Mun halda með Liverpool næsta keppnistímabil!

Einsog kunnugt er hefur knattspyrnukeppnistímabilið í ár ekki verið það besta fyrir Trausta Salvar, því engin af hans liðum hafa unnið bikar, sem er með öllu óásættanlegt.

Hefur Trausti því brugðið á það ráð að halda með Liverpool, Juventus, Barcelona, PSV Eindhoven, og Memphis Grizzlies á næstu leiktíð, í þeirri von um að gæfan muni snúast á lið með Man. Utd, AC Milan, Real Madrid, Ajax, og LA Lakers.

"Já,sko þetta er svona öfug sálfræði hjá mér. Ég er í raun að plata Guð, því hann virðist eitthvað fúll út í mig kallinn, þó ég viti ekki af hverju. Hann hefur amk refsað mér grimmilega undanfarið, með því að niðurlægja mín uppáhaldslið opinberlega.

Einnig kenni ég honum um misheppnaða tilraun mína til sjálfsvígs, með því að hoppa fram af svölum á 9 hæð, sem ætti nú að drepa hvern sem er, en ég hlaut aðeins mar, skrámur, og blóðnasir," sagði Trausti reiðilega við blm VSP á fimmta tímanum í dag.

Hefur ákvörðun Trausta þegar vakið hörð viðbrögð og reiði stuðningsmanna Liverpool á Íslandi, og sagði formaður klúbbsins m.a. að Trausta yrði ekki veitt aðild að honum meðan Mersey áin væri enn blaut, en fyrir þá sem ekki vita er áin gerð úr vatni, sem er blautt.

Selma svipt ríkisborgararéttinum;Kristján á svið!

Selma Björnsdóttir, evrósýnarfari, komst ekki áfram úr undankeppni evrópskra sjónvarpsstöðva í gær. Þetta eru gríðarleg vonbrigði, því spákonan Elísa frá Djúpafirði hafði spáð hópnum góðu gengi.

Selma hefur því brugðið á það ráð að kæra úrslitin til mannréttindadómstóls Evrópu, á þeim forsendum að íslenska lagið hafi verið miklu betra en það makedóníska, lettneska, og ungverska, en þau komust öll áfram í keppninni.

"Mér finnst bara að austur-evrópu löndin ættu að gerast vestrænni, svona einsog við, þá ættum við kannski meiri séns. Það vita allir að þeirra kommúnista stíll og smekkur er afskaplega asnalegur og ön-kúl," sagði Selma í viðtali við blm VSP í Úkraínu, Andreij Shevschenko.

Forseti Íslands, herra Ólafur Ragnar Grímsson, brást skjótt við úrslitunum í gærkvöldi, og svipti Selmu umsvifalaust ríkisborgararétti sínum, og hefur kennitala hennar verið tekin úr umferð af Hagstofu Íslands. Samkvæmt landslögum er því Selma orðin að "persona non grati", sem þýðir í raun persóna án réttinda. Því er Selma orðin réttdræp, ef hún svo mikið sem dirfist að stíga fæti inn fyrir landssteinana.

"Selma hefur brugðist Íslensku þjóðinni, mér, og sjálfum sér, og slíkt er með öllu ófyrirgefanlegt", sagði Ólafur Ragnar við karókítækið á Bessastöðum í morgun.

Þegar er hafin leit að nýjum evrósýnarfara, og koma þar mörg nöfn til greina. Hæst ber á góma nafn Kristjáns Jónssonar, en hann hefur þegar hafið stífar æfingar, og ver öllum stundum í þreksalnum, þar sem hann stefnir að því að fullkomna stuðmannahoppið, í flutningi sínum á laginu Can´t take my eyes off of you, sem Andy Williams gerði ódauðlegt á sínum tíma.

Aðspurður hvort hann vissi ekki af því að einungis frumsamin lög kæmu til greina, svaraði Kristján að bragði : "Jú jú, en þetta er nú bara eina lagið sem ég kann, og hef sungið áður opinberlega. Ég var að pæla taka lagið Sign með Ace of Base, en mér sýnist svíasveiflan vera dottin uppfyrir í þessari keppni, og þjóðlegu gildin tekin við, sem er ástæðan fyrir að stuðmannahoppið mun sjást að nýju, en það er ævaforn og afskaplega þjóðleg túlkun á hinum óskaplegu póst-módernísku öflum sem toguðust á í atgervi sjálfsmyndar manna á níunda áratugnum. Það er svipað þeirri upplifun sem ungir austur-evrópskir karlmenn eru nú að uppgötva, og er það von mín og trú að stuðmannahoppið muni hjálpa þeim við frelsun hins innri manns, sem þeir hafa allir að geyma ", sagði Kristján alvarlegur í bragði.

Kristjáni til aðstoðar verður dansflokkurinn Slef frá Sólheimum, en um bakraddir sjá Sverrir Stormsker, Gylfi Ægisson, Herbert Guðmundsson, og Lúdó, í Lúdó & Stefán.

Trausti ættleiddur

Nú hefur kvissast út sá orðómur að Trausti Salvar .......sé alls ekki sonur Kristjáns og Þorbjargar heldur hafi þau í góðmennsku sinni ættleitt drenginn snemma á lífsleiðinni. Fréttavefur VSP fór á stúfana og ræddi við nokkra aðila sem þekkja til málsins. Eru þeir sammála um að þetta koma sér ekki beinlínis í opna skjöldu, því lengi hafi verið talið ólíklegt að slíkt sómafólk eins og Kristján og Tobba gæti getið af sér slíkan son.

Pétur Pétursson heilsugæslulæknir á Akureyri og fyrrum heilsugæslulæknir í Bolungarvík, segir að hægt sé að slá þessu föstu. Gerðar hafi verið DNA rannsóknir sem sýni svo ekki sé um villst að Trausti sé til að mynda ekki blóðskyldur Kristján Jónssyni. Enda er Kristján sérlega vandaður maður á meðan Trausti sé afskaplega óáreiðanlegur og sérkennilegur í alla staði.

Magnús Orri Schram talsmaður Schram ættarinnar í málinu sagðist telja líklegt að hann myndi slíta öllu sambandi við Trausta í ljósi nýjustu tíðinda: "Það hefur ávallt verið erfitt að umgangast þennan mann, en við höfum þó ávallt gert það af virðingu við Tobbu. Það hefur auðvitað verið erfitt fyrir Schram ættina að tengjast þessum manni og því eru niðurstöðurnar ákveðinn léttir fyrir okkur. Nú er bara næsta vers að losa sig við Jón Baldvin", sagði Orri í einlægu viðtali við fréttastofu VSP.

Sigurður Pétur Harðarson fyrrum samstarfsmaður Trausta hjá Kringlubón og fyrrverandi útvarpsstjarna segist hafa umborið Trausta sökum þess að hann væri skyldur Heimi. "Það er spurning hvort maður endurskoði þetta eitthvað, en Trausti er samt ágætur á meðan hann er sofandi. En hann má ekki koma inn í þvottahús að þá fyllir hann allt af fíkniefnalögreglumönnum" sagði Sigurður og bætti við að hann hefði sambönd til þess að koma Trausta í lífvarðaskóla í Tyrklandi.

Harald Pétursson sölustjóri hjá OgVodafone segir að þessar upplýsingar hefðu getað komið sér vel fyrir sig fyrir nokkrum árum síðan er hann réð Trausta til Tal. "Manni rann blóðið til skyldunnar að redda stráknum vinnu. En atvinna mína hékk á bláþræði á tímabili eftir að Trausti hóf störf þegar hann bauð eiginkonum Þórólfs Árnasonar, Sigurðar G. Guðjónssonar og Jóns Ólafssonar með sér á árshátíð hjá fyrirtækinu. Ég lærði þarna að það er varasamt að mæla með mönnum út af meintum skyldleika" sagði Harald.

Pétur læknir segir ekki liggja fyrir hverra manna Trausti sé en spjótin séu farin að beinast að Rósu Ingólfsdóttur og Heiðari Snyrti Jónssyni en þau hafi átt ástarfund er þau kynntust í flugfreyjuskóla Arnarflugs í ágúst 1977. Kristján og Þorbjörg vildu ekki tjá sig um málið er fréttastofan leitaði til þeirra nú undir kvöldið.

Tileinkaði Kristjáni markið

Guðmundur Benediktsson , framherji Vals í knattspyrnu, skoraði eitt af þremur mörkum Valsmanna í gær, í 3-1 sigri þeirra á Grindavík.

Eftirtekt vakti að Guðmundur lyfti upp treyju sinni í fögnuðinum, þar sem blasti við áletrunin "Ég dýrka þig líka Stjáni".

Guðmundur sagði svo í viðtali við Valtý Björn, hafa tileinkað Kristjáni Jónssyni þetta mark, fyrir að hafa stutt sig í gegnum súrt og sætt í gegnum árin, en Kristján er einn frægasti "stalker" landsins, og hefur m.a. setið inni fyrir að hafa gerst fullágengur við Guðrúnu Arnardóttur, er hann bað hana um eiginhandaráritun á æfingasvæði Breiðabliks í mars 1999.

Einnig var Kristján ákærður af franska knattspyrnusambandinu 1992, fyrir að brjóta öryggisreglur, þegar hann varð sér úti um eiginhandaráritun hjá Michael Platini á Hótel Sögu, en Kristján hafði dulbúið sig sem þjónn, og bankað uppá í svítu Platinis, og boðið herbergisþjónustu.

Einnig hafa Gylfi Ægisson, Sverrir Stormsker, Sigurður Kári, og Herbert Guðmundsson kvartað sáran yfir hegðun Kristjáns í þeirra garð, og ljóst þykir að öryggisgæsla í kringum Alice Cooper verður amk þrefölduð ef hann þorir að koma hingað aftur, en Kristján þóttist vera rótari á tónleikunum, til að komast nálægt goðinu, en upp um hann komst þegar hann gat ekki stungið einfaldri "jack" snúru í samband, og vissi ekki hvar "volume" takkinn var á mixernum.

Kristján viðurkenndi fyrir blm VSP að þó svo Guðmundur hefði tileinkað honum markið, fylgdu því blendnar tilfinningar, þar sem Kristján er ötull stuðningsmaður KR.

Talið er að Kristján hafi verið einn þeirra fjársterku aðila sem greiddu laun Guðmundar hjá KR, meðan hann var í þeirra herbúðum. Talið er að hlutur Kristjáns hafi verið allt að 300 kr. á mánuði, rækjusamloka og appelsín, en yfirvöld eru nú að rannsaka málið, því ljóst er að engir skattar voru greiddir af þessari fjárhæð.

Snyrtipinnar eru eyðsluklær

Einsog fram kom í fréttum Stöðvar 2 í kvöld, eyddu íslendingar rúmum þremur milljörðum króna í snyrtivörur á síðasta ári. Þar af var rúmur milljarður sem fór í snyrtivörur fyrir karlmenn.

Einnig kom fram í fréttinni að fimm einstaklingar hafi samtals eytt helming þeirrar upphæðar í snyrtivörur fyrir sig persónulega, um hálfum milljarði, en það eru þeir Jón Jósepsson, Páll Óskar Hjálmtýrsson, Pétur Magnússon,Trausti Salvar Kristjánsson, og Guðmundur Björnsson, en hann hefur ítrekað reynt að selja vörurnar í smásölu, án árangurs.

"Þessar tölur eru gott dæmi um þá póst-módernísku þróun kapítalismans í vestrænu neyslusamfélagi, þar sem karl-ímyndin virðist í sífellu samtvinnast kven-ímyndinni , og fæðing metrósexúalismans virðist staðreynd," sagði Jónsi, í engum fötum við blm VSP í dag.

"Já, það er tussufínt að geta smurt sig með einhverjum kremviðbjóði, það dregur úr stingnum í 3ja daga skegginu, það segja helvítis kellingarnar a.m.k.," sagði Pétur Magnússon, kynþokka-fyllsti maður á vestfjörðum.

Ekki náðist í Pál Óskar, en að sögn Séð& Heyrt voru þeir Hannes Hólmsteinn Gissurason saman í Ikea að kaupa sængurföt.

Guðmundur Björnsson, aðstoðarmaður og tengdasonur forsætisráðherra, gaf ekki kost á viðtali, en sagði aðeins að Nuskin- skuldin væri greidd að fullu, og að hann hafi aðeins einu sinni litað á sér augnbrúnirnar, og sé þreyttur á að vera sífellt minntur á það glappaskot.

Ekki náðist heldur í Trausta Salvar, en hann var í bikínívaxmeðferð á Snyrtistofu Guðrúnar Wiium á Gránufélagsgötunni.

Kristján ekki í hættu

Kristján Jónsson lífskúnstner, getur nú andað rólega, því ljóst þykir að hann mun ekki fá krabbamein, ekki næstu 45 árin a.m.k.

Samkvæmt óháðum ráðgjafa áfengisiðnaðarins er neysla maltvískís ein besta vörnin fyrir þessum hvimleiða sjúkdómi, sökum ríks magns andoxunarefna, sem drepa krabbameinsfrumur.

Kristjáni sagðist vera mjög létt, enda ekki tilbúinn að missa hár né kíló, í hinni hryllilegu lyfjameðferð, sem hingað til hefur verið eina lækningin.

"Ég vissi alla tíð að þetta þjónaði æðri tilgangi hjá mér, þetta viskíþamb. Það var einhver sérkennileg vellíðan sem fylgdi þessu alltaf, sjálfsagt hefur það verið andoxunarefnið að sparka í rassgatið á krabbameinsfrumunum, en ég passaði mig alltaf á að blanda hollustunni inn í þetta, og hafa nóg af klökum, vatnið gerir manni jú alltaf gott," sagði Kristján glaðbeittur.

Hér er fréttin, sem mun breyta gangi lífsins.

Fullyrt var á læknaráðstefnu í Glasgow í Skotlandi í morgun, að maltviskí veiti vörn gegn krabbameini vegna þess að það innihald mikið magn af öflugu andoxunarefni, sem drepi krabbameinsfrumur.
Jim Swan, óháður ráðgjafi áfengisiðnaðarins, sagði að samkvæmt rannsókn innihaldi meira magn af svonefndri ellagicsýru en rauðvín en þetta andoxunarefni komi í veg fyrir frumubreytingar sem gætu leitt til krabbameins.
„Hvort sem þú færð þér smá lögg öðru hvoru eða ert raunverulegur sérfræðingur, þá getur viskí varið þig fyrir krabbameini - það er vísindalega sannað," sagði Swan, sem er læknismenntaður.

Tekið af MBL.IS

Deepblue setur skákforritið í recycle bin

Skáktölvan Deepblue, eða Djúpblá, sem komst í heimsfréttirnar fyrir að vinna skáksnillinginn Gary Kasparov í frægu einvígi, hefur ákveðið að hætta taflmennsku alfarið.

Djúpblá sendi frá sér tilkynningu í formi tölvupósts í morgun, þar sem kom fram að hún hefði ekkert teflt síðan sigur vannst á Kasparov, því hún hefði ekki fengið nein önnur tilboð um að tefla.

Sagði hún einnig að kominn væri tími á að leyfa nýjum tölvum að spreyta sig, og henni litist sérstaklega á nýju NX-303 gerðina frá Dell, sem sigraði m.a. Viktor Korsnoj, og Gumma Daða.

"1ooo11o1oo1o11o o1o111o111, oooo11oo1 1o1o1oo1 o1o1 11o 11 o1o11, oo1o111 o1 1o 1oo1 o 11 11o o11 o11, 100 10001!" sagði Djúpblá klökk, í viðtali við blm. VSP í dag

Umboðsmaður Djúpbláar, IBM, vildi ekki tjá sig um málið að svo stöddu.

4. maí, frídagur örvhentra metrósexúal samsæriskenningamanna

Í tilefni afmælis Trausta Salvars Kristjánssonar í dag, 4. maí, hefur þjóðhátíðarnefnd lagt þá tillögu fram við Alþingi, að dagurinn verði gerður að frídegi örvhentra metrósexúal samsæriskenningarmanna, en einsog kunnugt er, hefur Trausti verið öflugur talsmaður þessa minnihlutahóps í rúm 12 ár.

Trausti trúir statt og stöðugt á tilurð geimvera, og meintan þátt þeirra í morðinu á John F. Kennedy, John Lennon, og Tupac Shakur, hvarfi Elvis, og samsæri bandarískra stjórnvalda til að hylma yfir þessa verknaði.

Einnig telur Trausti geimverurnar hafa staðið á bakvið glæstan árangur NBA liðsins Boston Celtics og stjörnu þeirra, Larry Bird, á níunda áratugnum, í ljósi þess að Larry Bird er hvítur.

Í tilefni afmælisins mun Trausti hafa opið MSN í dag milli 14-og 23, og eru allir velkomnir.

6617777@hotmail.com

Leyndarmálið er rakakrem

Pétur Magnússon, einn fegursti maður vestfjarða, sagði í gær að leyndarmálið bakvið fegurðina væri notkun rakakrems, sem og góð umhirða húðarinnar almennt.

“Veðurfar hefur auðvitað áhrif á húðina, djöfulsins andskotans veðrið. Það veit andskotakornið hvert mannsbarn, andskotans djöfulsins. Það var nú annars hann bróðir minn sem ráðlagði mér þetta, enda er húð hans einsog rassgatið á ungabarni,” sagði Pétur í léttu spjalli við blm. VSP.

Pétur var nýlega kosinn kynþokkafyllsti karlmaður vestfjarða, í flokki smiða, en þetta er í fyrsta skipti sem hann hlýtur þennan titil.

Pétur er nú staddur erlendis, til að taka þátt í keppninni Herra Skandinavía, sem hann þykir sigurstranglegur í.

“Maður reynir að tussast í þessu eitthvað, enda með helvítis keppnisskapið í lagi úr andskotans handboltanum sko. Síðan er maður náttúrulega djöfull vanur því að koma fram erlendis, maður bjó náttúrulega í fokking útlöndum lengi, helvítis djöfulsins”, sagði Pétur grafalvarlegur á svip.