mánudagur, júní 20, 2005

Kristján á Arctic Open

Kristján Jónsson, lífskúnstner og golfari, mun á ný taka þátt í hinu árlega Arctic Open golfmóti sem haldið er á Akureyri á næstu dögum.

Hefur Kristján sett sér það markmið að fara a.m.k. 5 holur í höggi, því það ætti að gefa góðar líkur á sigri í mótinu.

"Golf er einföld íþrótt; að fara á sem fæstum höggum. Undanfarið hef ég þróað með mér holu í höggi tæknina, og mun ég koma til með að nota hana óspart, því golf er ekki bara skemmtun, þetta snýst líka um peninga, " sagði Kristján alvarlegur í bragði.

Talið er að Kristján sé að vísa til verðaunanna á 7. braut, en þar verða veitt verðlun fyrir holu í höggi, Nissan Micra, árgerð 2005.

Alþjóðarviðskiptabankinn hefur gefið frá sér afkomuviðvörun, því tilfæringar af sparibók Kristjáns inn á net-reikning casinoonline.com, og heimasíðu Arctic open, þar sem veðbankasíða er starfrækt, hafa verið töluverðar.

Kylfusveinn Kristjáns að þessu sinni er hinn kunni drykkju og kvennamaður John Daly, en hann fær ekki lengur að taka þátt í mótum hérlendis, eftir að hafa svívirt íslenska sauðkind á 14. braut GKG, í annarlegu ástandi árið 2001, ásamt því að ganga örna sinna inná gríni, er hann skaut (skeit) fyrir pari.

miðvikudagur, júní 15, 2005

Einar Guðfinnsson snýr sér við í gröfinni

Einar Guðfinnsson, oft nefndur Guðfaðir Bolungavíkur, (Don Boló) sneri sér við í gröf sinni, þegar fréttist handan móðunnar miklu, að Einarshúsi hefði verið breytt í sjóarabúllu, eða krá.

Hjónunum Einari og Elísabetu, sem bjuggu í húsinu á árunum 1935 til 1966, fæddust þar 1 barn, og var húsið holdgervingur heilsusamlegs lífernis, guðhræðslu, og meinlætis.

Nú, hinsvegar, er húsið táknmynd Bakkusar, holdlegra fýsna, girndar, handalögmála og róstursemi, nokkuð sem Einar gamli hafði megnustu óbeit á.

Heyrst hefur frá Siggu Gau, að Einar hafi ákveðið að herja á húsið með draugagangi og reimleikum, í mótmælaskyni.

Þórhallur miðill sagði þó koma til greina hjá Einari að sletta litaðri súrmjólk, sem nú er mikið í tísku hjá atvinnu-mótmælendum, en það hefur ekki fengist staðfest, þar sem ekki náðist í Einar.

mánudagur, júní 13, 2005

Jackson saklaus

Poppgoðið marglita með þúsund andlitin, Michael Jackson, var fundinn saklaus af öllum ákæruatriðum í dag, en hann var ákærður fyrir misnotkun á ungum dreng.

Jackson sýndi engin svipbrigði við lestur úrskurðarinns, enda engir andlitsvöðvar eftir.

Talsmaður aðdáendaklúbbs Jacksons á Íslandi, Steingrímur Njálsson, sagðist himinlifandi með niðurstöðuna, hún væri sigur fyrir sig, og hvert mannsbarn á jörðinni.

mánudagur, júní 06, 2005

John Daly fer holu í höggi

Hinn heimskunni golfleikari, John Daly, spilaði á Tungudalsvelli á laugardaginn, en hann var fluttur inn af þeim félögum Magnúsi Ver Magnússyni, og Hjalta Úrsus Árnasyni, í tilefni af alþjóðlegum degi kylfinga í þungavigt.

Daly spilaði völlinn á 36 höggum, og kenndi hann timburmönnum um slakan árangur að sér fannst. Daly fór reyndar sjöttu holuna á aðeins einu höggi, en hún er 129 metrar að lengd, og notaði Daly pútterinn, en Daly þykir afar högglangur.

Daly hlaut að launum 10 tíma ljósakort í Stúdíó Dan, fataúttekt að eigin vali frá tískuvöruversluninni Basil, og glæsilegt lítið notað Bing golfsett frá Samkaup.

föstudagur, júní 03, 2005

Orri fær fund með Indlandsforseta

Orri Örn Árnason, athafnamaður, smiður, fótboltamaður, húseigandi, drykkjumaður, fyrrverandi badmintonspilari, Sleikipinni, og Tottenham aðdáandi, hefur fengið fund með forseta Indlands, dr. APJ Abdul Kalam, en hann er staddur hér á landi í stuttri heimsókn.

Orri sagðist þurfa að bera nokkrar hugmyndir undir Indlandsforseta, og er ein þeirra talin vera fyrirhuguð vatnsveita frá Íslandi til Indlands í gegnum sæstreng, en Orri hefur mikinn áhuga á slíkum veitum.

" Allir vita að mikill vatnsskortur er í Indlandi, meðan við höfum nóg af vatni um allt land, þetta er aðeins mannúðarhugsjón hjá mér sem ræður för, en ekki von um skjótfengan gróða," sagði Orri við blm VSP í gær. Talið er að samningurinn sé um 14 billjarða virði.


Einnig sagðist Orri vilja leggja fyrir Indlandsforseta hugmyndir sínar um ensku knattspyrnuna, en þær hugmyndir hafa verið í þróun hjá Ellert B. Schram undanfarna mánuði, og eru loks orðnar útlistaðar að fullu. Þær byggjast að öllu leiti á því, að dómarar megi ekki fara í sturtu með leikmönnum Manchester United, nokkuð sem Orri hefur lengi haft áhyggjur af.

"Eftir leik Man. Utd og Tottenham, þar sem Mendez skoraði fullkomlega löglegt mark, sem ekki var dæmt, þá hljóta menn að samþykkja tillögur mínar, og Indlandsforseti hefur tekið jákvætt í að vera talsmaður minn", sagði Orri fullur vonar.

Einnig mun Orri kvarta undan starfsháttum BSÍ (Badmintonsambandi Íslands), bensínverði, og bökurum, en smiðir hafa löngum verið hengdir í stað þeirra.

Indlandforseti vildi ekki tjá sig um málið.

fimmtudagur, júní 02, 2005

Valdimar ekki í náðinni

Valdimar Víðisson, hinn landskunni skólastjóri Grenivíkurskóla, var ekki tilnefndur til Íslensku menntaverðlaunanna, en þau voru veitt í gær. Þykir þetta hin mesta hneysa, því Valdimar hefur skarað framúr í ötulli og ó-sérhlífinni vinnu sinni sem skólastjóri undanfarið ár.

Hyggst Valdimar kæra þennan úrskurð til umboðsmanns skólastjóra, og hefur hann m.a. hlotið stuðning Gunnars skólastjóra, Rúnars Vífils, Önnu Edvards, og Ragga Bjarna, sem hefur verið fyrirmynd ungra drengja frá því á sjötta áratug nítjándu aldar.

Sagðist Valdimar vera mjög óánægður með niðurstöðuna, því allir krakkarnir í skólanum hefðu fengið skýr fyrirmæli um að kjósa hann sem besta skólastjórann.

(Lesist mjög hratt)
"ja, ég hreinlega veit ekki hvað gerðist, þetta er allt mjög einkennilegt. Veist þú hvað gerðist? Áttir þú þátt í þessu? Ertu viðriðinn? Hvenær fórstu síðast í bíó? Hvaða mynd sástu? Ertu í sambúð? Áttu börn? Hvað heitirðu?", sagði Valdimar með ofsóknaræðisglampa í augunum.

Valdimar er rauðhærður.