Minnsti óperusöngvari heims

Gissur segir snigli til vegar




Gissur Páll Gissurarson, puti, er minnsti og léttasti óperusöngvari í gervöllum heiminum, að sögn Don Giorgio Spalletti, framkvæmdarstjóra Gaul óperunnar í Rómarborg.

Gissur er fæddur í Putalandi og ólst þar upp til 8 ára aldurs. Gissur flutti þá búferlum vegna skæðrar fótasveppasýkingar sem Gúlliver skildi eftir sig á göngu sinni um landið.
Gissur flutti til Íslands en hóf að nema óperusöng á Ítalíu.

“Það eh heyrðu svoe fáir í méro sökum smæðar. ég er svo piccolo , þannig aðe ég þurfti að öskra af öllum eh lífs og sálarkröftum til þess eins aðe eiga orðaskipti við fólk. Þannige þróaðist með mér gífurlega vítt og breitt raddsvið sem nýttist vel í óperusöngnum”, sagði Gissur hátt og snjallt við blm. VSP.

Meðalþyngd íslenskra óperusöngvara er um 148 kg en Gissur vegur aðeins um 28 grömm. Hann er þó hávaxinn miðað aðra puta eða um 9 cm.

"Hæðin nýtist mér vel. Ég hef mikla tónhæð, svo ég nái til tóneyranna", öskraði Gissur glettinn að svip, að því er virtist.