þriðjudagur, febrúar 07, 2006

Finnbogi fyrirmyndin

Geðmundur Gunnarsson nýráðin útvarpsmaður á Akureyri, og framtíðar umsjónarmaður svæðisútvarps Vestfjarða, hefur ljóstrað því upp að Finnbogi Hermannsson sé fyrirmynd sín í starfi. Geðmundur greindi frá þessu í hjartnæmu viðtali við Eyjafarðarritið Dagurinn í dag, sem reist var á rústum Dags-Tímans sem reist var á rústum Tímans-Dags sem reist var á rústum Tíminn tekur tíma. Þar kemur fram að með auknum skeggvexti og nokkrum þáttum af Laufskálanum vonist Geðmundur til þess að ná virðuleikablæ Finnboga, sem hann hefur fylgst grannt með frá Menntaskólaárunum.

Valdimar Víðisson skólastjóri á Grenivík, og einn dáðasti útvarpssmaður í sögu Eyjafjarðar, sendi frá sér fréttatilkynningu eftir hádegi í dag, þar sem fram kemur að yfirlýsingin hafi komið eins og köld vatnssgusa framan í hann. "Ég hef nú stjórnað mörgum þáttum sem Geðmundur fylgdist vel með eins og: Með rautt í vöngum, Manstu gamla daga?, Manstu gamla daga því ég man þá ekki sjálfur, og Hver hefur ekki verið skotinn í Helenu Eyjólfs? Hjá mér fékk hann meira að segja að stíga sín fyrstu skref í Eyjafjarðarútvarpi, þegar hann og ljúfmennið Kristján Jónsson voru með pistla, sem reyndar er afskaplega vandaður maður, ólíkt Geðmundi. Og hvernig er þakkað fyrir sig? Með því að nefna Finnboga Hermannsson! Manni sem hefur akkúrat enga þekkingu á Ingimari Eydal". Þetta mun vera eina skrifaða fréttayfirlýsingin í sögunni sem er óðamála. Finnbogi segir hins vegar að þetta komi sér ekkert á óvart: "Ég man þegar ég bjó við hlið samfestingnanna, Kristjáns og Gísla, á Bakkaveginum. Þá kom Geðmundur alltaf yfir til mín þegar þeir voru með partý. Þá fengum við okkur pípu, settum á okkur axlabönd og ég kenndi honum að taka viðtöl. Ég kenndi honum það sem hann kann," sagði Finnbogi stoltur af lærlingi sínum og verðandi eftirmanni.

sunnudagur, febrúar 05, 2006

Fór langt yfir strikið

Fréttamaður RÚV á Akureyri, Guðmundur Gunnarsson, fór langt yfir strikið við veislustjórn Þorrablóts brottfluttra Bolvíkinga í gærkvöld.

Guðmundur gerði stanslaust grín að Sigríði Guðjónsdóttur og meintum "yfirnáttúrulegum skilningsvitum hennar" einsog Guðmundur orðaði það.

Einnig skaut Guðmundur mikið á EG ættina, og sagði hana "orsök þess að góðærið kom of seint".

Þá flutti Guðmundur níð um Egil Gunn, þar sem hann líkti andlitshárvexti Egils við kvenmanns skapahár.

Einnig sagði Guðmundur töluvert af kúka og piss bröndurum, sem hann sagðist ætíð hafa miklar mætur á.

Töluvert margir hafa krafist endurgreiðslu af Þorrablótsnefnd, en að Sögn Guðrúnar Guðfinnsdóttur, kemur það ekki til greina. "Fyrr fæ ég mér sléttujárn, en að láta rýja mig inn að skinni! Það fær enginn endurgreitt!!!"

Ekki náðist í Guðmund, en hann er talinn hafa flúið til sama lands og Heiðar snyrtir gerði á sínum tíma.

föstudagur, febrúar 03, 2006

Geðmundur i deilum við RUV

Hinn nýráðni starfsmaður RÚV á Akureyri, Guðmundur Gunnarsson, hefur ekki sólundað tíma sínum í hinu nýja starfi heldur er strax farinn að deila við yfirboðara sína. Málið er þannig vaxið að vegna starfa Guðmundar sem fréttamaður hjá ríkismiðli þá er ætlast til þess að hann haldi skoðunum sínum út af fyrir sig og taki ekki þátt í umræðum á opinberum vettvangi, nema þá kannski á spjalli press.is. Þetta gæti orðið til þess að Guðmundur þurfi að láta af sinni eftirlætis iðju sem er að stunda rifrildi við 12 ára gamla stráka á spjallborðum manutd.is og liverpool.is. Guðmundur vildi ekki tjá sig um málið er fréttastofa VSP leitaði til hans nú undir kvöld, nema það að hann væri alveg sótillur út af þessu. Ríkisútvarpið hefur sent frá sér tilkynningu vegna málsins þar sem fram kemur meðal annars; að sjái fólk nafnið "Geðmundur öldungur" dúkka upp á spjallsíðum þar sem litlir strákar eru að rífast, þá er viðkomandi aðilum vinsamlegast bent á að hafa samband við önhvurt af eftirtöldu RÚVAK fólki: Sigrúnu Eskil Stefánsdóttur, Karl Eskil Pálsson eða Gest Einar Eskil Jónasson.

miðvikudagur, febrúar 01, 2006

Ráðning RÚV vekur siðferðisspurningar




















Guðmundur (fyrir miðju) unir sér best í sínu
náttúrulega umhverfi, þ.e.a.s. með hjúkkum, áfengi og playboyblöðum



Nýleg ráðning RÚV á Guðmundi Gunnarssyni í stöðu fréttamanns hefur vakið reiði og biturð hjá starfsmönnum RÚV á Akureyri, vegna tengsla Guðmundar við Sigrúnu Stefánsdóttur, forstýru RÚVAK, en Sigrún er fyrrverandi mágkona fermingarbróður Völu á Grúfu, sem var heitkona svila föðurbróðar afa Gísla, systursonar Jónu Torfadóttur, sem var amma móður Gunnars, föður Guðmundar.

Einnig setja menn spurningar við menntun Guðmundar, en hann á enn ólokið BA námi í fjölmiðlafræði, og hefur um árabil starfað sem flugfreyja, sundlaugavörður, og bensíntittur.

Auðun Georg Ólafsson hefur gagnrýnt ráðninguna hvað mest, og segir Guðmund augljóslega strengjabrúðupeð í valdatafli Sjálfstæðisflokksins.

"Svona pólitískar ráðningar eru orðnar eitthvað svo 2005 -legar. Menn verða að lifa í nútímanum, á tækniöld !" Sagði Auðun Georg.

Einnig virðist sem Sigrún hafi litið framhjá hæðar og þyngdarkröfum RÚV, en skýrt er kveðið á um að allir karlkyns fréttamenn þurfi að vera amk 1.75 cm, og 70 kg. Guðmundur er aðeins 1.67 cm og 59 kg.

"Það má segja að Guðmundur sé alls ekki starfinu vaxinn", sagði Ólafur Sigurðsson, fráfarinn fréttamaður.

Sigrún segist staðráðin í að halda Guðmundi.

"Guðmundur hefur mikla útgeislun og persónutöfra. Ég tel að hann muni ná sérstaklega vel til kvenþjóðarinnar, enda hann frægur að endemum í Háskólanum, þá sérstaklega í hjúkrunarfræðideildinni," sagði Sigrún með kankvíslegu glotti út í öðru munnvikinu.

Að sögn Guðmundar mun hann einnig einbeita sér að því að klára námið, það muni ekki koma niður á starfinu.

"Það eru klárlega forsendur fyrir því á þessum grundvelli málsins að láta ermar standa fram úr höndum og gera hvort tveggja. Þið hafið engin rök fyrir öðru, allt slíkt eru getgátur einar. Það eru mörg fordæmi þess að menn hafi gert annað eins og því engin ástæða til þess að ætla eitthvað annað þegar ég á í hlut," sagði Guðmundur skýrmæltur og skeleggur.

VSP óska Guðmundi hjartanlega til hamingju með starfið.