Gleymdi kveðjunni

Þór Jakobsson (t.v.) þykir sláandi líkur Nick Nolte


Sá hörmulega vofeiflegi atburður átti sér stað í gær að Þór Jakobsson, séntilmaðurinn siðprúði úr veðurfréttum ríkissjónvarpsins, gleymdi sinni alþekktu handakveðju í lok annars stórfenglegs veðurfréttatíma þar sem frjádagur og týsdagur voru í aðalhlutverki.

Blaðamaður VSP náði tali af Þór eftir atvikið.

BLM: “Þór, hvað klikkaði? “ ÞJ: “ Ja, ég var nýbúinn að spá rigningu fyrir austan og vara ökumenn fyrir norðan við hálku þegar kom að kveðjunni. Ég hinsvegar ákvað að taka meðvitaða ákvörðun um að sleppa handahreyfingunni og kveðja bara með munninum. Kannski gerði ég mér ekki grein fyrir alvarleika málsins og biðst því afsökunar. Ég get nefnilega verið alveg svakalega flippaður sko,” sagði Þór í afsökunartón.

Að sögn Páls Magnússonar útvarpsstjóra er um alvarlegt en einangrað tilvik að ræða.

“Þór er reyndur veðurfréttamaður sem þjóðin hefur lært að elska. Hinsvegar virðist hann hafa í örfáar sekúndur misst allt samband við raunveruleikann, því svona gerir aðeins stundarbrjálaður maður í beinni útsendingu. Íslenskir áhorfendur eiga þetta ekki skilið. Þór hefur svikið bæði áhorfendur og sjálfan sig í leiðinni með þessum skrípalátum og hann veit að ef slíkt gerist aftur er tími hans liðinn í sjónvarpi,” sagði Páll alvarlegur í bragði.

Páll bætti einnig við að starfsfólk RÚV væri augljóslega í miklu uppnámi vegna atviksins en hlyti nú áfallahjálp.

Þór Jakobsson mun taka tímabundið leyfi meðan öldurnar lægja en á meðan mun Páll Magnússon fylla í skarð hans.

Víðir Jónsson veldur úlfúð á Dalvík

Bolvíski skipstjórinn Víðir Jónsson hefur með fundvísi sinni á miðunum valdið miklum titringi á meðal smáglæpamanna á Dalvík eins og meðfylgjandi FRÉTT ber með sér. Víðir, sem gjarnan er kallaður Stóri Grátur, er einmitt skipstjóri á Kleifaberginu frá Ólafsfirði. Til hans heyrðist í talstöðinni í fyrradag þar sem hann sagði eitthvað á þá leið: ,,Það kemur ekki bein úr sjó.....en hvað er aflaverðmætið á ökuskírteinum?" Með næmni sinni á Halamiðum hefur Stóra Grát tekist að koma þrettán ára gömlu sakamáli aftur í kastljós fjölmiðla og er talið að uggur sé í Svarfdælingamafíunni alræmdu sem stundum er kölluð SDM í undirheimum Norðurlands eystra.

Ásdís Svava á ferð og flugi

Ásdís á ættir að rekja til Bolungavíkur


Hin seiðmagnaða og undurfagra fegurðardrottning, Ásdís Svava Hallgrímsdóttir, tekur þátt í ungfrú Evrópa næstkomandi laugardag. Til gamans má geta að Ásdís á ættir að rekja til Bolungavíkur.

Að sögn Ásdísar eru stúlkurnar í keppninni sveltar samkvæmt venju fram að keppni en samt gefa þær sér tíma til þess að kynnast hvor annarri, en Ásdís er einmitt hálf-bolvísk.

Ásdís mun að keppni lokinni halda til Tékklands þar sem ungfrú Táningsglyðra er valin (Miss Exploited Teen Slut). Það skal tekið fram að móðir Ásdísar er bolvíkingur.

Að sögn Ásdísar styttir hún sér helst stundir milli stríða við að telja rifbein annarra keppenda og æfa brosið sitt fyrir framan spegil. Einnig hefur hún gaman af öllu er viðkemur grunnhygginni efnishyggju, en Ásdís er einmitt ættuð úr Bolungavík.

Ásdís segir að stúlkurnar fái aðeins 5-10 mínútna pásur á dag, sem þær nýti helst til að kasta upp eða reykja, til að halda línunum í lagi, en Ásdís er einmitt ættuð að vestan nánar tiltekið frá Bolungavík.

Að sögn Ásdísar er þetta strembin vinna og þreytan leynir sér ekki á kvöldin. Þá geti verið slakandi að baktala hinar stelpurnar, þó þær séu allar “æðislega miklar vinkonur sko”. Þá má geta þess að móðir Ásdísar er Bolvíkingur.

Lýst eftir konu

Vilhelmína er ljóshærð og nokkuð þéttvaxin

Lögreglan í Reykjavík lýsir eftir íslenskri konu, Vilhelmínu Indriðadóttur, sem saknað hefur verið síðan 16. október en þá sást til hennar á veitingastaðnum Kalorían í sundahöfn. Vilhelmína er fædd árið 1957. Hún er um 169 cm á hæð, með sítt ljóst hár, um 1489 kg og var klædd í samkvæmisfatnað, að því er virtist.

Þeir sem geta gefið upplýsingar um ferðir eða dvalarstað hennar eftir 16. október eru vinsamlegast beðnir um að hafa samband við lögreglu í síma 444 1100.

(Ógiftir karlmenn eru vinsamlegast beðnir um að nálgast Vilhelmínu af varúð.)

Fyrsti hvalurinn veiddur!

Hér sést Jómfrúarhvalurinn eða " Hlussus konus vergirnis " ásamt Hval 9

Hvalveiðibáturinn Hvalur 9 hefur veitt sinn fyrsta hval í atvinnuskyni í 17 ár. Eru þetta stór tíðindi fyrir íslenskan sjávarútveg sem byggir alla sína afkomu á nýhöfnum hvalveiðum.

Hvalur 9 er nýtísku hvalveiðiskip með hátækni vopnabúnaði einsog skammdrægum HELLFIRE flugskeytum, DEATHRAY leysigeislabyssu og langdrægum kjarnaflaugum. Einnig er um borð léttvopn á borð við M16 hríðskotabyssur, Maze piparúði og atgeir, ef hvalirnir skyldu gera usla þegar um borð er komið. Um borð er einnig eintak af sögunni um Moby Dick, skipsverjum til áminningar um grimmd og eyðileggingarmátt þessarra drápsvéla sjávar.

Að sögn Ámunda “Eineygða” Kjartanssonar kafteins, vó hvalurinn um 1,5 tonn og telur Ámundi að allur hvalurinn muni nýtast til úrvinnslu.

“Strákarnir gerðu að honum uppi á dekki og fljótt á litið má segja að við höfum verið heppnir að sleppa lifandi. Þessi tegund er svokölluð Hlussus konus vergirnis en slíkir hvalir eru sérstaklega hættulegir láglaunuðum ógiftum öryrkjum, en vart þarf að taka fram að áhöfnin um borð fellur öll undir slíka manngerð,” sagði Ámundi og bankaði í staurfótinn með króknum framan á hendinni.

Gleymdi broskarli í blogginu!

Að meðaltali eru 279 broskarlar í hverri bloggfærslu táningsstúlkna


Sá fáheyrði atburður gerðist í gærkvöldi að stúlka á táningsaldri gleymdi notkun broskarla í nýjustu færslu sinnu. Færslan var í rauntíma og fjallaði um hvaða bókstafir væru á lyklaborðinu og notkun skóhorns. Að sögn Harðar Más Baldurssonar, forstöðumanns internetsins á Íslandi, hefur slíkt ekki gerst áður. Hörður segir engin viðurlög við slíku athæfi en klárlega þurfi hert eftirlit:

“ Þetta auðvitað gengur ekki. Maður veit ekki hvað fer í gegnum hausinn á þessum kvikindum á þessum aldri en aldrei hefði ég búist við þessu háttalagi, og það fyrir alþjóð! Það þarf að koma í veg fyrir að slíkt gerist aftur með hertri löggjöf frá alþingi,” sagði Hörður alvarlegur í bragði.

Kolrún Halldórsdóttir segir að sjálfsmynd táningsstúlkna geti borið skaða við slíkt athæfi enda “algerlega úr karakter að gera svona lagað”. Kolbrún vill þó ekki meina að tengsl séu á milli snyrtingu skapahára og þessa atviks en slíkt sé sjálfsagt að skoða betur.

“Klámvæðingin er allstaðar. Hún leynist í hverju horni, krók og kima. Það þarf bara að koma auga á hana. Ég get ekki fullyrt neitt í þessu tilviki en ég legg til að þetta verði skoðað í nefnd,” sagði Kolbrún andstutt, móð og másandi í símaviðtali við blm. VSP í dag.

Stúlkan, sem vill ekki láta nafn síns getið, hlýtur nú ráðgjöf hjá sérfræðingi en foreldrar og aðstandendur hafa fengið áfallahjálp frá Hexia.net.

Sími Gríms Atlasonar hleraður

Grímur Atlason

Komið hefur í ljós að sími Gríms Atlasonar, bæjarstjóra Bolungarvíkur og þekkts kommúnista og andófsmanns, er hleraður. Grímur er fyrsti kommúnistinn sem gegnir embætti bæjarstjóra Bolungavíkur frá byrjun kalda stríðsins. Er því talið að Bláa Höndin, leyniþjónusta Sjálfstæðisflokksins, standi fyrir hleruninni eftir að upp komst að Grímur væri einnig eigandi leppfyrirtækisins Austur-Þýskaland, sem staðið hefur fyrir áróðursheilaþvotti og herþjálfun vinstrisinnaðra stigamanna á borð við Erp Eyvindarson, Ómar Ragnarsson og Kolbrúnu Halldórsdóttur.

Samkvæmt trúnaðarskjölum sem blm. VSP hefur komist yfir frá höfuðstöðvum Bláu Handarinnar í Valhöll fer hlerunin fram í gegnum Ratsjárstöðina á Bolafjalli. Stöðugildin þar eru 14 enda Grímur með heimasíma, farsíma og vinnusíma. Einnig er allur tölvupóstur, bréfpóstur og allt koddahjal hlerað með nýtískuhátæknibúnaði frá Bang & Olafsen.

Talið er að margfeldisáhrif þessara 14 stöðugilda skapi bæjarsjóði tekjur uppá 12-13 þúsund krónur á ári, en 8 af hinum 14 hlerurum eru heilabilaðir.


Í skjölunum kemur einnig fram að ástæðuni fyrir tapinu á innflutningi Mikhails Gorbatjevs til landsins megi að stórum hluta rekja til leppfyrirtækisins Austur-Þýskalands, sem hafi með skipulögðum og undirförulum hætti hótað miðaeigendum samkomunar með Stalínískum hætti. Því virðist töluverð gremja vinstrimanna enn ríkja í garð Gorbatjevs sem einn og óstuddur knésetti kommúnistaveldið og lauk kalda stríðinu.

Einnig hefur Einar Bárðason kvartað undan látlausum símhringinum um miðja nótt frá Dr. Gunna og Grími, en að sögn Einars höfðu þeir uppi niðrandi ummæli um valbrá aðalritarans fyrrverandi, sem stundum virðist vera kort af Ítalíu!

Bolungavík: Höfuðstaður heilabilaðra

George W. Bush er þekktasti heilabilaði einstaklingurinn


Grímur Atlason, bæjarstjóri Bolungavíkur, hefur ákveðið að reisa 30.000 fermetra heilabilunarverkstæði í Bolungavík. Að sögn nefndarmanns í bæjarráði getur verkstæðið jafnast á við heilt álver í tekjum fyrir bæjarfélagið.

Grímur biðlaði til heilabilaðra í Morgunblaðinu og sagði Bolungavík þeirra náttúrulega heimabæ, þar sem hlutfallslega flestir heilabilaðir íslendingar væru búsettir í Bolungavík. Draumur Gríms er að sem flestir heilabilaðir íslendingar setjist þar að og skapi um leið atvinnumöguleika fyrir óeirðarlögreglu, sálfræðinga, áfallahjálpendur og aðra meðlimi geðheilbrigðisstéttarinnar.

Að sögn Gríms eru tekjumöguleikarnir spennandi kostur þegar til langtíma er litið:

“Fólk sem hefur lent í því að vera með bilaðan heila er ansi illa statt því biðtími eftir nýjum heilum er frekar langur. Meðferðin og umhyggjan er dýr, sem á móti skapar tekjur fyrir byggðina á meðan. Jafnframt verður unnið að lækningu samhliða umönnun sjúklinga. Þar með er kominn grundvöllur fyrir fólksfjölgun þar sem heilabiluðum er leyft að hafa eigin kennitölu. Slíkt verður að teljast gott fyrir byggðarlagið,” sagði Grímur spenntur.

Soffía Vagnsdóttir segir hugmyndina spennandi:

“Með auknum fjölda heilabilaðra gefur það augaleið að aukning verður á slæmum ákvörðunum innan bæjarmarkanna. Margfeldisáhrifin dreifa þannig vondum hugmyndum á fleira fólk í stað þeirrar fáu sem fyrir voru. Og allir vita að margfeldisáhrif eru af hinu góða!,” sagði Sossa spennt.

Talsmaður heilabilaðra, Orri Örn Árnason, segir hugmyndina góða.

“Sjálfur er ég borinn og barnfæddur bolvíkingur og hef tekist á við minn sjúkdóm hér í plássinu. Það er fátt betra í þessum heimi en að vera bolvíkingur,” sagði Orri stoltur og örlítið þvoglumæltur.

Halanegri í Önundarfirði

Talið er að negrinn sé annaðhvort rappari eða í NBA

Til halanegra sást í Önundarfirði laust fyrir klukkan 16 í dag. Mun þetta vera í fyrsta skipti sem halanegri hefur sést svo norðarlega á vestfjörðum. Að sögn Klementínusar Gullbrandssonar, bónda á Ytri Sköpum í Barmahlíð, er blökkumaðurinn heljarmenni að burðum.

“Ég hefði eigi viljað mæta honum í dimmu húsasundi seint að næturlægi. Ég greip til þess neyðarúrræðis að henda til hans körfubolta, sem hann elti. Annars hefði getað farið illa”, sagði Klementínus ómyrkur í máli.

Vegfarendur eru beðnir um að nálgast negrann með varúð og gera yfirvöldum strax viðvart.

Taktu Þetta myndband á Vestfjörðum

Meðlimir á góðri stund árið 1964

Glansstrákasöngsveitin Taktu Þetta (Take That) er um þessar mundir að taka upp myndband við nýjasta smellinn sinn “Not too pathetic for a comeback” eða einsog það útleggst á hinu áskæra ylhýra “ Vinir vors og blóma”. Sveitin kemur nú í fyrsta skipti saman síðan 1964.

Myndbandið er tekið upp í Galtavita sem er geysivinsæll upptökustaður meðal kulnaðra stjarna í popp bransanum enda hafa “tónlistarmenn” á borð við Helga Péturs (einnig þekktur sem Karfinn) og Bubbi Morthens nýtt sér staðinn undir myndbandagerð.

Fregnir herma að piltarnir sykursætu, með Hróbjart Vilhjálmsson (Robbie Williams) í fararbroddi, muni halda út á lífið á Ísafirði í kvöld og á morgun. (Eru stúlkur á aldrinum 13-17 ára vinsamlegast beðnar um að hafa skilríki með sér.)

Aðrir meðlimir sveitarinnar eru Jason Appelsínuguli (Jason Orange), Merki Ofn (Mark Owen), Hávarður Dóni (Howard Donald) og Grétar Lágbar (Gary Barlow)

Þess má geta að fjölmargir íslenskir áhættuleikarar vinna að gerð myndbandsins sökum stirðleika og aldurs meðlima kulnaða kvintettsins. Þeirra á meðal eru Alphadeus Dane White, blökkumaðurinn knái með gullhjartað, og Gestur Þráðbeinn Pálmason, en þeir hafa báðir mastersgráðu í lífvörslu og svarta beltið í Feng Shui, Kung Fu og Chow Mein.

“Við erum að fara í kollhnísa, tvístíga og detta á rassinn aðallega, hlutir sem stjörnurnar gætu slasast við,” sagði Gestur Þráðbeinn í dag.

Ekki náðist tali af hr. White sökum mikillar þoku, þrátt fyrir hjálp vaskra drengja úr björgunarsveitinni Dofra frá Hellusandi .