miðvikudagur, desember 29, 2004

Öldugangur í Asíu

Öldugangurinn sem reið yfir Asíu í vikunni hefur vakið öfund vestrænna brimbrettakappa, sem segja það "svindl" að asískir brettabræður þeirra hafi fengið svona flottar 10 metra öldur vegna meintra náttúruhamfara. Stærstar voru öldurnar á Fucket (Phuket) eyju, en hún tilheyrir Tælandi. Má því segja að margir Tælendingar hafi á erlendu bergi brotnað, en því miður voru fæstir þeirra búsettir hérlendis.

Um 10 íslendingar hafa ekki látið heyra í sér ennþá, en talið er að þetta séu allt karlmenn um fimmtugt, sem fóru til Tælands í vafasömum erindagjörðum, og tengjast pedofilisma.
Fararstjóri þeirra, Magnús Þór Jónsson (Megas) sagði að kynlífshátterni hvers og eins væri einkamál, sem ekki bæri að bera á torg, því það væri ekki til neins, bara meins, og upphafning á trega og sorg. (a#, b, G#)

Talsmaður utanríkisráðuneytsins sagði, að í ljósi þessara frétta væri ljóst, að þessir menn væru annaðhvort steindauðir, eða þyrðu ekki að láta vita af sér, af ótta við sjálfssvertunnar mannorðs síns.

Víðir Jónsson skipstjóri, sagði elstu menn ekki muna slíka brælu, og hafi hann sjaldan ælt svo mikið í einum túr.

Ögmundur Jónasson þingmaður, sagði að sér litist alls ekki á blikuna, og útlitið væri svart framundan. Hann taldi einnig að ríkisstjórn íslands hafi brugðist seint og illa við, því viðbragðstími þeirra hafi verið heilar 15 mínútur. Ögmundur taldi einnig að um hryðjuverk væri að ræða.


þriðjudagur, desember 28, 2004

Hallarbylting í Mílanóborg

Sá fáheyrði atburður átti sér stað í dag, að sauðsvartur almúgi blásvartahluta Mílanóborgar, oft kenndur við áhangendur Inter Milan knattspyrnuliðsinns, steyptu einræðisherra Ítalíu, Silvio "Il Duce" Berlusconi, af stalli sínum sem aðalritara (forseta) AC Milan knattspyrnuliðsinns, erkifjenda Inter.
Silvio hefur gegnt aðalritarastarfinu í 18 ár, eða síðan 1986, og kom AC Milanó liðinu í hæstu hæðir, meðal þeirra allra bestu.

Silvio er strangtrúaður kaþólikki, og hefur boðorðin 10 að leiðarljósi í lífinu. Andstæðingar hans, sem flestir eru látnir sökum fullkomlega eðlilegra kringumstæðna, hafa lengi gagnrýnt Berlusconi fyrir óreiðu í fjármálum, og spillingu í stjórnháttum, en slíkt er með öllu bannað samkvæmt ítölskum lögum, ótrúlegt en satt.

Berlusconi á að auki allar sjónvarps og útvarpsstöðvar í ítalíu, sem og öll dagblöð og netmiðla, en það hefur ekki aftrað hlutlausum fréttaflutningi á neinn hátt, og er í raun fyrirmynd þess viðskiptalíkans sem Jón Ásgeir Bónusson hefur tileinkað sér, með góðum hætti.

Sérstök mannaráðningarnefnd var sett á laggirnar til þess að fylla skarð Berlusconis, sem starfar sjálfstætt. Svo skemmtilega vill til að þar er Berlusconi sjálfur formaður, en öllum að óvörum skilaði nefndin samróma áliti, í fyrsta skipti í sögu nefndarinnar, og hefur það verið ákveðið að Piersilvio Berlusconi, sonur Silvios, muni gegna embættinu um óákveðinn tíma.




föstudagur, desember 24, 2004

Heimsmet í heimsóknum

Þessi síða hefur sett heimsmet í heimsóknum. Veitt eru verðlaun fyrir 2 flokka: Flestar heimsóknir á hverja síðu annarsvegar, og fæstar heimsóknir á hverja síðu hinsvegar. Fékk þessi síða fyrstu verðlaun fyrir síðarnefnda flokkinn, og er það töluvert áhyggjuefni. Einnig fékk síðan sérstök aukaverðlaun fyrir fæst "comment" í þar til gerða "linka", og hljóta það að teljast sláandi niðurstöður, og gríðarleg vonbrigði fyrir forsvarsmenn VSP.

Vefsmiður síðunnar hefur ekki látið ná tali af sér vegna málsinns, en hann er nú staddur í "golfferð" í Tælandi.

Formaður samtakanna, Kristján Jónsson, segir að málið sé grafalvarlegt, og nú þurfi að grípa til róttækra ráðstafanna, t.d. auglýsingarherferðar, þar sem stórvinur Kristjáns, Sverrir Stormsker, gæti rétt hjálparhönd. "Sverrir er maður sem allt lýsir upp, og á ég þá við upplýsir. Það þarf að virkja þjóðarvitundina með upplýsinguna að vopni, " sagði sagði Kristján í símaviðtali frá Villta Vestrinu, þar sem hann fagnar komu frelsaranns.



Pálmi Gunnarsson söngvari, sækir öndunarnámskeið

Stórsöngvarinn Pálmi Gunnarsson, tvíburabróðir Sverris hennar Stínu Gangó , hefur að undanförnu sótt öndunarnámskeið hjá Árna Kópssyni kafara, og fyrrverandi torfærumeistara. Pálmi, (61 árs) sagði vankunnáttu sína í öndun há sér í söngnum, og nú væri tíminn til að takast á við þetta vandamál, þar sem lítið hefur verið að gera hjá Mannakornum undanfarið.

Á námskeiðinu er ýmsum ráðum beitt, þ.á.m. kæfisvefni, dónalegum símtölum, og öndun í brúnan bréfpoka. Pálmi sagði að hann fyndi mikinn mun á sér, og grínaðist með að í raun hefði hann andast! "Já, það má segja að andlát hafi borið að garði!" sagði Pálmi kíminn við blaðamann VSP.




þriðjudagur, desember 21, 2004

Bobby Fisher sæmdur heiðursorðu

Ofsóknarbrjálaða skákundrið Bobby Fischer, hefur verið sæmdur heiðursnafnbótinni "Íslandsvinur", af Hr. Ólafi Ragnari Grímssyni, forseta íslenska bananalýðveldisinns . Er þetta æðsta nafnbót sem útlendingur getur hlotið. Við sama tækifæri afhenti forsetinn honum Fálkaorðuna, vegna ómetanlegs vinskapar þekkts manns við íslending, sem er sjálfur Sæmundur Vaggvelta, (Sæmi Rokk), en hann er faðir Geira Sæm, landskunns tónlistarmanns.
Einnig afhenti Dorrit Moussaief honum Hakakrossinn, fyrir tilgerðarlaust hatur sitt á gyðingum.

Líkt og margir aðrir flóttamenn, dvelur Bobby nú í sjávarplássi á vestfjörðum, þar sem hann vinnur á lyftara. Hann hefur tekið upp nafnið Halldór, og talar ágæta íslensku.

laugardagur, desember 18, 2004

Sönn íslensk sakamál

Það hlýtur einhver að vera að gera mér grikk þessa dagana. Meira að segja fremur ógeðfelldan grikk. Undanfarið hef ég fengið afar einkennilega tölvupósta svo ekki sé fastara að orði kveðið utan úr hinum stóra heimi. Þar er mér vinsamlegast bent á að ýmislegt efni sé hægt að nálgast á ákveðnum heimasíðum og fleira í þeim dúr. Um er að ræða klámefni. Ekki getur þetta þó kallast hefðbundið klám ef hægt er að segja svo. Þarna er á ferðinni alls kyns viðbjóður eins og nauðganir (vonandi sviðsettar) og ýmislegt fleira krassandi. Það hlýtur einhver sniðugheitamaður að hafa sett netfangið mitt á einhvern póstlista á einhverrri viðbjóðssíðunni. Annálaðir húmoristar sem liggja undir grun: Trausti Geimvera Kristjánsson, Rögnvaldur Pensill Magnússon, Guðmundur góði Gunnarsson, Jón Strandagraður Guðmundsson, Kjartan Video Ólafsson, Einar Ríki Sigurðsson, Sverrir Monster Stormsker. Ef þessu linnir ekki þá geri ég ráð fyrir að losa mig við þessa pósta á Hverfisgötunni og þannig ætti málið að komast í eðlilegan farveg innan kerfisins. Og hafið þetta til marks, þér munið finna Fáfnir í fjöru ef ekki úr rætist.

þriðjudagur, desember 14, 2004

Solla á grænum kosti yfirheyrð

Hin síhressa morgunhæna, Solla frá grænum kosti, en margir kannast við hana sem glaðbeittu grænmetisætuna í Íslandi í bítið, hefur verið færð til yfirheyrslu hjá lögreglunni, fyrir ólöglegan áróður gegn "hefðbundnum gildum í matarvenjum íslendinga" , og "gróflega misnotkun á plönturíkinu", eins og Skapti Skaftason hjá RLR komst að orði við blaðamann VSP í morgun. Solla, (62) ára er þekkt fyrir tilraunastarfsemi sína með hinar ýmsu jurtir og grænmeti , sem hún hefur kynnt fyrir þjóðinni í morgunþætti Stöðvar 2, sem hinn holla valkost. Komið hefur í ljós myndbandsupptaka , þar sem Solla sést í kynferðislegum tilburðum við agúrku og jöklasalat, sem þykir í meira lagi ósæmileg, og afar sláandi. Einnig munu hafa fundist ljósmyndir í tölvu Sollu, af naktri Holtasóley, Gleymérey, og Hundasúru í ósmekklegum stellingum. Ríkissaksóknari mun láta reyna á málið fyrir rétti, en talið er að Solla geti hlotið allt að 3ja daga fangelsisvistar, og látin starfa í samfélagsvinnu fyrir verknaðinn, sem hún gæti mögulega tekið út í Skógrækt Ríkissinns, en þar fara um hendur starfsmanna, þúsundir plantna á degi hverjum.

Talsmaður Skógræktarinnar, Reynir Hlynsson, sagði að með þessu máli hafi verið opnaðar þær luktu dyr er snúa að plöntu og grænmetisklámi, sem Reynir segir grasserandi í þjóðfélaginu.
"í dag getur orðið hver sem er labbað í næstu kjörbúð, og verslað sér grænmeti. Ríkið og verslunareigendur verða að stemma stigum við þessari þróun með hækkun verðs á þessa vöruflokka! Einnig eru börn sífellt ginkeyptari fyrir slíkum hollustuvörum með tilkomu Latabæjar og þessháttar viðbjóði! "

Ekki náðist í Sollu áður en fréttin fór í ritun, en grænmetisbændur hafa kippt öllum auglýsingum úr umferð, meðan málið skýrist frekar.


mánudagur, desember 13, 2004

Sprengjuhótun hjá Real Madrid

Sprengjuhótun barst starfsmönnum á Bernabeau vellinum í gær, þegar 2 mínútur lifðu leiks Real Madrid og Real Sociedad. Rýma þurfti völlinn, eða rúmlega 70.000 manns. Talið var í fyrstu að hinn herskái armur aðskilnaðarsamtaka Baska, ETA, stæðu fyrir hótuninni, en annað hefur komið á daginn. Þegar vallarstarfsmaðurinn Hector Gonzales Raul Tamudo De Sanchis Guerrero Don Muerte var svo séður að ýta á *31* eftir hótunina, hringdi hann í þann sem hafði síðast hringt á völlinn, en það var enginn annar en Florentino Perez, aðalstjórnarkallinn hjá Real Madrid liðinu. Hann ku hafa verið í uppnámi, þar sem liðið hans var aðeins að ná jafntefli á heimavelli. Perez, 84 ára, hefur áður komið við sögu laganna, þegar hann var handtekinn á Keflavíkurflugvelli fyrir sprengjuhótun, en hann var þá að missa af vélinni til Spánar.

fimmtudagur, desember 09, 2004

Viktor Júsjenkó valinn NoName andlit ársins 2005

Leiðtogi stjórnarandstöðunnar í Úkraínu, Viktor Júsjenkó, hefur verið valinn andlit NoName snyrtivöruframleiðandanns fyrir árið 2005. Júsjenko sagðist hrærður yfir valinu, og þónokkuð hissa, því mikið grín hefur verið gert að andliti hans undanfarið, og því jafnvel fleygt að hann hafi sniffað miltisbrand, eða ebólu.

Júsjenkó tók þó af allan vafa í gærdag, þegar hann sagðist hafa einungis skorið sig illa við rakstur. Einnig hafi það haft áhrif, að hann hafi verið óvenju illa haldinn af unglingabólum, nokkuð sem gerðist aðeins þegar hann borðaði mikið af súkkulaði.

Júsjenkó sagðist hafa fundið til mikillar þreytu í kjölfar þessa, enda mikill tími farið í að kreista allar bólurnar, en einsog sést á andliti hans, er það afar hrjúft og holurnar afar djúpar og miklar ummáls.

Heimsmetabók Guinnes, í samvinnu við NASA, staðfesti síðan á ellefta tímanum í gær, að holurnar í andliti Júsjenkós, væru aðeins annar manngerði hluturinn sem sæist úr geimnum, ásamt kínamúrnum auðvitað.

Júsjenkó vildi einnig koma að þakklæti sínu til nútíma karlmannssnyrtivara, því án þeirra myndi hann líta út fyrir að vera sjálfur John Merrick (fílamaðurinn). Júsjenkó sagðist eyða minnst 3 tímum í förðun á morgnana, til að líta sem venjulegast út. Gantaðist hann með, að nú skildi hann hvernig sumum Hollywood leikurum liði þegar þeir færu í stólinn. Þá stakk blaðamaður VSP í Miklagarði, Andrej Shevsjenkó, upp á í gríni, að Júsjenkó gerðist einfaldlega skapgerðarleikari í Hollywood, en Júsjenkó sagði þá hlæjandi " nei, ég er alltof stuttur í annan endann til þess".



Hitler bara ágætis gaur

Samkvæmt nýnasistanum Traudl Junge, sem einnig var ritari Hitlers í valdatíð hans, virtist Hitler bara fínn gaur. Junge sagðist hafa þverneitað Hitler um munnmök, þjónusta sem hefur ávallt verið í starfslýsingu einkaritara. Hún sagðist heldur hafa kosið S&M, þar sem hún var í hlutverki drottnara. Hitler, sem var skápahommi, hélt þessu leyndu fyrir Evu unnustu sinni , en Eva er stofnandi Braun heimilistækjakeðjunnar margfrægu. Ekki sagðist Junge hafa vitað af meintri slátrun gyðinga, " ég hélt alltaf að þetta væri líftryggingasvindl hjá júðunum, enda sjálfmorð afar tíð í þá daga", sagði Junge í spjalli við útsendara VSP í Nurnberg, Horst Tappert.

Að sögn Junge var tíkin Blondie helsti vinur Hitlers. "Áttu þau afar djúpar og innihaldsríkar samræður", sagði Junge, sem viðurkenndi að hafa verið dálítið afbrýðisöm út í hundstíkina. "Ljóskurnar fá jú alltaf mestu athyglina ! "

En eitt kom þó á óvart í málflutningi Junge, því sagan kennir okkur að Hitler hafi framið sjálfsmorð þegar ósigur var í höfn. Junge segir hinsvegar að Hitler hafi komist undan í dulargervi Chaplins, og flutt til Svíþjóðar, þar sem hann lést árið 1980. "Ég held að pönkið hafi riðið honum að fullu. Hann hafði þraukað í gegnum frjálsar ástir og hippamenningu, hann þraukaði diskóið, en eitthvað gaf sig þegar þessir reiðu ungu menn vildu breytingar."



mánudagur, desember 06, 2004

Spaugstofan skömmuð af Davíð

Allir meðlimir Spaugstofunnar hafa verið kallaðir á teppið hjá Davíð Oddsyni, utanríkisráðherra. Ástæðan ku vera arfaslakur þáttur sl. laugardagskvöld, þegar heimsbyggðin beið í ofvæni eftir að Örn Árnason niðurlægði, og beinlínis tæki Kristján Jóhansson af lífi í óbeinni útsendingu. Hinsvegar fékk þjóðin að sjá sannkallaðan jólaþátt eða þannig, eldgamalt efni frá því þeir fóru á fyllerí á Spáni (Portúgal), borgað af Gunnars majonesi, Hawaian Tropic, MS, og RÚV. Þar sem Davíð fer með utanríkismál, er málið á hans könnu, en hann mun hafa skrifað nýtt handrit handa þeim pörupiltum, ásamt því að slá þá alla með reglustriku í höfuðið. Að sögn Guðmundar Björnssonar, talsmanns Framsóknarflokksins, kvaðst Halldór Ásgrímsson hafa verið sár og reiður þegar hann frétti af inngripi Davíðs. " Ja, ég lít nú á þetta sem mitt verk, í mínum verkahring. Við munum ræða saman Davíð og ég, og leysa þetta á skynsaman hátt, með handalögmálum."

Blikur eru á lofti með áramótaskaupið vegna þessa máls, en að sögn Marðar Árnasonar munu Halli og Laddi, ásamt hljómsveitinni Ríó Tríó, hlaupa í skarðið fyrir þá Spaugstofumenn, sem áður höfðu fengið þá Sveppa og Jón Gnarr til liðs við sig. Mörður sagði að þeir Halli og Laddi væru landskunnir og reynslumiklir skemmtarar, og hljómsveitin Ríó Tríó væri velspilandi og hljómþýð sveit, sem allir kynnu að meta.

föstudagur, desember 03, 2004

KJ gerir allt vitlaust, enn á ný.

Vinbelgurinn Kristján Jóhannson, eða Old Dirty Bastard einsog hann kýs nú að nefna sig, var mikið í fréttum þessa vikuna. Kristján, sem er úr Vindbelgsættinni frá Akureyri , dró að sér fé frá Félagi krabbameinssjúkra barna, í formi söngs á tónleikum til styrkar áðurnefndra samtaka. Þykir þetta mikið hneyksli, þar sem það er löngu ljóst að Kristján mæmar (lipsync) allt sitt efni, og að skegg hans er augljóslega ígrætt hár, sótt úr Bikinivaxstofu Guðríðar á Amtmannsstígnum. En ekki er það síður fréttnæmt, að fyrirmyndardúkkan (bókstafleg), Horbytta Baukdal, þáði heilar 80.000 kr fyrir að mæta og flétta á sér hárið, og láta einsog indíánastelpa. Einnig hefur fréttastofa VSP öruggar heimildir fyrir því, að Kristján muni á næstu dögum fljúga utan til USA, þar sem hann mun taka við aðalhlutverkinu í hinum geysivinsælu Sopranos þáttum, sem sýndir hafa verið á Gufuni undanfarið. Kristján, sem er augljóslega af ítölskum ættum, sagðist lengi hafa hugnast hlutverkið, og nú " gæti hann loks fengið útrás fyrir ítalaskrattann í sér", einsog hann orðaði það. Þó er einn þrándur í götu Kristjáns, því Færeyingurinn Þrándur í Götu hefur lögsótt Kristján fyrir ærumeiðingar í garð Satans, en Þrándur er djöfladýrkandi. Þrándur segir að það sé Satani til minnkunar að vera líkt við Reyni Traustason, sem þó sé sko engin Jesú, frekar en Kristján.
Þrátt fyrir mótbyrinn segist Kristján hæstánægður með lífið og tilveruna, og bendir fólki á að kaupa nú diskinn sinn, Il Duce.