þriðjudagur, nóvember 23, 2004

Eldurinn í Klettagörðum eitt stórt samsæri!

Einsog alþjóð veit var kveikt í nokkrum dekkjum í Klettagörðum á ellefta tímanum í gærkvöldi. Samkvæmt staðfestum heimildum fréttastofu VSP var þarna um að ræða eitt mesta samsæri stakrar sjónvarpsstöðvar norðan Mississippi árinnar, síðan RÚV setti fram afnotagjöldin. Er hér um að ræða Skjá 1, sem sýnir fjölmarga vinsæla þætti, eins og landsmenn þekkja. Atburðarrásin í gær var víst frá upphafi til enda hönnuð af Völu Matt, sem þarna sá fram á tækifæri til þess að skoða híbýli fjölda fólks, þegar það var ekki heima, og þannig aflað myndrænna upplýsinga fyrir þátt sinn, Innlit/útlit, sem sýndur er á umræddri stöð. Þannig gæti hún í makindum valið úr íbúðir sem hún gæti síðar heimsótt. "Það hefur gengið illa að fá fólk í þáttinn undanfarið, og reyndar var það Friðrik Weishappel sem átti hugmyndina að þessu öllu saman" sagði óbreyttur hljóðmaður Skjás eins við blaðamann VSP nú laust fyrir hádegi.

sunnudagur, nóvember 21, 2004

Hljóðsins sér kveðið

Kæru 90% þjóðarinnar.
Mér var nokkuð skemmt yfir því að lesa svívirðingar Salvars til formanns Vesfirskra Sleikipinna og velti ég því nokkuð fyrir mér hver sá ræfill væri eiginlega. En sökum meðfæddrar næmni minnar þá áttaði ég mig á því að ég á víst að vera þessi formaður. Þannig að ef þetta skyldi vefjast fyrir einhverjum, þá er Baldur Smári Einarsson Hálfdánssonar vefstjóri eða Kaztro, Trausti Salvar Kristjánsson Jónatanssonar á að heita framkvæmdarstjóri og undirritaður Kristján Jónsson Friðgeirs Einarssonar á að heita formaður. Því næst fór ég að velta því fyrir mér hvort ég hefði ekki verið búinn að skrifa eitthvað á þessa síðu sem hefði týnst í ritflóði Salvars um heimsmálin. En því var víst ekki að heilsa þannig að heilsunni er hér með komið á framfæri hátíðlega. Þetta er reglulega fínt framtak hjá Baldri þó svo að starfsemi Sleikipinnanna sé svo háleynileg að ekki verði hægt að greina frá öllu á Netinu. Að svo mæltu byð ég lesendum vel að njóta og megi framkvæmdarstjórinn vanda sig við skriftir. Segi ég því þennan vef merkilegann og ....hvar er helvítis borðinn sem ég átti að klippa á?

miðvikudagur, nóvember 17, 2004

Hæ(ð)stvirtur formaður VSP áminntur

Þegar þetta er ritað hefur formaður Vestfirzkra Sleikipinna hvorki séð sér fært að heiðra síðuna með netskrifum né athugasemdum í svotilgerða bálka. Er áhugaleysi formanns til háborinnar skammar, og maður spyr sig hvort háttvirtur formaður sé einfaldlega í fýlu yfir væntanlegri samkeppni bloggs fólksinns, og þessarar síðu? Víst er háttvirtur formaður afskaplega iðinn og upptekinn maður, er meðlimur í félagsskap fjölmörgum og vinnur hálfan vinnudag, en ef formennska í þessum félagsskap hefur ekki algeran forgang, efast ég um hollustu hæstvirts formanns í garð VSP. Háttvirtur formaður hefur þann háttinn á að fara seint í háttinn, en slíkt hátterni gefur honum tækifæri á að gera áhugamálum sínum hátt undir höfði. Það háttalag sem er hvað hæstvirt er ritstefna háttvirts formanns, sem á allan hátt fær mann til að hlæja hátt og lengi, enda hæstvirtur formaður fyndin á allan hátt, ef hann svo kýs. Því legg ég til að háttvirtur formaður fari nú að spýta í ermarnar og bretta upp lófana, svo við fáum að njóta netskrifa hans sem fyrst.

sunnudagur, nóvember 14, 2004

Efnistök

Þar sem það virðist vera óánægja hjá einhverjum félagsmanna VSP með efnistökin í pistlum Trausta Salvars er ekki úr vegi að spyrja eftirfarandi spurningar: "Hvað viljið þið sjá á vef VSP"? Endilega komið með einhverjar tillögur í commentin.

Svo er annað mál, eins og er hafa 3 einstaklingar leyfi til að rita greinar á vef VSP, hér er um að ræða Baldur Smára (Kaztro), Trausta Salvar (Framkvæmdarstjórinn) og Kristján Jóns (Bolvíska stálið). Mér finnst eðlilegt að fleiri meðlimir VSP fái að leggja orð í belg og vil þess vegna bjóða félagsmönnum að sækja um aðgang að ritstjórn vefsins. Það eina sem menn þurfa að gera er að senda tölvupóst á netfangið base@snerpa.is. Í þeim pósti þarf eftirfarandi að koma fram:
  • nafn félagsmanns
  • netfang félagsmanns
  • rök fyrir því að viðkomandi félagmaður eigi að fá aðgang
Ritstjórn mun svo gæta fulls óhæðis og fjalla um allar umsóknir á hlutlægan hátt.

laugardagur, nóvember 13, 2004

Helgi P með comeback

VSP harma hinn hræðilega atburð sem hefur gerst í annars ágætri tónlistarflóru landsinns. Helgi P. betur þekktur sem mannlegi karfinn, hefur gefið út ósómann "allt það góða", sem hann vill meina að sé hljómdiskur með sínum uppáhaldslögum. Fyrir hönd heimsbyggðarinnar allrar óska ég þess að kynning á viðbjóði þessum verði sem minnst, og skaði sem fæst eyru, við eigum nógu erfitt með að lifa með FM 957, Bylgjunni og Idol eyrnarveikinni.

fimmtudagur, nóvember 11, 2004

BB eða Baggalútur?

Á vefvafstri mínu rakst ég á undarlega frétt. Svo undarlega, að ég varð að koma henni að . Fréttin er gömul, en gæti þessvegna verið úr smiðju þeirra Baggalútsmanna, enda blaðamaðurinn skrifaður fyrir fréttinni alkunnur húmoristi...


"Boðið til grænmetisveislu hjá tælenska samfélaginu á Vestfjörðum

Frá skrúðgöngu á tælenskri hátíð á Ísafirði í vor. Vestfirðingar af tælensku bergi brotnir halda þessa dagana grænmetishátíð sem stendur í níu daga og níu nætur og hófst að þessu sinni 25. september. Grænmetishátíðin er upprunnin í Kínaveldi og barst til Tælands á fyrri hluta 19. aldar en margir Tælendingar eiga rætur að rekja til Kína. Eins og nafn hátíðarinnar gefur í skyn er kjöt ekki etið meðan hún stendur. Áhersla er lögð á að neyta grænmetis og rækta hreinleikann. Því vill tælenska samfélagið á norðanverðum Vestfjörðum bjóða öllum á svæðinu að koma í Gamla apótekið við Hafnarstræti á Ísafirði á laugardag milli kl. 15 og 18 og bragða nokkra ljúffenga grænmetisrétti.Pimonlask Rodpitake á Ísafirði segir marga Tælendinga sem eiga ættir að rekja til Kína líta á sig sem Kínverja og því hafi þeir haldið kínverskum hefðum vel við. „Það er trú Kínverja að á þessum tíma fljúgi níu englar sem kallaðir eru Kew Uang Hood Jow um himingeiminn til að fylgjast með hegðun manna á jörðinni og skrá hana niður. Því vilja þeir halda öll boðorð á þessum tíma og borða ekki kjöt.“ Hún segir grænmetishátíðina auk þess góðan sið og hollan en nú á dögum mæla læknar með auknum hlut grænmetis og ávaxta í mataræðinu.Þeir sem taka grænmetishátíðina mjög alvarlega undirbúa sig í þrjár vikur á undan með því að neita sér um sitthvað af lífsins lystisemdum og löstum. Þannig er kjötát aflagt, deilur eru lagðar niður, bannað er að ljúga og samræði skal ekki stundað.kristinn@bb.is"

Vaskafatið loks allur

Yasser Vaskafat, ljótasti leiðtogi handklæðahausa fyrr og síðar, er loksinns dauður. Langt dánarbeð hans er aðeins til marks um hversu ótrúlega þrjóskt óbermið var, en loksinns hafði maðurinn með ljáinn betur gegn andfúla kvikindinu með handklæðahausinn. Vestfirzkir Sleikipinnar fagna dauða Vaskafats, enda um einn ljótasta og leiðinlegasta þjóðarleiðtoga allra tíma um að ræða, burtséð frá öllum hans grimmdarverkum, morðum og limlestingum. VSP harmar það aðeins að dauðdagi hans hafi ekki verið kvalafyllri, og vonar að tekið verði á glæpum hans gegn mannkyninu hjá hverjum þeim er hann lendir hjá, Allah, eða Satan. VSP fordæma einnig eiginkonu Vaskafats, sem hann kvæntist 1990, er hún var 28 ára, og hann miklu, miklu eldri. Á einhvern óskiljanlegan hátt náði Vaskafatið að eignast afkvæmi með henni 1995, sem er til marks um hversu þrjóskur hann var, því við verðum að gefa okkur þá forsendu, að eiginkonan hafi gifst til fjár, og/eða valda, því hryssan er sprenglærð.

Svo er bara spurning hvort fréttum frá "botni miðjarðahafs" eigi eftir að fækka í kjölfar þessarar frelsunar, eða fjölga?

miðvikudagur, nóvember 10, 2004

Ályktun VSP um nýjan borgarstjóra

Í nafni VSP vil ég óska íbúum Reykjavíkur til hamingju með nýjan borgarstjóra. Samtökin harma það að á ný skuli ofmetinn kvenmaður gegna þessu starfi, í ljósi hinnar miklu umræðu um jafnrétti kynjanna. Félagið fagnar þó vofeiflegu brotthvarfi Þórólfs Árnasonar, en hann var litlu skárri og alltof kvenlegur. Hann varð klökkur í beinni útsendingu á stöð 2, sem jafngildir skæli, og það gengur einfaldlega ekki í slíku karlasamfélagi sem Ísland er. VSP hvetja til umræðu um málið, og að DV grafi upp sem mestan skít á Steinunni Valdísi, en hún ku hafa farið í fjölmargar fóstureyðingar, reykt fyrir aldur fram, og staðið uppí hári föður síns í menntaskóla. Megi hún brenna í helvíti fyrir syndir sínar.


Kaldar kveðjur frá þjóðhöfðingjum

Síðunni hefur þegar borist fjölmargar kveðjur og heillaóskir frá helstu þjóðhöfðingjum.

Jacques Chirac: "Chers amis. Je vous félicite sur cet occation joyeux, et espère que la prospérité vous suivra sur votre voyage à la liberté. Si cependant vous ferez à tout moment l'amusement de notre nation, j'assurerai personnellement on élimine vous et votre organisation entière. Bien à vous JC."

Gerhard Schröder: "Liebe Freunde. Ich beglückwünsche Sie auf diesem fröhlichen occation und hoffe, daß Wohlstand Ihnen auf Ihrer Reise zur Freiheit folgt. Wenn jedoch Sie jederzeit über unserer Nation lustig machen, achte ich persönlich es, daß Sie und Ihre gesamte Organisation beseitigt werden. Mit freundlichen Grüßen, GS. "

Silvio Berlusconi: "Cari amici. Se li congratulo su questo occation joyous e spero che la prosperità li segua sul vostro viaggio alla libertà. Se tuttavia in qualunque momento farete il divertimento della nostra nazione, mi assicurerò personalmente che voi e la vostra intera organizzazione siate eliminati. I nostri cordiali saluti, Silvio. "


Sögulegur áfangi

Kæru félagar, háttvirtur menntamálaráðherra, og aðrir lesendur. Ég átti mér draum. Um að dag einn, myndu Vestfirzkir Sleikipinnar verða rafrænir riddarar glaums og gleði, og sá draumur er orðinn að veruleika. Hverjum hefði dottið í hug, að slíkt stórvirki sem þessi síða er, hefði sprottið upp á slíkum hraða fyrir aðeins örfáum dögum? Já, tæknin er dásamleg, og fagna ég því að við skulum nýta hana í okkar þágu. Ég vil þakka sérstaklega einum manni, sem hefur af eljusemi og dug unnið baki brotnu til þess að gera þessa sýn okkar, þennan draum mögulegan, en það er auðvitað Al Gore, sem á sínum tíma fann upp alnetið, einsog frægt er orðið. Einnig ber að þakka að sjálfsögðu Baldri Smára, sem að öðrum ólöstuðum á mestan heiður skilið fyrir framlag sitt til þessarar síðu. Tæknin leikur í höndum hans líkt og pensill hjá listmálara, meitill hjá myndhöggvara, hljóðfæri tónlistarmanns, eða konubrjóst hjá saurlífsseggi.
Já, Vestfirzkir Sleikipinnar eru komnir til að vera, og hvet ég alla meðlimi til að taka virkan þátt í mótun þessarar síðu, en það er í okkar höndum hvernig erfingjar framtíðarinnar munu dæma þessa síðu í hnotskurn sögunnar! Við verðum beitt þjóðfélagsegg, og stuðlum að lýðræði í landinu. Veitum valdamönnum strangt aðhald, og greinum hismið frá kjarnanum. Okkur mun takast, þar sem öðrum hefur mistekist, því þessi síða er okkar upplýsing. Spyrjum ekki hvað samtökin geta gert fyrir okkur, heldur hvað við getum gert fyrir samtökin!

Trausti Salvar

Ávarp vefstjóra

Ágætu vefsíðugestir!

Gerð heimasíðu fyrir Vestfirzka sleikipinna hefur tekið miklu lengri tíma en ætlað var í fyrstu.
Því er beðist velvirðingar á "löngum fæðingarhríðum" og sú ósk sett fram að okkur takist að stíga fyrstu skrefin að samskiptaformi nútímans.

Stutt söguágrip Vestfirzkra sleikipinna verður hér að finna ásamt jólakortum og helgimyndum úr ýmsum áttum. Verið er að ljúka vinnu við nýtt stjórnskipulag og verður það kynnt þegar stjórn félagsins hefur endanlega samþykkt skipulagið. Haft var samband við nokkur fyrirtæki, stofnanir og félagasamtök á Vestfjörðum og þeim gefinn kostur á að tengjast heimasíðu Vestfirzkra sleikipinna. Þau afþökkuðu gott boð en buðust þess í stað til að styðja dyggilega við félagið með veglegum fjárframlögum.

Ég vil biðja lesendur að hafa í huga að heimasíða verður aldrei fullsamin og þarfnast stöðugt endurnýjunar við. Í fyrstu verður að gera ráð fyrir byrjunarörðugleikum og ýmislegt er enn ókomið til kynningar, - en vonandi tekst okkur - og þá með ábendingum frá lesendum - að bæta úr ágöllum.

Það er von mín að óbreyttir sleikipinnar, Vestfirzkir gleiðipinnar og aðrir landsmenn verði duglegir að senda okkur skilaboð um það sem betur má fara á heimasíðu félagsins.

Verið velkomin á heimasíðu Vestfirzkra sleikipinna!

Kaztro van Basten, vefstjóri

Vefsetrið opnað

Í dag, miðvikudaginn 10. nóvember á því herrans ári 2004, gerðust þau stórtíðindi að vefsetur Vestfirzkra sleikipinna var formlega opnað.