háleit markmið. Hann sagðist einfaldlega vera í skýjunum yfir gengi sínu á undanförnu, en hann átti erfitt uppdráttar hjá Aston Villa, sem síðan seldi hann til Southampton. Pétur spilar nú með Liverpool, og að sögn markaðsstjóra liðsinns, hefur treyjusala dregist saman um 37% eftir að Pétur gekk til liðsins: “Þetta er bara tímabundið ástand, ég er viss um að frammistaða hans eigi eftir að koma liðinu á toppinn, til hæstu hæða, með hann í farabroddi.”

Tölvuormsvírusinn “Klukk” skríður til skara

Fyrsta, og eina myndin sem náðst hefur af "klukk" tölvuveirunni



Um þessar mundir geisar elektrónísk vargöld í tölvuheimum, en Fréttastofu Vestfirzkra Sleikipinna hefur borist tölvuormsveiran “Klukk”, og hefir það verið gjört kunnugt, að eina ráðið til að losna við þessa óboðnu rafveiru, sé að birta 5 persónulegar, en merkingarlausar staðreyndir um hvern þann sem hlýtur þennan alnets vágest.

Það verður því framkvæmdarstjóri VSP, Trausti Salvar, sem ríður á vaðið.

Trausti er 190 sentímetrar á hæð
Trausti er dökkhærður með blá augu
Trausti er grannvaxinn og í kjörþyngd
Trausti er einhleypur
Trausti á gsm síma, en hann er: 661 7777

VSP sendir “Klukk” vírusinn á Kristján Jónsson

miðvikudagur, september 28, 2005

Liverpool-Chelsea: Orðastríð fyrir leik!

Hér sjást þeir Lampard (til hægri) og Gerrard (til vinstri) í jólaglöggi knattspyrnusambandsinns í fyrra


Frank Lampard leikmaður Chealsea, sagði í dag að Steven Gerrard, fyrirliði Liverpool, væri hálfviti og asni. Er þetta talið vera liður í svokölluðum sálfræðihernaði, rétt fyrir leikinn í kvöld, þar sem þessir liðsmenn enska landsliðsins mætast í Meistaradeildinni.

Steven svaraði að bragði, að Lampard væri kynvillingur með kryppu sem kynni ekki mannasiði.
Brást þá Lampard reiður við, og sagði að móðir Gerrards væri dræsa, sem allir í liðinu hefðu sofið hjá, líka Gerrard.

Aðspurður um ummæli Lampards varð Gerrard mjög skömmustulegur og rauður í framan, en sagði að lokum : " Lampard er bara asni og hálfviti, því að...að...hann er bara öfundsjúkur....já! Öfundsjúkur!"


Leikurinn fer fram kl. 18:30 að íslenskum tíma, og verður leikurinn í beinni á Sýn

þriðjudagur, september 27, 2005

Einar Kristinn orðinn ráðherra


Einar í góðri stund í heita pottinum í Bolungarvík

Einar Kr. Guðfinnsson, þingmaður frá Bolungarvík, tók í dag við embætti sjávarútvegsráðherra af Árna M Mathiesen. Einar sagðist vera stórhuga, og lofaði kjósendum róttækum breytingum á kvótakerfinu, td að bara mætti veiða þorsk á mánudögum milli kl. 13:00 og 14:30, á brimbrjóti Bolungarvíkur. Einnig sagðist Einar ætla að berjast fyrir því að vestfjarðarkjálkinn yrði sprengdur frá meginlandinu, og lýsti yfir sjálfstæði.

"Já, þannig getum við aukið kvótann hjá okkur til muna, því auðvitað hefðum við enn aðgang að 200 mílna lögsögunni. Einnig myndum við koma okkur upp sjóher, því það myndi minnka atvinnuleysi, og auka stóriðju, en fyrirhugað er að Björn Bjarnason þrói hugmyndir sínar um hönnun freigáta, tundurspilla, og kafbáta í samráði við framkvæmdaraðila verksins, Vélsmiðju Bolungavíkur," sagði Einar nú undir kvöld.

Talið er að Einar ráði Kristján Jónsson, altmuligtmand, í stöðu sérlegs aðstoðarmanns síns, sem og bílstjóra, en Kristján hefur getið af sér gott orð að undanförnu í umferðinni.

"Já, maður hefur oft borðað djúpsteiktu rækjurnar hjá Nings, þannig að ég tel mig fyllilega hæfan í þessa stöðu," sagði Kristján rogginn í viðtali við blm VSP nú undir kvöld.

Má því segja að útlitið sé bjart hjá vestfirðingum.

mánudagur, september 26, 2005

Segist ekki vera með brókarsótt!

Hér sést Jónína(64) létt á bárunni



Jónína Ben, næringarfræðingur og heilsuráðgjafi, segist ekki vera með brókarsótt, í kjölfar frétta af meintu ástarsambandi hennar og Styrmis frá Mogganum, Jóhannesar í Bónus, Tomma í Hard Rock, Bolla í 17, Rolf í Rolf Johansen, Ingvari Helgasyni í Ingvari Helgasyni, Jón Ólafs í Herbalife, Gulla í Karnabæ, Sigfúsi í Heklu, Jóni á hjólinu, Halldórs í Henson, Stebba í Sálinni, Sigga Svarta á Hlemmi, Stefáni í Lúdó Sextett, Ellert Schram úr KR, Gunnar Huseby úr KR, Ásgeirs Ásgeirssonar af Bessastöðum, og Gunnars í Krossinum.

Þó ekki neiti hún að hafa verið með þessum mönnum, á yfir 50 ára tímabili, segist hún aldrei myndi senda þeim tölvupóst, því flestir þeirra kunni ekkert með slíkt að fara.

"Ég mun ekki fara nánar út í mín einkamál, enda finnst mér ósmekklegt að bera ástarmál mín á borð fyrir landann. Hver er annars pabbi þinn vinur?", spurði Jónína blm VSP með glampa í augunum í dag.

VSP leggja til að menn frá aldrinum 45-85 læsi að sér útihurðum, og dvelji innandyra meðan fjölmiðlafárinu slotar, og fylgist grannt með fréttum.

sunnudagur, september 25, 2005

Aron Pálmi gleymdist

Aron Pálmi Ágústsson, hinn góðkunni barnaperri og offitusjúklingur, gleymdist í rýmingu á suðurströnd Texas-fylkis í gær, vegna komu golunar Ritu.

Aron Pálmi reyndi allt til þess að komast út úr húsi sínu, en festist í dyrakarminum sökum stærðar sinnar. Það var ekki fyrr en Rita náði Mach 3, eða stinningskalda, að hús Arons Pálma fauk um koll, og þar með náði Aron Pálmi að komast út á akur.

"Ef ekki hefði notið við þyngdar Arons, hefði hann án efa sogast upp með Ritu, sem á þessu stigi var orðinn að hvirfilbyl, með fellibylsívafi," sagði Ari Trausti Magnússon veðurfræðihetja.

Í stað þess soguðust föt Arons Pálma upp í strókinn, sem varð til þess að úrkoman sem fylgdi storminum minnkaði, enda föt Arons úr bómul, og afar rakadræg.

"Mér skilst að ég fái einhvern kross frá Bush fyrir að bjarga mörgum mannslífum sem ella hefðu drukknað. Held að það sé Hakakrossinn eða eitthvað svoleiðis. Annars á ég að koma fyrir rétt á mánudaginn, fyrir að vera allsber á opinberum stað, sem er bannað, en Rita bókstaflega afklæddi mig gersamlega. Það eina sem var eftir, var GPS staðsetningartækið frá Sing Sing fangelsinu, en ég var víst 200 metra of langt frá heimili mínu, og það er náttúrulega dauðarefsivert athæfi. Þannig að ég geng grænu míluna til 2036, en þá fer ég í rafmagnsstólinn," sagði Aron Pálmi, sem hafði hlakkað til að koma til Íslands, og opna þar skyndibitastað.

"Já, við hérna í suðrinu erum hrifin af því að djúpsteikja allskonar hluti, og það var svona megin- þemað í hugmyndinni minni að staðnum sem átti að heita AronFry, en í ljósi örlaga minna er það svolítið kaldhæðnislegt, finnst þér ekki?," sagði Aron Pálmi við blm VSP í dag.

fimmtudagur, september 22, 2005

Kókaínfyrirtæki hættir stuðningi við Kate Moss

Hin íturvaxna Kate Moss

Ofurfyrirsætan Kate Moss á ekki sjö dagana sæla um þessar mundir. Eftir að upp komst um meinta misnotkun hennar á eiturlyfjum, hefur hver tískukeðjan á fætur annarri rift samningum við hana, því engin vill láta bendla nafn sitt við eiturlyf.

Í dag tók svo steininn úr, þegar að Kólumbísk kókaínverksmiðja, É.E.A.B.M.V. (Ésta Es Algo de Buena Mierda Verdadera) ((Þetta er virkilega góður skítur)), sagðist ætla að hætta stuðningi sínum yfir Kate Moss, þar sem hún uppfyllti ekki samning sinn, með því að mæta "dópuð" í minnst þrjár tískusýningar í mánuði, en Kate segist aðeins hafa verið "dópuð" í tveimur tískusýningum, í þessum mánuði.

Talsmaður verksmiðjunnar, Carlos "Coco" Polvo, sagði að leita þyrfti nýs andlits fyrir fyrirtækið, og þar kæmu fjölmargir til greina: Christian Slater, Gíslimarteinn, Leonardo Di Caprio, Geir Ólafsson, og Íþróttaálfurinn Magnús Scheving.

Kate Moss sagðist ekki deyja ráðalaus, hún myndi einfaldlega taka sig á, og byrja að drekka stíft, og vinna sig þannig útúr "ruglinu", einsog hún orðaði það við blm VSP.

miðvikudagur, september 21, 2005

Ríkharður skiptir um starfsvettvang

Ekki lengur blámaður!




Kristinn þykir óvenju ófríður





Hinn landskunni knattspyrnumaður, Ríkharður Daðason, sem var fyrirliði Fram í sumar, hefur ákveðið að leggja skóna á hilluna, og taka fram gítarinn!

Ríkharður, sem skoraði aðeins 3 mörk í sumar, sagðist einfaldlega ekki geta neitt í fótbolta lengur, og viðræður væru hafnar við hljómsveitina Vínil, þar sem þeir Baugsbræður Júníussynir ráða för.

"Rikki hefur alveg lúkkið sem við viljum hafa á mönnum í okkar bandi, og það án þess að hafa verið í heróíni eins og við. Það sannar bara það að íþróttir eru ofmetnar í ljósi heilsusamlegs lífernis, ég meina, sjáðu bara okkur samanborið við Rikka,! " sagði forsöngvari sveitarinnar, Kristinn Júníusson í spjalli við blm VSP í dag.

Framarar hafa reyndar kært Vínil fyrir Mannréttindadómstól FIFA, þar sem Ríkharður er enn samningsbundinn Fram-liðinu, en reglur kveða skýrt á um að ekki megi annað lið, sem í þessu tilfelli er hljómsveit, bera víur í leikmenn án þess að tala við lið þeirra fyrst. Þó er talið að slíkt eigi ekki við í þessu tilfelli, þar sem Ríkharður hefur ákveðið að hætta alfarið knattspyrnuiðkun.


(Heimild:Baugstíðindi)

þriðjudagur, september 20, 2005

Gripinn við lestur DV!

Kristján Jónsson, lífskúnstner og sérlegur velunnari Sjálfstæðisflokksinns, sést hér við lestur sorpritsinns DV. Þykir þetta reginhneyskli, þar sem Kristján er annálaður Moggamaður, enda hefur hann unnið þar um nokkurt skeið, sem og lesið hann oft og mörgum sinnum.

Styrmir Gunnarsson, ritsjóri Morgunblaðsins, sagði í viðtali við X-FM í morgun, að um sérlega ósvífni væri að ræða hjá Kristjáni, og bryti slíkur verknaður í bága við 4. grein hollustueiðs starfsmanna Morgunblaðsins, sem segir skýrt og greinilega að: "...er því starfsmönnum Morgunblaðsins, sem eru verndarar frelsisins, og riddarar sannleikans, með pennan að vopni, óheimilt að saurga sál sína með lestri sorprita (DV) og þessháttar slúðurblaða, ellegar eiga hættu á útskúfun úr þjóðfélagi réttsýnna, og dygðsamra blaðamanna, sem starfsmenn þessa blaðs eru svo sannarlega."


Kristján sagðist sjá eftir öllu saman, slík yfirsjón væri ekkert annað en asnaskapur, og þetta myndi aldrei koma fyrir aftur. Hann hafi bara viljað kíkja á íþróttasíðurnar, sem væru með svo mörgum skemmtilegum litmyndum.

föstudagur, september 16, 2005

Fjarstýrði sjávarútvegssýningunni!

Trausti Salvar Kristjánsson athafnaskáld gerir það ekki endasleppt þessa dagana. Sem kunnugt er þá er Trausti dáðasti starfssmaður íþróttamiðstöðvarinnar Smárans í Kópavogi fyrr og síðar. Hann var því illa fjarri góðu gamni á dögunum þegar Smárinn hélt sjávarútvegssýninguna með glæsibrag, en sýningin er stærsta verkefni sem rekur á fjörur þessarar miðstöðvar. En eins og máltækið segir; Þegar neyðin er stærst er hjálpin nyrst. Kristján Jónatansson æðsti prestur í Smáranum er mjög ör maður og tók verkefnið að sér af mikilli festu. Þegar hann hafði vakað í 14 sólarhringa sleitulaust brann hann hins vegar yfir og kom það því í hlut Trausta að fjarstýra sýningunni að norðan. Trausti sagðist í samtali við Fiskifréttir að þetta hafi komið sér mjög á óvart: "Karlinn virðist ekki hafa sama vinnuþol og í gamla daga. Ég átti nú ekki von á því að hann gæfist upp eftir einungis tveggja vikna vökutörn." Friðrik Már Baldvinsson framkvæmdastjóri Landssambands íslenskra útvegsmanna sagði í samtali við tímaritið Ægi að Trausti hefði reddað sýningunni: "Þar sem Trausti hefur ætíð haft mikinn áhuga á sjávarútvegi og því sem viðkemur greininni, þá hefði ekki verið hægt að fá betri mann til verksins. Enda rúllaði hann þessu upp. Ég veit að þeir Samherjamenn hafa í framhaldinu boðið honum yfirverkstjórastöðu í Eyjafjarðahreppi og krefst Trausti nú þess að vera kallaður Lundi."

sunnudagur, september 11, 2005

Hefur alltaf verið töff


Óyggjandi sannanir hafa fengist fyrir því sem vísindamenn og tískulöggur hafa lengi haldið fram, en það er að Trausti Salvar Kristjánsson, háskólanemi, hafi ávallt verið töff, ekki bara síðustu 7 árin.

Einsog sést á meðfylgjandi mynd, sem tekin var árið 1987, þá er Trausti Salvar, sem aðeins er 9 ára á myndinni, strax þegar orðinn frekar svalur, og rosalega töff.

Að sögn Þorbjargar móður Trausta, keypti Trausti öll sín föt sjálfur á þessum tíma, en sökum ættartengsla fékk hann vænan afslátt í vefnaðarvörudeild EG ættarveldisinns, þar sem móðir hans vann t.d.

Að sögn Ásgeirs Kolbeinssonar, B.A. í karlmennsku, er Trausti þegar farinn að sýna tilþrif í litavali á þessum aldri, sem aðeins hafði þekkst meðal fullorðinna.

"Trausti sýndi ungur að árum bæði djörfung og þor, enda hefur hann ávallt verið álitinn sérstakur drengur. Köflóttu fötin, sem eru alltaf klassísk, fara ótrúlega vel við grænbláu peysuna. Sólgleraugun undirstrika síðan hversu svalur Trausti var á þessum tíma," sagði Ásgeir með öfundartón í röddinni við blm. VSP.

Raddir eru einnig uppi um að myndin sé sönnun fyrir því að Trausti sé hommi, og hafi verið hommi frá árinu 1987 amk, en sérfræðingar benda á, að slíkt sé með öllu ómögulegt, ef tillit er tekið til klippingarinnar, sem er allt annað en hommaleg; miklu frekar tákn um karlmennsku Trausta, sem var gríðarleg.


Trausti vildi ekki tjá sig um málið, en sagði þó: "Það er toppurinn að vera í köflóttu!"

Búinn að vera með nefrennsli í viku

Trausti Salvar Kristjánsson, háskólanemi, er búinn að vera með nefrennsli í viku. Trausti, sem jafnan er heilsuhraustur og með eðlilega líkamsstarfssemi, sagðist ekkert skilja í þessu, en það einfaldlega hætti bara ekki að leka úr nefinu á honum.

"Ég bara skil þetta ekki, mér fannst fyrst einsog ég væri að fá blóðnasir, en þá lak bara glær horinn út, án þess að ég gæti fengið rönd við reist. Svo er þetta pirrandi, því maður fær svona snýtusár fyrir neðan nefið, þar sem mesta klósettpappírsrúlluálagið er mest," sagði Trausti óneitanlega skelkaður við blm. VSP í gær.

Ekki er talið að um faraldur sé að ræða, en Pétur Pétursson landlæknir, sagði að aldrei væri varinn of góður, og hvatti fólk til þess að kaupa klósettpappír og Cleanex í massavís, ef hið versta skyldi gerast.

VSP hvetur fólk til þess a halda sig innandyra, og fylgjast með fréttum.

föstudagur, september 02, 2005

Datt í það á fimmtudegi!

Trausti Salvar Kristjánsson, gjálífstæknir, og doktor í frjálsum ástum, datt í´ða sl. fimmtudagskvöld. Er þetta fyrsta skiptið þar sem slíkt gerist hjá Trausta, enda hann afar vandaður og reglubundinn maður.

"Já, við félagarnir fórum á kynningu hjá BÍSN, sem er náttúrulega kjaftæði, en það var bjór í boði og camembert ostur, þannig að ég sló til. Fyrr en varði var ég farinn að finna á mér, þannig að við drifum okkur á Café Glamour og héldum stífri drykkju áfram, áður en við fórum í eftirpartí heim til mín," sagði Trausti í viðtali við blm. VSP.

Trausti sagðist ætla að taka föstudagskvöldið rólega, enda þyrfti hann að vera hress á laugardagskvöldinu, en þá verður rosa teiti í þakíbúð fríríkisins Gossins, en sú bygging öll, (Tröllagil) er stærsta reðurtákn Akureyrarbæjar. Það þykir því afar viðeigandi að Trausti skuli einmitt búa þar, því að hann er með svo stórt..........................................egó.