Ekki gott hjá Óla Gott.

Ólafur Gottskálkson, fyrrverandi markskálkur íslenska lýðveldissinns, var gleyptur af jörðinni sl. þriðjudag. Ekkert hefur spurst til hans síðan, og hefur 2. flokkur Fjölnis í Grafarvogi hafið leit að Ólafi, með litlum árangri. Ólafur sást síðast milli stanganna hjá Torguay United í Englandi, en hann fór í skógarferð á 67. mínútu, og varð ekki afturkvæmt. Talið er að hann hafi verið gleyptur af jörðinni einhverstaðar á milli vítateigsboganns og miðjuhringsinns, en samtök leikmanna í Englandi eru nú að skoða myndband af atvikinu, frá umræddum leik.

Ólafur var klæddur í svartar Berri stuttbuxur, og marglita Berri markmannstreyju, með nr. 1 á bakinu. Hann var í hnéháum svörtum sokkum, og Adidas Predator fótboltaskóm. Ólafur er hávaxinn og íþróttamannslega byggður, og er afar útitekinn. Þeir sem verða varir ferða hans eru vinsamlegast beðnir um að hafa samband við FIFA, í síma 555 5555.

Íslendingarnir vinsælastir í Túnis

Íslenska handboltalandsliðið hefur aldeilis sett mark sitt á mótið sem fram fer í Túnis. Þrátt fyrir misjafnan árangur á vellinum, eru íslendingarnir hrókar alls fagnaðar þegar kemur að lífinu utan vallar. Þeim hefur þegar verið spáð titlinum "vinsælustu strákarnir", og eru þeir vel að þeim titli komnir, segir Ahmed El Jazeer, pulsusali frá Tripoli, en hann hefur fylgt liðinu síðan Logi Geirsson villtist til Libyu, en þar var hann strax tekinn í guðatölu, sökum engifríðrar ásjónu sinnar. Var Logi fenginn til að semja nýjan texta við þjóðsöng þeirra Libyu manna, og að sögn Ísraelsku leyniþjónustunnar Mossad, var Gaddafi mjög ánægður með útkomuna.


Strákarnir okkar fóru síðan í bæjarferð til Sfax, þar sem þeir fóru allir úr að ofan að beiðni innfæddra. Kunni fólkið á markaðnum vel að meta uppátækið, en þó setti svartan blett á samkomuna þegar þriðji markvörður landsliðsinns, Hreiðar Guðmundsson, neitaði að fjarlægja flík sína. Var hann því bæði hýddur og grýttur af æstum lýðnum, en mun að sögn Viggós Viðutan landsliðsþjálfara samt vera tilbúinn í slaginn gegn Rússum á föstudag. Ólafur Stefánsson, sem hefur beðið um að gegna lítilvægara hlutverki í liðinu, hefur verið gerður að nuddara. Að sögn Einars Þorvarðarsonar hjá HSÍ, mun þetta hafa verið sameiginleg niðurstaða allra aðila, sem eigi eftir að koma liðinu vel, þar sem Ólafur er ekki bara afskaplega fjölbreyttur leikmaður, heldur einnig mjög fjölþreifinn.

Taktu þátt í léttum leik!

Vinsældir þessarar síðu eru sífellt að aukast. Ein athugasemd hefur bæst við síðan 4. janúar, og er það 100% aukning ! En betur má ef duga skal. VSP blása nú til keppni, um sniðugustu fréttina. Sendið heiti fyrirsagnar sem sms í símann 661 7777, og eigið á hættu að verða dregin út í þessum skemmtilega getraunarleik. Glæsilegir vinningar eru í boði, t.d. lítið notuð gormabók (a4), heftari, Sony fjarstýring (fyrir plötuspilara), og Bic kúlupennar! Verðmæti vinninga er allt að 300 kr. !!!


(munið að senda nafn og kennitölu með sms-inu)

Guðmundur Jónsson á Nissan Micru!!!

Nú fyrir aðeins örfáum mínútum bárust þau tíðindi frá fréttaritara VSP í vesturbæ Reykjavíkur, Kristjáni Jónssyni, að sjálfur Guðmundur Jónsson, lagasmiður Sálarinnar Hans Jóns Míns,keyri um á Nissan Micru.
Þykja þetta stórtíðindi, enda ekki á hverjum degi sem slíkur atburður skekur þjóðina. Kristján, 27 ára, hefur að undanförnum árum sjálfur keyrt slíkan bíl, með mismunandi (ár)angri, og má því réttilega telja, að líf Guðmundar sé í bráðri lífshættu.

Nýnasisti til Real madrid

Stórliðið Real Madrid flaggaði í kvöld nýjasta liðsmanni sínum gegn Real Zaragoza. Hann heitir Thomas Gravesen, og er danskur. Gravesen féll mjög vel að liði Madrid, enda voru kaup hans einungis gerð til að friða hinn öfgasinnaða nýnasistavæng stuðningsmanna Real Madrid. Var Gravesen hylltur í hvívetna í hvert skipti er hann snerti boltann, og er talið að treyjusala í austur Berlín muni stóraukast á næstunni. Real Madrid hefur þegar verið orðað við aðrar nýnasistastjörnur, svo sem Paolo Di Canio, og Sinisa Mihajlovic. Við kaupin fyllti Real Madrid í stöðu varnarsinnaðs miðjumanns og því fastlega búist við að fyrirfram ákveðin kaup Real Madrid á Salif Diao (Liverpool) detti uppfyrir, enda leikmaðurinn blámaður að upplagi, og samkynhneigður í ofanálag.

Borðaði aðeins hálfa pizzu!

Sá fáheyrði atburður átti sér stað laust eftir hádegi í gær, að átvaglið án undirhökunnar, Trausti Salvar Kristjánsson, borðaði aðeins hálfa pizzu sem hann pantaði frá flatbökukeðjunni Dominos. Trausti, sem venjulega torgar heilli 15 tommu flatböku einn síns liðs, var furðulega yfirvegaður þegar blaðamann VSP bar að garði. "Ja, sjálfsagt hef ég ekki verið eins svangur og ég hélt, en þetta var lán í óláni, því ég gat borðað hinn helminginn í kvöldmat, sem er mjög góð nýting í sjálfu sér."

Saga flatbökumenningar á Íslandi er ekki mjög gömul, og muna elstu menn ekki eftir slíkri ólyst hjá Trausta. Þó kom upp svipað atvik árið 1991, þegar Trausti var staddur í Danmörku hjá móðursystur sinni, sem hafði pantað danska flatböku með smörrebröd, sveppum, og rauðkáli, en Trausti hafði takmarkaða lyst á henni. "Það var náttúrulega allt annað dæmi. Venjulega er ég mjög hlynntur því að smakka mat frá öðrum menningarheimi, og oftast nær er slíkur matur góður, en þarna var samsetningin mjög ósmekkleg og ólystug satt að segja. "

Trausti hefur beðið Dominos á Íslandi, foreldra sína og fjölskyldu opinberlegar afsökunar, og hefur lofað að slíkt muni ekki koma fyrir aftur.

110 milljónir handa Kristjáni Jóhannssyni

110 milljónir króna söfnuðust í kvöld í átakinu Neyðarhjálp úr Norðri, sem haldin er til styrktar Kristjáni Jóhannssyni tenór. Kristján er einsog allir vita að norðan, en hefur ekki gengið sem skildi að selja nýjustu plötu sína, Spangól úr suðri. Þjóðin sýndi því samhug sinn í verki, með söfnuninni í kvöld. Villi naglasúpa hélt uppoð á ýmsum frægum munum tengdum Kristjáni, og fóru Rauðu brjóstin t.d. á 10 milljónir, en það var Geiri á Maxims sem keypti þau, og greiddi í reiðufé, beinhörðum peningum.

Liverpool tapar fyrir Manchester United

Liverpool tapaði enn á ný fyrir erkifjendum sínum frá Manchester í fjörugum leik á Anfield Road í dag. Það var Ryan Giggs sem kom Rauðu djöflunum yfir á 43 mínútu, en Dietmar Haman jafnaði með þrumuskoti í byrjun síðari hálfleiks. Paul Scholes kom bikarmeisturunum síðan aftur yfir á 65 mínútu, og Wayne Rooney rak síðan smiðshöggið með skoti beint úr aukaspyrnu undir lok leiksinns.

(Eftirfarandi texti er einungis vísindaleg tilraun, til að kanna hvort skáldskapur geti haft áhrif á veruleikann. )

Morientes tíbrotinn

Spanjólinn Fernando Morientes, sem nýlega gekk til liðs við hið fallvalta og fornfræga lið Liverpool, tíbrotnaði í gær, þegar hann var kynntur fyrir stuðningsmönnum liðsinns. Morientes hélt bolta á lofti, einsog tíðkast við slík tækifæri, en þegar hann var alveg að komast uppí 7, skrikaði honum fótur, og datt hann beint á bossann. Við fallið braut hann rófubeinið, og lærleggurinn brotnaði illa á tveimur stöðum. Þá brotnaði úlnliðurinn illa þegar landi hans og þjálfari Rafael Benitez rétti honum hjálparhönd til þess að standa upp, en kreisti lúku Morientes greinilega of fast, með fyrrnefndum afleiðingum.

Morientes var þó hvergi banginn, og sagðist samt spila leikinn á laugardaginn gegn Manchester United, enda væri hann alvanur slíkum meiðslum. Morientes hlaut nafnið "glermaðurinn" þegar upp komst um hina alvarlegu beinþynningu sem hann þjáist af, en Morientes er einnig með mjólkuróþol, og þar af leiðandi fá bein hans ekki nægilegt kalk til að styrkja sig.

Mörður telur Þorstein vera Sjálfstæðismann

Alþingismaðurinn Mörður Árnason, a.k.a Möddi málfræðirokkari eins og hann er kallaður á Ölstofunni, er búinn að komast að því að Þorsteinn Pálsson er hliðhollur Sjálfstæðisflokknum. Nokkur rannsóknarvinna liggur að baki þessari uppgötvun Mödda og hefur hann máli sínu til stuðnings bent á að Sjálfstæðisflokkurinn hafi tilnefnt Þorstein í stjórnarskrárnefndina. Þessi staðhæfing Mödda þykir öll hin merkilegasta og hafa íslenskir fjölmiðlar ekki legið á liði sínu í því að fjalla um hin merku tíðindi. Möddi telur einnig að margra ára formennska Þorsteins í Sjálfstæðisflokknum bendi eindregið til þess að Þorsteinn kjósi flokkinn og sé hreinlega mættur í nefndina á vegum hans. Úr þeim pólitíska jarðvegi sem Möddi er sprottinn þykir ekki góð latína að sendiherrar skipti sér af pólitík, en þó hefur alveg farist fyrir hjá honum að æða í fjölmiðla; þegar sendiherrarnir Jón Baldvin Hannibalsson fyrrum formaður Alþýðuflokksins, Svavar Gestsson fyrrum formaður Alþýðubandalagsins og Eiður Guðnason fyrrum Ráðherra Alþýðuflokksins hafa tjáð sig um íslensk stjórnmál. Það fórst meira að segja alveg sérstaklega fyrir hjá Mödda að tjá sig um ummæli Jóns Baldvins um fjölmiðlamálið og ráðningu Jóns Steinars enda voru þær ekki í takti við það hvernig Jón á að tala.

Sigríður Árnadóttir hætt á Stöð 2

Sigríði Árnadóttur, fréttastjóra Stöðvar 2 og Bylgjunnar, hefur verið sagt upp störfum. Tilkynnti Jón Ásgeir Jóhannesson starfsmönnum stöðvarinnar þetta í dag, og sagði ástæðuna vera óviðunandi útlit fréttakonunnar, sem þykir ekkert augnayndi, en fréttastofan gerir miklar kröfur til útlits einsog alþjóð veit. "Sigríður er einfaldlega of ljót til að gegna þessari stöðu, en annars er hún fín sko", sagði Páll Magnússon, en hann tekur við starfi Sigríðar.

Víst þykir að staða Róbert Marshalls er veik, enda Róbert með algengan hárssvörðssjúkdóm, sem í daglegu tali er kallaður "að missa hárið".

Einnig mun öll íþróttadeildin hafa fengið send uppsagnarbréf, sem tekur þegar gildi. Guðjón Guðmundsson, eða Gaupi, sagði í viðtali við blaðamann VSP, að hann hafi aldrei slegið feilspor, og aldrei stigið feilnótu í vinnuni, og skildi lítið hvað um væri að vera.

Við störfum þeirra blöðrulýsara tekur Hermann Gunnarsson og Logi Ólafsson, mörgum til mikillar ánægju.

Orri Örn upplýsir um spillingu innan enska boltanns

Fyrrverandi TBR meistari í hniti örvhentra, Orri Örn Árnason, hefur verið gerður að sérlegum aðstoðarmanni Eggerts Magnússonar, formanni KSÍ, og mun hafa yfirumsjón með málefnum ensku knattspyrnunnar. Þetta tilkynnti Ellert B. Schram á fundi ÍSÍ nú í dag.

Orri Örn, sem er ómenntaður smiður, og sjálfmenntaður gítarleikari, hefur aðallega fengist við bjórdrykkju undanfarinn 10 ár. Hann er nú búsettur í Borgarnesi, þar sem hann festi nýlega kaup á landareign sinni, að andvirði hundruðum þúsundum króna.

Orri hefur lengi haft sterkar skoðanir á forystu íþróttahreyfingarinnar á Íslandi, og reyndi meðal annars að ráða forkólfa TBR af dögum, þegar hann var ekki valinn í landsliðið á sínum tíma. Hann telur gríðarlega spillingu ráða för innan hnitsambandsinns, og vill meina að helsta ástæðan fyrir að gagnrýnisrödd hans sé sífellt kveðinn niður, sé ógnarstórt samsæri, sem nái hugsanlega til Bessastaða.

Orri, sem er mikill Tottenham aðdáandi, hefur að undanförnu unnið náið með Ellerti B Schram, formanni ÍSÍ, að stefnumótun og uppstokkun á BSÍ (BadmintonsambandÍslands), en Orri vill straumlínalaga sambandið að þörfum örvhentra og skapbráðra spilara, sem sífellt fara fjölgandi innan sambandsinns.

Orri hefur einnig gagnrýnt opinberlega valið á íþróttamanni ársins, en á fundi þeirra Ellerts tjáði Orri skoðanir sínar, sem Ellert tók undir. Mun fatlaða sundkonan frá skipaskaga, Kolbrún Ýr, hljóta hnossið í stað Eiðs Smára, samkvæmt samkomulagi þeirra Ellerts B Schram, Eggerts Magnússonar, og Sverris Sverrissonar, besta vinar Eiðs.


Orri sendi síðan frá sér tilkynningu í dag, sem hljóðar svo: "Við Ellert höfum ákveðið að gera hlé á enska boltanum, þar til dómarar hætta að sturta sig með leikmönnum Manchester United."

Þarna vísar Orri til umdeilds atviks í síðasta leik Tottenham og Man. Utd, en Orri hefur aðhyllst Tottenham liðið undanfarin ár, af ókunnum ástæðum.

Orri Örn er ókvæntur og barnlaus.

El Hadji Diouf látinn

Senegalski munnvatnsspýtarinn og knattspyrnumaðurinn El Hadji Diouf lést á heimili sínu í nótt að sögn enskra fjölmiðla. Að sögn sérfræðinga virðist Diouf hafa dáið úr vökvaskorti, með þeim afleiðingum að hann lést nær samstundis. Svo virðist sem Diouf hafi gengið með sjaldgæfan sjúkdóm allt sitt líf, aquatus spittus muchos, sem lýsti sér með óhóflegri framleiðslu á munnvatni. Svo virðist sem að munnvatnsbirgðir Dioufs hafi hreinlega klárast, enda hafa andstæðingar hans í fótboltanum fengið að kenna á aukaverkunum sjúkdómsinns, sem er mikil tilhneiging sjúklings til að spýta munnvatninu frá sér í gríð og erg. "Það var einungis tímaspurmál, og hending, hvernær, ekki hvort, einhver yrði fyrir hrákanum, " sagði faðir Dioufs, Diouf El Papa Diouf.

Systir Dioufs lést með dularfullum hætti 1992, þá aðeins 4 ára, en krufning leiddi í ljós að hún hefði drukknað. Verður málið tekið upp að nýju og nú rannsakað sem morðmál.

Framsókn vill meira

Morgunblaðið er talið hafa brotið jafnréttislög þegar Davíð Oddson, sem er einungis utanríkisráðherra, fékk betri stað í Mogganum undir áramótaávarp sitt heldur en Halldór Ásgrímsson, sem er forsætisráðherra. Sérleg undirtylla, aðstoðarmaður og lífvörður Halldórs, Guðmundur Björnsson, sagði í gær að það væri með ólíkindum hversu hliðhollt Morgunblaðið væri Sjálfstæðisflokknum, því ekki hafi Davíð bara fengið betri stað í Mogganum, heldur líka fleiri slög, stærri stafi, og flottari leturgerð heldur en Halldór.

Guðmundur sagðist líka vera með fleiri dæmi um slíkt flokkamisrétti, t.d. hefði Björn Bjarnason fengið mun betri vangamynd af sér en Alfreð Þorsteinsson fyrir borgarstjórakosningarnar síðustu. Einnig sagði Guðmundur að Sjálfstæðismenn ættu flottari höfuðstöðvar, Valhöll, meðan Framsókn þyrfti að sætta sig við efri hæð á skemmtistað á Hverfisgötu, en þar er líka tannlæknastofa, teppahreinsun, og Kebab skyndibitastaður.

Guðmundur sagði einnig að um hugsanlegt samsæri væri að ræða, því árið 1949 hefði barna og unglingatímaritið ABC fjallað um Steingrím Hermannsson og Halldór Blöndal, þar sem Halldór fékk birta 34 bálka vísu aukalega, en Steingrímur, sem ekki var mikið skáld, þurfti að þola þá niðurlægingu að láta birta af sér grettukeppnismyndaþátt sem hann tók þátt í, og vann með yfirburðum á sérstakri "efrivararlyftu".

Hinsvegar benti Guðmundur á að vissulega hefði þetta skilað Steingrími forsætisráðherrastólnum, en Halldór hefði aðeins verið samgönguráðherra.

Guðmundur sagði það svo ósanngjarnt gagnvart Halldóri Ásgrímssyni að nafn Davíðs væri nefnt oftar en Halldórs í fjölmiðlum, og sagði mikla þörf fyrir fjölmiðlalög, sem myndu stemma stigum við slíkt.

Ekki náðist í Davíð Oddson, þar sem hann var niðursokkinn í jólakortaskriftir ásamt konu sinni Ástríði, en það ferli tekur allt árið, sökum fjölda manns í Sjálfstæðisflokknum .

VSP hefur heimildir fyrir því, að Halldór Ásgrímsson og frú byrji á jólakortaskriftum í október.

Kristján Jóhansson maður ársinns

Kristján Jóhansson hefur verið kosinn maður ársinns af samtökum Daufblindra og heyrnarskertra. Talsmaður samtakanna, Sigurpáll Jónsson, eða Sjón, sagðist á táknmáli hvorki skilja upp né niður í neinu yfirleitt, enda væri hann staurblindur, og heyrnarlaus. Blaðamaður VSP reyndi ítrekað að ná í Sjón í gær, en án árangurs. Kristján Jóhansson sagðist glaður og ánægður með tilnefninguna, en gaf lítið fyrir hegðun sína í fjölmiðlum að undanförnu. "Menn þurfa greinilega að vera blindir og heyrnarlausir til að rangtúlka viðbrögð mín svona eins og raun bar vitni. ! "

Þess má geta að diskurinn sem Kristján gaf út fyrir jól, er enn ekki uppseldur í neinu magni.