Framtíð Péturs Magnússonar óljós

Talið er að Pétur Magnússon muni annaðhvort skilja að skiptum við sambýliskonu sína eða láta lífið fyrir næstkomandi laugardag, ef marka má pistlaskrif unnustu hans á www.bb.is á dögunum. Ku Pétur vera uggandi yfir örlögum sínum, en að eigin sögn dauðlangar hann að fara á þorrablót bolvíkinga, en hann fær ekki útivistarleyfi hjá spúsu sinni.

Mun ákvörðunin hafa verið tekin einhliða innan veggja heimilisins en atkvæðaréttur Péturs þar mun vera takmarkaður við þáttöku hans í húsverkum, sem er óveruleg. Húsmærin mun hafa tvöfaldan atkvæðisrétt, þar sem hún gekk með barn þeirra undir belti og ól í heiminn. Einnig má Pétur ekki leika sér úti aðra hverja helgi né vera “memm”.

Pétur er á þrítugasta aldursári.