Framsókn leyst upp!

Framsóknarflokkurinn var í dag formlega leystur upp. Var þetta niðurstaða þingflokksfundar í gærkvöld, þar sem niðurstöður nýrra kannana voru ræddar, en þær gáfu sterka vísbendingu um það, að enginn íslendingur væri eftir sem talist gæti framsóknarmaður. Ekki einu sinni afkomendur Jónasar frá Hriflu, né Steingrímur Hermannsson vildu gangast við því að vera framsóknarmenn, og því var talið, að ekki væri lengur rekstrargrundvöllur fyrir flokkinn.

Guðni Ágústsson landbúnaðarráðherra, fyrrverandi handhafi forsetavalds, og forsætisráðherra í íhlaupastarfi, sagðist í dag vera búinn að ákveða að gerast umboðsmaður íslensku sauðkindarinnar, og hyggi hann á frekari frama með henni í útlöndum. Guðni sagðist spenntur fyrir nýja starfinu, og sagði að þar sem tvær sauðkindur mættust, fengi hann prósentur.

Kristinn H. Gunnarsson sagðist strax ætla að ganga til liðs við hinn nýstofnaða flokk róttækra vinstri manna (kvenna), Femínistaflokkinn, en virðist strax hafa lent uppá kant við formann flokksinns, Bríeti Brókarsótt, fyrir að mæta ekki í rauðum sokkum, og fyrir að vera með getnaðarlim.

Siv Friðleifsdóttir ætlaði að einbeita sér að hniti og fegurðarsamkeppnum, en útlokaði ekki ólympískar skotveiðar.

Guðmundur Björnsson, fyrrverandi krónprins Framsóknarflokksinns, og núverandi tengdasonur forsætisráðherra, sagðist vera með eitt nýtt og ferskt á prjónunum, en það mun vera sala á nýju pýramídasvindls Herbalife efni, sem aflitar augnbrýr á svipstundu, en hefur þá leiðinlegu aukaverkun, að lama menn í öðru andlitinu...