Vestfirskir sleikipinnar

Trausti vongóður

2011-02-23T12:13:00.002Z

"Ég er nú bara að vonast til að frændi sjái um sína" segir Trausti Salvar Kristjánsson, fyrirmynd og tryggingasölumaður. "Hann hlýtur að geta reddað mér um einhverja vinnu."

Sem kunnugt er er Trausti einn umsækjenda um stöðu húsvarðar í félagsheimilinu í Bolungarvík. Trausti sér fram á ljúfa daga á kústinum. "Sigurjón digri er fyrirmyndin að einhverju leyti, þó ég sé nú ekki eins feitur og uppstökkur og hann."

Trausti býst ekki við miklum önnum í nýja djobbinu. "Ætli þetta sé ekki bara að tuða yfir dýrtíðinni, fara í kaffi niðrá höfn og skottast útí Húsasmiðju eftir stormjárnum. Eitt er þó tímafrekt. Það er að með nýbyggingunni við félagsheimilið var byggt yfir aðalslagsmálasvæðið. Það blóð og óþrifnaður sem fór í gagnstéttina og götuna þegar í brýnu skarst og skolaðist burt í næstu leysingum þarf húsvörðurinn nú að skrúbba upp. Það er þó kostur að nú þurfi slagsmálahundar ekki að vera í yfirhöfnum þegar þeir slást, það er svo erfitt að ná blóði úr 66°N úlpum og ullarfrökkum til dæmis. Maður þarf að líta á björtu hliðarnar." Formlegrar ákvörðunar ráðninganefndar er að vænta innan skamms.

Gylfi Ólafsson, tíðindamaður VSP í útlöndum, skrifar frá landi hinna flegnu stuttermabola.

Guðmundi ekki boðið í VIP teitið

2011-02-22T19:46:00.003Z

Talið er að fatasmekkur Guðmundar sé helsta orsök þess að honum var ekki boðið í teitið, en Guðmundur þykir heldur hallur undir dreifbýlisstílinn.

Guðmundi Gunnarssyni, spænskumælandi skjástjörnu og bolvíkingi, er ekki boðið í umtalaðasta félagsviðburð ársins, VIP teiti Hildar Lífar og Lindu Ýrar á Re-Play um helgina.

Nafn hans er hvergi að finna á gestalistanum sem birtur hefur verið í fjölmiðlum og þykir það renna stoðum undir þann orðróm, að Guðmundur sé einfaldlega ekki nógu frægur ennþá, þrátt fyrir áberandi frammistöðu sem kynnir í undankeppni Eurovision.

"Auðvitað er ég sár og reiður, þetta er annað áfallið sem ríður yfir á skömmum tíma, því ég var ekki tilnefndur sem sjónvarpsmaður ársins á Eddunni um síðustu helgi. En ég er bara bjartsýnn og trúi því að lukkan snúist mér í hag, því bráðum verð ég í ´Hver er maðurinn´ í Fréttablaðinu, og þá ætti þetta að vera komið held ég," sagði Guðmundur ábúðarfullur.

Guðmundur ekki tilnefndur

2011-02-18T21:19:00.005Z

Guðmundur var nokkuð í glasi er hann ræddi við blaðamann VSP

Guðmundur Gunnarsson, skjástjarna, hefur sent íslensku kvikmynda- og sjónvarpsakademíunni harðort uppsagnarmótmælabréf, hvar hann furðar sig á því að hann sé ekki tilnefndur sem sjónvarpsmaður ársins, en Guðmundur hefur verið afar áberandi á skjá allra landsmanna, bæði sem kynnir í undankeppni Eurovision og sem þulur í tveimur þáttum um fjármál. (Þar sem hann féll reyndar í skuggann af Trausta Salvari Kristjánssyni, sem stal senuni ásamt landnámshænsni).

"Þetta er bara ósanngjarnt. Almenningur gerir sér ekki grein fyrir því hversu mikil vinna liggur að baki þessum árangri hjá mér. Almenna reglan er sú að á bakvið hverja mínútu í sjónvarpi liggur hálfsmánaðar vinna, þannig að þetta eru komin nokkur ár hjá mér sem fóru í þetta. Og hvað fæ ég í staðinn? Viðtal í Vikunni!" sagði Guðmundur hvumpinn.

Hyggst Guðmundur segja af sér sem sjónvarpspersónuleiki í mótmælaskyni, og einbeita sér að einkalífinu.

Kristján hlýtur Ómarinn

2010-12-20T00:57:00.004Z

Kristján vakti mikla athygli á EM kvenna í handbolta í Noregi og Danmörku á dögunum. Var hann kosinn vinsælasti íþróttafréttamaðurinn, og skipar sér á stall með ekki ómerkari kollegum en Adolfi Inga og Samúel Erni Erlingssonum, sem eru betur þekktir ytra sem grínbræður, eða brodrene sjov.

Frá fréttaritara VSP í Svíþjóð, Gylfa Ólafssyni.

Kristján Jónsson, íþróttafréttamaður og þúsundþjalasmiður, hefur hlotið hinn eftirsótta Ómar fyrir árið 2010. Ómarinn eru verðlaun sem Blaðamannafélag Íslands gefur árlega þeim fjölmiðlamanni sem gengur í flest hlutverk í starfi sínu en verðlaunin eru nefnd eftir Ómari Ragnarssyni sem er sá fyrsti, og reyndar eini, sem hefur hlotið þau frá árinu 1959.

Kristján Jónsson hefur á árinu tekið fjölmörg viðtöl fyrir margmiðilinn Emmbéedl, þar sem hann „heldur á myndavélinni eins og klettur, stýrir hljóðnemanum af natni, spyr áleitinna spurninga og klippir og vinnur herlegheitin svo fagmannlega að úr verður myndrænt konfekt, sannkallað augnakonfekt“ eins og dómnefnd komst að orði.

„Ég er hrærður,“ sagði Kristján í samtalið við VSP. „Þegar ég var patti langaði mig alltaf til að verða eins og Ómar, með þrjú armbandsúr að taka myndbönd og spyrja spurninga og ganga í öll hlutverk, og nú hefur draumurinn ræst,“ sagði Kristján sem þykir sérlega laginn með öll rafmagnstæki og tól.

Í verðlaun fær Kristján ógangfæra bifreið af gerðinni Suzuki Swift ´83 sem talin er í eigu Ómars Ragnarssonar, 3. seríu af Stiklum á VHS, svitastorkna Adidas íþróttatreyju áritaða af Reyni Pétri Ingvarssyni og 10 tíma ljósakort á sólbaðsstofunni Múlatti á Grensásvegi.

Orri Örn fyrstu kaup Guðjóns

2010-11-21T12:31:00.005Z

Frá tvíliðaleik Borgarnesmótsins í badminton 2003

Knattspyrnumaðurinn Orri Örn Árnason hefur gengið til liðs við Bí/Bolungarvík frá badmintondeild KR, og er hann fyrstu kaup Guðjón Þórðarsonar, sem nýlega tók við stjórnartaumum Skástriksins, eins og liðið er gjarnan nefnt. Kaupverð er talið nema allt að 3500 krónum. Kaupin voru innsigluð með handabandi á stuðningsmannakvöldi liðsins á Players sl. fimmtudag, hvar Orri kom að máli við Guðjón, að fyrra bragði.

Orri Örn er 34 ára vinstri bakvörður og er þekktur fyrir hraða sinn, snerpu og óbilgirni. Hann gerði samning til tveggja vikna, eða fram að fyrsta píp-testi liðsins.

Víst er að fréttirnar munu hafa jákvæð áhrif á hópinn, enda Orri annálaður fyrir fagmennsku og gamansemi sína vestra.

Halldór slökkti ekki ljósin

2010-11-20T01:41:00.003Z

Á dögunum voru Vestfirðingar hvattir til að slökkva ljósin á föstudegi fyrr í þessum mánuði. Að sögn Guðjóns Þorsteinssonar upphafsmanns átaksins, er það gert til að mótmæla niðurskurði ríkisstjórnarinnar sem virðist miða að því að leggja niður byggð í fjórðungnum. Ekki virðast allir hafa verið ánægðir með framtakið og einn þeirra er Halldór Magnússon, yfirmaður rafmagns á Vestfjörðum, sem sendi VSP yfirlýsingu vegna uppátækisins frá hornskrifstofu sinni. Yfirlýsingin er svohljóðandi:

"Ég hef aldrei á ævinni vitað neitt heimskulegra. Fólk á helst að hafa ljósin kveikt allan sólarhringinn. Svona aðgerðir geta verið mjög skaðlegar og ég vil biðja fólk um að hafa ekki rafmagn í flimtingum. Ég þarf að reka stórt heimili og Land Cruiser jeppa. Auk þess er ég með tvo tölvuskjái í Orkubúinu."

Eignaðist þúsundasta "vininn" á Facebook

2010-11-10T22:19:00.007Z

Litli "vinurinn" er sagður tilheyra Kristjáni sjálfum, enda eru þeir sláandi líkir.

Mannvinurinn og þúsundþjalasmiðurinn Kristján Jónsson náði þeim merka áfanga á dögunum að eignast þúsundasta vininn á Facebook samskiptavefnum. Þykir þetta nokkuð eftirsóttur heiður, enda ávísun á vinsældir, aðdáun og frama innan samfélags manna.

Það sem skýtur þó skökku við í tilfelli Kristjáns, er að um helmingur "vina" hans á Facebook, eru í raun hlutir sem eru tengdir honum á einn eða annan hátt. Til að mynda er hvítur Intersport sokkur Kristjáns af hægri fæti, með sína eigin Facebook-síðu, sem og George Foreman samlokugrillið hans. Meira að segja Micru-bifreið Kristjáns er með eigin Facebook-síðu, og nýtur hún töluverðra vinsælda.

Getgátur eru uppi um að Kristján sjálfur standi að baki síðunum, til þess eins að hífa upp vinafjöldann á Facebook-síðu sinni. Sterkasta vísbendingin þess efnis er einfaldlega eðli þúsundasta "vinarins", sem er vafalaust sá nánasti í vinahópi Kristjáns, en einnig sá minnsti.

Sjá má Facebook-síðu þessa nýjasta með-lims hér.

Guðmundur ráðinn aðstoðarmaður Stefáns

2010-11-09T10:09:00.005Z

Guðmundur er þekktur fyrir sínar frægu "pepp" ræður og mun eflaust reynast þeim Stefáni og Guðjóni vel í klefanum í sumar.

Guðmundur Halldór Björnsson, meðhjálpari, hefur verið ráðinn aðstoðarmaður Stefáns Arnalds hjá Bí/Bolungarvík, sem var nýlega ráðinn aðstoðarmaður Guðjóns Þórðarsonar, þjálfara liðsins.

Mun Guðmundur sjá um að "straumlínulaga þjónustustig Stefáns," og "marka heildarstefnu í grunn-fagaðstoðun," líkt og segir í tilkynningu.

"Á mannamáli þýðir þetta að ég muni koma til með að sjá um að vekja Stebba og keyra hann í vinnuna. Síðan mun ég sjá um að færa æfingarplön inn í Excel og svoleiðis, auk þess sem ég mun koma til með að stýra handboltaæfingum í upphitun, en það er nýlunda á Íslandi að láta fótboltamenn spila handbolta í upphitun, meðan blæti handboltamanna til að spila knattspyrnu í sinni upphitun á æfingum er alþekkt," sagði Guðmundur.

Guðmundur er frægasti Bolvíkingurinn

2010-11-05T10:16:00.005Z

Guðmundur er orðinn þekkt andlit á skjá bolvíkinga

Guðmundur Gunnarsson, fjölmiðlamaður, hefur tekið við kyndlinum af Pálma Gestssyni, sem frægasti Bolvíkingurinn, samkvæmt árlegri mælingu Capacent. Árangurinn má helst rekja til þess, að Guðmundur verður næsti kynnir Söngvakeppni Sjónvarpsins, sem er undankeppni Eurovisionkeppninnar sívinsælu.

Guðmundur, sem hefur verið á Topp 20 listanum yfir frægustu Bolvíkingana undanfarin fimm ár, eða síðan hann hóf störf á RÚV, bætist í fríðan flokk Bolvíkinga sem trónað hafa á toppi listanns, á borð við Einar Guðfinnsson, Einar K. Guðfinnsson, Einar Benediktsson, Einar Jónatansson, Elías Jónatansson, Kristinn H. Gunnarsson, Sigurð Pétursson, Trausta S. Kristjánsson, Birgi Olgeirsson, Kristján Jónsson, og Pálma Gestsson, að ógleymdum Vagnsystkinunum, sem einokuðu toppsætið um árabil.

"Þetta er mikill heiður fyrir mig, ekki síst í ljósi þess að ég hef statt og stöðugt ætlað mér að komast á þennan stað síðan ég hóf störf í fjölmiðlum. En að manni skuli vera fagnað líkt og þjóðhetju í hvert skipti sem ég kem vestur er ótrúleg upplifun. Ég fæ aldrei nóg af því að gefa krökkunum eiginhandaráritun eða tala við almúgann á götu úti. Vissulega er þetta mikið áreiti, ekki síst frá hinum staðbundnu fjölmiðlum, BB og Víkara.is, en ég geri mér þó grein fyrir því að þetta er gjaldið sem ég þarf að borga fyrir frægðina," sagði Guðmundur auðmjúkur í viðtali við blaðamann VSP.

„Skref niður á við“

2010-11-05T10:02:00.009Z

Guðmundur í kjólnum fræga. Hann tekur sig ekki síður vel út en Björk á sínum tíma.

Frá fréttaritara VSP í Svíþjóð, Gylfa Ólafssyni

Guðmundur Gunnarsson, þokkatröll, hefur sem kunnugt er fengið nýtt starf sem
kynningapiltur á  Söngvakeppni evrópskra sjónvarpsstöðva.
Guðmundur segir starfið vera skref niður á við, en allt sé  hey í harðindum.

„Já, eftir að ég var kynnir á þorrablóti Bolvíkingafélagsins var ég nú að
vonast eftir að fá betri  gigg. Þar hélt ég að stökkpallurinn væri kominn
upp í alvöru frægð og frama,“ sagði Guðmundur dapur  í bragði.
Hann segist þó ætla að gera það besta úr þessu öllu saman.

„Já, ég er búinn að hringja í Björk og  ætla að fá svanakjólinn lánaðan.
Það er algengur misskilningur að bara konur megi vera í flottum fötum.
Ég ætla að reyna að láta þetta áfall ekki verða mér fjötur um fót heldur
nýta mér það til frekari  frama. Einhvern tímann fæ ég kannski að komast
að í Zúúper, vera kynnir á þorrablóti  Grunnvíkingafélagsins eða
vera með símaviðtöl í Reykjavík síðdegis. Maður má ekki gefast upp.“

Guðjón ráðinn þjálfari BÍ/Bolungarvíkur

2010-10-08T17:56:00.003Z

Guðjón Kristinsson, torf og grjóthleðslumeistari frá Dröngum á Seljanesi, hefur verið ráðinn þjálfari meistaraflokks BÍ/Bolungarvíkur sem leikur í 1. deild á næstu sparktíð. Guðjón sagðist í samtali við VSP vera spenntur fyrir verkefninu en öll fjölmiðlaumfjöllunin um ráðninguna hafi komið sér á óvart. "Ég átti ekki von á öllu þessu fjaðrafoki í kringum þetta enda er þetta nú einu sinni bara 1. deildarlið sem var í 3. deild fyrir örfáum árum síðan. Einnig er ég undrandi á því hversu útbreiddar sögur af meintri kvensemi minni virðast vera. Menn virðast vera afar uppteknir af því ef marka má spjallsíður, Fésbækur og hvað þetta heitir allt á hinu háæruverðuga interneti. Jón Steinar frændi minn sýndi mér þessar síður allar í tölvunni hjá sér en hann er einna tæknivæddastur okkar Selnesinga."

Samúel Samúelsson, stjórnarmaður hjá BÍ/Bolungarvíkur, var kampakátur með að fá Guðjón til starfa. "Við erum virkilega ánægðir með þessa ráðningu á Guðjóni og tel að við séum búnir að ganga frá ráðningu á færasta og reyndasta hleðslumeistara sem Ísland hefur alið af sér. Nú reikna ég með að stigin staflist upp ef svo má segja," sagði Samúel þegar VSP hafði samband við hann og bætti því við að Guðjón myndi koma með ákveðnar nýjungar inn í félagið.

"Hann mun til dæmis kveða rímur fyrir leiki til þess að koma leikmönnum í rétt hugarástand en Guðjón er þekktur fyrir kveðskap og rímnaflutning á mannamótum," sagði Samúel og sagði ráðningu Guðjóns ekki eins kostnaðarsama og margir virtust gefa sér. "Guðjón er einnig menntaður skrúðgarðyrkjumaður og hann mun því einnig starfa sem vallarstjóri. Í þessu felast töluverð samlegðaráhrif því þarna eru tvö störf sameinuð í eitt."

Setti heimsmet á Facebook

2010-09-14T01:40:00.003Z

Einn fréttaritara VSP sem er á launum hjá skattgreiðendum, Gylfi Ólafsson, sendi okkur eftirfarandi skúbb:

Trausti Salvar Kristjánsson, kyntákn, fékk í dag skjöld frá Mark Zuckerberg, stofnanda Facebook, þess efnis að hann hefði slegið heimsmet.

„Við erum alveg gáttaðir á þessu,“ sagði Mark í samtali við blm VSP. „Við héldum Trausti væri svona týpa sem væri alltaf að taka myndir af sér með blue-steel svipinn úr Zoolander og henda inn á feisið, en svo lætur hann þessa prófílmynd lifa í 959 daga, eða síðan 11. janúar 2008. Og það er heimsmet, ekki einu sinni afar sem kunna ekki að skipta um prófílmynd láta sína vera svona lengi inni, þeir fá yfirleitt barnabarn til að skipta um mynd þegar þeir ná 900 daga markinu,“ bætti Mark við.

„Ég er hrærður“ sagði Trausti hrærður í þakkarræðu sinni og náði ekki að segja neitt fleira enda klökkur. Þegar hann hafði jafnað sig náði blm tali af honum. „Ég hef fengið ótal skeyti og sms út af prófílmyndinni. Sumum finnst hún gömul og ljót, en miklu fleiri hrósa mér, segja kompósisjónina skemmtilega, að hljómborðið sé þarna óræð vísun í listrænar hneigðir mínar, og svo er svipurinn á mér svona eins og mér sé alveg sama um allt og alla, en á sama tíma er einhver kærleikur, einhver ást, einhver hlýja í augunum,“ sagði Trausti og var blaðamaður ánægður með að vera með vatnsheldan diktófón því glósublokkin eyðilagðist í táraflaumnum.

Næstu skref segir Trausti vera óráðin. „Ég byrja á þúsund dögum, en sá áfangi næst 7. október. Eftir það verð ég bara að sjá til.“

Ofbeldismaður ekki í farbanni

2010-08-08T02:21:00.006Z

Eins og Sleikipinnavefurinn greindi frá 2. apríl síðastliðinn þá gengur ofbeldismaður laus í Landsbankanum og hefur hann gengið bersersgang á vinnustaðnum. Samkvæmt heimildum Sleikipinnavefjarins þá hefur ofbeldismaðurinn ekki verið settur í farbann og hefur það sett óhug að kvenkynsstarfsmönnum bankans. Eins og meðfylgjandi myndir bera með sér þá var ofbeldismaðurinn í Englandi fyrir ekki svo löngu síðan og hélt þá uppteknum hætti. Sjón er sögu ríkari. Öllum hlýtur að vera ljóst að koma þarf böndum á svona menn.

Bjartur býður Fabianski pláss

2010-05-12T12:23:00.005Z

Bakhjarlar Lundúnaliðsins Arsenal eru strax byrjaðir að girða fyrir mögulegt titlaleysi á næstu sparktíð. Guðbjartur Flosason útgerðarmaður í Bolungarvík hefur nú boðið pólska markverðinum Lukasz Fabianski pláss á sjó næsta vetur. "Tilboðið er ósköp einfalt. Það hjóðar einfaldlega upp á skipspláss fyrir Pólverjann í hvert skipti sem Arsenal leikur mikilvægan leik. Þess verður þá vandlega gætt að Fabianski sé úti á sjó á meðan leikirnir standa yfir," sagði Guðbjartur í samtali við Sleikipinnavefinn. Englendingurinn Justin Case er umboðsmaður Fabianskis og hann sagði að atvinnutilboðið yrði skoðað. "Á þessum tímum þá geta menn ekki hafnað slíkum atvinnutilboðum bara einn, tveir og þrír. Ég mun leggjast yfir málið ásamt Fabianski," sagði Case í samtali við fréttavef breska ríkisútvarpsins BBC.

Kvenfyrirlitning og ofbeldi í Landsbankanum

2010-04-02T22:15:00.002Z

Hvíslað hefur verið um það á götuhornum í Reykjavík undanfarið að kvenfyrirlitning sé vaxandi vandamál hjá starfsmönnum Landsbankans. Starfsmenn eigi miserfitt með að takast á við afleiðingar bankakreppunnar og eigi það til að fá útrás á samstarfsfólki sínu af líkamlega veikara kyninu. Af þessum sökum ákvað Ásmundur "Atkins" Stefánsson bankastjóri að koma fyrir leynilegum öryggismyndavélum. Ein mynd úr öryggismyndavélinni hefur nú lekið á netið og hefur myndavélin verið stöðvuð á þeim stað þar sem Guðfinnur Ólafur Einarsson gengur í skrokk á samstarfskonu sinni. Málið hefur valdið miklum titringi innan bankans. Samkvæmt heimildum VSP hefur Guðfinnur bæði reynt að stunda sund og lyft lóðum í World Class til þess að fá nægilega líkamlega útrás en það hefur samt ekki dugað til.

Guðfinnur vildi ekki veita VSP viðtali vegna málsins: "Þér kemur þetta ekki við," hreytti hann í blaðamann VSP áður en hann sleit samtalinu. Sigrún Þórisdóttir vildi heldur ekki tjá sig beint um málið en lét þess getið að hún ætti yndislega dóttur. Einn viðmælandi VSP sagði Guðfinn ganga undir nafninu Stuðfinnur á skemmtistöðum borgarinnar. Viðmælandi sagðist ekki vita hvaðan nafngiftin væri sprottin en taldi það tengjast amfetamínneyslu. Annar viðmælandi sagðist vita til þess að Guðfinnur geymdi ýmsar eignir sínar, eins og til dæmis heimasíðulén, í skattaparadísinni Finnlandi.

Orri Örn gengur til liðs við Jeff Who

2010-03-30T11:28:00.005Z

Orri mundar gítarinn á góðri stundu yfir einum köldum. Ef vel er að gáð, má heyra hina frægu þvoglumælgi í þriðja erindi lagsins.

Rokkhljómsveitin Jeff Who, sem þekktust er fyrir smellinn Barfly, hefur ráðið Orra Örn Árnason, gítarleikara, til liðs við sig. Þetta kemur fram á vef The Rolling Stone í dag.

"Ég hitti þá á fylleríi og þeir höfðu bara svo gaman af mér að þeir réðu mig á staðnum eftir að ég söng la la la la la la la la kaflann í Barfly fumlaust, þrátt fyrir mikla ölvun," er haft eftir Orra.

Orri hefur sérhæft sig í að spila á gítar fyrir rétthenta, þrátt fyrir fötlun sína, en hann er örvhentur og hefur auk þess verið greindur með þvoglumælgi á háu stigi. Er hann þó talinn meðal þeirra allra snjöllustu í sínu fagi og því mikill liðsstyrkur fyrir bandið, sem talið er að muni reyna að troða upp á Rokkhátíð Alþýðunar, Aldrei fór ég suður, á Ísafirði um páskana, fyrir tilstuðlan Orra, sem á ættir sínar að rekja til Bolungarvíkur.

"Það liggur náttúrulega beinast við að fara vestur, þarna hefur maður alið manninn um árabil og það er fátt betra en að komast heim í heiða dalinn. (víkina; innsk. blms) Ég er líka að slá tvær flugur í einu höggi með því að fá strákana vestur, því þá fæ ég pottþétt far hjá þeim," segir Orri, sem er óökufær um þessar mundir, vegna meints brots gegn valdstjórninni. Hann segir þó allt slíkt tal vera ýkjur og samsæri hægri manna og vísar slíkum sögusögnum til föðurhúsanna.

"Ég var í fullum rétti. Þetta er bara einn stór misskilningur. Ég reiddist bara yfir því að lögreglumennirnir skildu ekki það sem ég var að segja. Ég hef sent bréf til trúnaðarvinar míns Ellerts B. Schram, sem hefur sagst ætla að kippa þessu í liðinn fyrir mig," sagði Orri að lokum.

Gummi Bjöss hættur hjá Símanum

2010-03-19T02:06:00.004Z

Bolvíkingurinn Guðmundur Halldór Björnsson hefur sagt upp störfum á markaðsdeild Símans þar sem hann hefur starfað um árabil. Samkvæmt heimildum Sleikipinnavefjarins mun Guðmundur hafa orðið undir innan markaðsdeildarinnar þegar unnið var að síðustu 3G herferð fyrirtækisins. Sérstaklega mun hafa farið fyrir brjóstið á Guðmundi auglýsing Símans þar sem nokkrir af þekktustu leikurum þjóðarinnar sátu yfir dýrindis þorrabakka og veigruðu sér við að gæða sér á kræsingunum. Guðmundur vildi ekki tjá sig um uppsögnina þegar blaðamaður VSP hafði samband við hann. Spurður um þessa tilteknu auglýsingu sagðist Guðmundur ekki hafa getað tekið þátt í að gera hana enda séu þetta ekki skilaboðin sem sannir Framsóknarmenn vilji senda þjóðinni. "Það er beinlínis sorglegt að fylgjast með framgöngu okkar fyrrum ágæta fyrirtækis. Þetta var einhverskonar húmorslaus 2007 útgáfa í anda útrásarvíkinga þar sem að gert er lítið úr hefðbundnum íslenskum þjóðlegum afurðum. Nokkrir karlmenn, í lopapeysum þó, eru látnir fúlsa við íslenskum þorramat eins og hvert annað ómeti sé að ræða," sagði Guðmundur alvarlegur í bragði í samtali við VSP. Ekki liggur fyrir hvað Guðmundur mun taka sér fyrir hendur en heimildarmönnum VSP ber saman um að hann og fjárfestirinn Stefán Andrésson Arnalds hafi sést stinga saman nefjum undanfarið.

Guðmundur segir af sér vegna spillingar

2010-02-04T22:16:00.005Z

Siðspilltir-Guðmundur (TV) og Kristján (TH) á Þorrablótinu. Greina má spillinguna í augum Guðmundar, en Kristján kýs að búa til alþjóðlegt merki spillingar með fingrum sínum. Sjaldan hefur eins mikil spilling náðst á mynd.

Guðmundur Gunnarsson, formaður Bolvíkingafélagsins, hefur sagt af sér formennsku félagsins. Þetta kemur fram í tilkynningu sem Guðmundur sendi frá sér nú undir kvöld. Í henni viðurkennir Guðmundur að hafa orðið uppvís að spillingu.

"Ég viðurkenni að hafa orðið uppvís að spillingu. Sorrý," segir Guðmundur í tilkynningunni, fullur iðrunar.

Gustað hefur um Guðmund í embætti formanns allt frá embættistöku, en hann er sem kunnugt er sonur Gunnars Hallssonar, forstöðumanns Sundlaugar Bolungarvíkur, sem jafnframt sat lengi í meirihluta bæjarstjórnar Bolungarvíkur og einnig í stjórn Milestone. Er talið víst að Guðmundur hafi nýtt sér tengsl föður síns til þess að komast til formennsku, en Gunnar er annálaður fyrir margvísleg félagsstörf í gegnum tíðina, þar sem hann hefur komið sér upp viðamiklu tengslaneti, en slíkt net er eins og alvita er, grundvöllur hvers kyns spillingar.

Guðmundur játar í yfirlýsingu sinni að hafa misnotað almannafé, þegar hann, ásamt mýmörgum vinum sínum að sunnan, hafi notað aðstöðu Sundlaugar Bolungarvíkur, sem og íþróttahússins, utan hefðbundins opnunartíma. Þetta hafi gerst ítrekað um bæði páska og áramót.

Þá viðurkennir Guðmundur einnig að hafa gerst sekur um svokallaða "frændsemi" (nepotism), er hann veitti persónulegum vinum sínum ýmsar stöðuveitingar innan Bolvíkingafélagsins, á kostnað hæfara fólks. Nefnir hann dæmi um þegar Kristjáni Jónssyni, æskuvini sínum, var falið að ritstýra hinu árlegu tímariti Bolvíkingafélagsins í stað Reynis Traustasonar, sem hafði barist lengi fyrir því að komast að. Þess má geta að Kristján hefur unnið mörg trúnaðarstörf fyrir Sjálfstæðisflokkinn en hann sat einnig í stjórn Milestone.

Einnig fékk Guðmundur Kristján til þess að veislustýra sjálfu Þorrablóti félagsins í ár, sem er hápunktur skemmtanalífsins í Reykjavík. Í fyrra fékk Trausti Salvar Kristjánsson það sama hlutverk, sem einnig er nátengdur Guðmundi, en Trausti situr einnig í stjórn Milestone.

Mikill kurr hefur verið meðal fólks vegna þessa, þar sem horft hefur verið framhjá mörgu hæfu fólki í þessar stöður. Orri Örn Árnason, sem reyndar er vinur Guðmundar, mun hafa móðgast mjög yfir því að hafa ekki verið kosinn í stjórn, bara einhverja stjórn, td Bolvíkingafélagsins, Milestone, eða Þorrablótsnefndar, enda hafi hann yfirgripsmikla þekkingu og reynslu af ritun fundargerða þrátt fyrir fötlun sína, en Orri hefur þjáðst lengi af þvoglumælgi og lesblindu.

"Fryst ahnn va aðessu á anað broð, akkuru gatan eggi redddað mé líga?" sagði Orri vonsvikinn.

Dropinn sem fyllti mælinn mun hafa verið í happadrætti Þorrablótsins, þar sem maki Guðmundar, foreldrar, mágur hans og vinur, unnu alla vinningana nema einn sem í boði voru, en meðal vinninga voru íburðarmiklar og troðfullar körfur af "gourmet" vörum á borð við Cheerios, Æði-bitum og hveiti frá Kötlu.

Í kjölfarið mun Pálína Vagnsdóttir, ókrýnd drottning hljóðnemanns og guðmóðir félagsstarfa á vestfjörðum, sem aldrei hefur mátt vamm sitt vita, hafa kallað Guðmund á neyðarfund, þar sem hún heimtaði afsögn hans.

"Og þar sem misgjörðir mínar höfðu ekki dulist neinum, gat ég ekki annað en orðið við óskum Pálínar og sagt af mér formennsku," segir Guðmundur í tilkynningunni.

Ljóst er að málið mun draga dilk á eftir sér, enda gegndi Guðmundur einnig stöðu fréttamanns RÚV samhliða formennskunni. Er ljóst að trúverðugleika fréttastofunnar hefur verið stefnt í voða vegna málsins, en hann var reyndar ekki mikill fyrir.

Við formennsku Bolvíkingafélagsins tekur Auður Gunnarsdóttir.

Bíll ársins innkallaður af framleiðanda

2010-01-26T13:34:00.003Z

Japanski bílaframleiðandinn Nizzan hefur gert öllum eigendum Nizzan Micra, árgerð 1996, að skila bílunum án tafar. Ástæðan mun vera alvarlegur framleiðslugalli sem íslenskur Micrueigandi uppgötvaði á dögunum. “Ég var bara að keyra framhjá Frostaskjólinu á leiðinni í Ísbúðina þegar ég áttaði mig á því að bensínljósið logaði ekki.” Sagði Kristján Jónsson rithöfundur og áhugamaður um vélknúin ökutæki í samtali við VSP.

“Mér varð auðvitað mikið um því Micran hefur aldrei látið svona. Ég brunaði beint upp í umboð þar sem einhver fermingardrengur tók á móti mér. Hann gerði sér ekki nokkra grein fyrir alvarleika málsins. Glennti bara upp galtómar glyrnurnar og spurði eins og hálfviti hvort ég hafi verið að fyll´ann !!! Eins og ég færi að birgja mig upp af bensíni - Ég ætti nú ekki annað eftir. Það var svo ekki fyrr en ég komst í samband við höfuðstövarnar í Japan sem hjólin fóru að snúast.”

Hitachi Kawazaki, hjá þróunarsviði Nizzan í Tokyo, segir málið litið mjög alvarlegum augum þar ytra. “Okkar helstu sérfræðingar klóra sér bara í höfðinu yfir þessu. Við skiljum ekki hvernig þetta á að geta gerst. Svo virðist sem peran í bensínljósinu hafi gefið sig. Það kemur okkur mjög á óvart því rannsóknir okkar hafa sýnt að líftíminn er gríðarlega langur ef mið er tekið af eðlilegum akstri. Raunar er líftími ljóssins mun lengri en bílsins. Svo virðist sem þessi ágæti Íslendingur hafi keyrt Micruna á bensínljósinu í meira en áratug. Það er eiginlega alveg með ólíkindum. Við gerðum aldrei ráð fyrir þessum möguleika og neyðumst því til að innkalla bílana. “ Hitachi segir að þetta mál eigi eftir að kasta rýrð á annars traust vörumerki. ”Við erum ekki að tala um hvaða bíl sem er hérna, þetta er fokkings bíll ársins 1996!!!”

Kristján segist alls ekki geta sætt sig við þessar málalyktir. “þetta eru hrein og klár vörusvik. Maður kaupir verðlaunabíl í góðri trú, nostrar við hann dag og nótt en kemst svo bara að því að maður hefur verið hafður að fífli. Ég mun leita réttar míns fyrir dómstólum. Það er alveg klárt mál. Fer fram á að fá allt greitt upp í topp, 21.235 krónur takk fyrir!! Það er svo fyrir utan allt hitt vesenið. Ég meina……. hvar í andskotanum á ég nú að geyma golfsettið?????

Una Guðrún gerir upp árin í Freestyle

2010-01-22T13:45:00.004Z

Vestfirska forlagið gaf út fjölmargar bækur fyrir síðustu jól eins og endranær. Ein þeirra bóka sem ekki fór mikið fyrir í jólabókaflóðinu var bókin: "Árin í Freestyle" eftir Unu Guðrúnu Einarsdóttur og var gefin út af Vestfirska forlaginu. Í bókinni gerir Una upp árin í Freestyle danskeppni Tónabæjar á fyrri hluta tíunda áratugar síðustu aldar. Una myndaði þá frægt danstríó í Grunnskóla Bolungarvíkur ásamt Ernu Jónsdóttur og Maríu Friðgerði Bjarnadóttur. Voru þær afar sigursælar í undankeppnum vestur á fjörðum árum saman en tókst þó aldrei að sigra í lokakeppninni í Tónabæ þrátt fyrir nokkrar heiðarlegar tilraunir.

"Við vorum kannski full framúrstefnulegar í búningavali sem dæmi. Eitt árið mættum við í sjógalla að hluta en það vissi bara enginn í Tónabæ hvað þetta var. Við vorum náttúrlega upplýstar ungar konur og vildum vera í tengslum við lífæðina í plássinu en skilaboðin náðu bara ekki í gegn fyrir sunnan. Annars hefðum við pottþétt unnið enda fundum við upp mörg spor sem síðar hafa orð fræg eins og til dæmis tvöfalda hliðarsporið," segir Una í bókinni. Hún segir velgengnina í Freestyle ekki hafa breytt sér þó freistingar sé að finna á hverju strái í hinu ljúfa lífi Tónabæjar. Una hvetur ungt fólk til þess að taka þátt í keppninni en gæta sín á að vera ekki með sjávarútvegsþema í búningavali. Þess má til gamans geta að Una mun árita bókina á Þorrablóti Bolvíkingafélagsins í Reykjavík á næstu helgi.

Myndatexti: Á myndinni eru Una, Erna og María á gullaldarárum sínum í Freestyle ásamt Rúnari Vífilssyni, þáverandi skólastjóra í Bolungarvík.

Maður á fertugsaldri át á sig gat

2009-12-24T21:42:00.003Z

Stendur á gati: Þorgeir var furðu hress þrátt fyrir óhappið, enda töluvert við skál, sem hann sagði vera vestfirzkan jólasið. Sjá má í vegginn aftan við Þorgeir, í gegnum maga hans. Þorgeir gat hinsvegar enga skýringu gefið á því, hvers vegna hann var klæddur eins og Mr. Bean.

Þorgeir Jónsson (33) verslunarmaður og átvagl búsettur í Fossvogi, gerði sér lítið fyrir og át á sig gat, í bókstaflegri merkingu, er hann snæddi jólasteikina fyrr í kvöld, ásamt fjölskyldu sinni.

Þorgeir, sem þjáðst hefur af vannæringu í mörg ár, át allt sem hönd á festi þegar jólasteikin var á borð borin, um sex- leitið í kvöld.

Gatið sem Þorgeir borðaði á sig, er staðsett á kvið hans og er á stærð við fótbolta, en líkami Þorgeirs virðist þó starfa eðlilega, þó svo maginn, miltað og annað nýrað, sé horfið með öllu.

"Þetta er alveg ótrúlegt sko, ég hélt að þetta væri bara svona orðatiltæki, sem notað var um menn sem borðuðu yfir sig, en ég bjóst aldrei við að lenda í þessu sjálfur. Ég er búinn að vera svoooo svangur í öll þessi ár, en ákvað að kýla bara á það núna og borða almennilega. Ég hinsvegar gjörsamlega sprakk þegar ég fékk mér ábótina af heimalagaða rjómaísnum, og eftir stóð bara gat. Ég efast nú um að ég leggi í hangikjötið á morgun," sagði Þorgeir flissandi við blaðamann VSP nú undir kvöld.

Í kjölfar atviksins vill landlæknir árétta að hófsemi beri að gæta í þeirri neyslu sem nú ber að höndum á þessum tíma árs.

Milljarðamæringur byggir sumarbústað

2009-12-03T21:57:00.004Z

Óvenju gestkvæmt var þegar ljósmyndara VSP bar að garði í gær.

Lottóvinningshafinn Kristján "Lýður Oddson" Jónatansson, hefur nú lokið við byggingu sumarbústaðar síns við Svínavatn, en bústaðurinn var reistur á friðuðu landi, sem telur samtals 30.000 ferkílómetra, en bústaðurinn er sjálfur um 4000 fermetrar.

Bústaðurinn, sem nefndur hefur verið "Ástarhofið" er jólagjöf Kristjáns, og tákn um hina miklu ást er hann ber til eiginkonu sinnar, Þorbjargar, sem sá alfarið um hönnun bústaðarins, enda starfaði hún um tíma sem aðal-gluggaútstillari Einarsbúðar í Bolungarvík á níunda-og tíunda áratugnum. Þá á hún alla Innlit/Útlit þættina á DVD og hefur baðherbergi hennar komist á síður Húss & Híbýlis.

Bústaðurinn er allur hinn glæsilegasti og var hvergi til sparað í lúxus. Hann telur 30 svefnherbergi, 15 baðherbergi, og þrenn eldhús. Auk þess er lyftingar-og æfingarsalur, tveir fundarsalir, bókasafn, og lítil 10-11 verslun, ef ske kynni að hjónakornunum skyldi vanta eitthvað. Þá er þar einnig knattspyrnuvöllur í fullri stærð, hvar Breiðablik mun spila heimaleiki sína í framtíðinni.

Ekki er vitað með hvaða hætti Þorbjörg hyggst endurgjalda Kristjáni ástarjólagjöfina, en gárungar segja að hún prjóni nú lopapeysu á mann sinn sem óð væri.

Örvhentur hnitspilari sigrast á eyrnablæti

2009-11-30T22:40:00.005Z

Hnitkempan Orri Örn Árnason (19 ára) virðist loks hafa sigrast á þrálátu eyrnablæti sem hefur þjakað hann um árabil og sett mark sitt á fremur skrikkjóttan íþróttaferil. Eins og lesendur VSP muna, þá rakti Orri raunir sínar í afar hjartnæmu en þokukenndu viðtali við blaðamann VSP í byrjun árs 2006. Blygðunarlausar lýsingar Orra, á þessu lítt þekta vandamáli, vöktu samstundis heimsathygli og fór mynd af Orra í essinu sínu, sem eldur í sinu um veraldarvefinn.

“Me líðr einso nýslenum túsgildng”, sagði Orri, betur þekktur sem Broddi Badminton, í þvoglumæltu samtali við blaðamann nú síðdegis. “Þett hefr allta verð vesn”.

Ellert B. Schram, æskufélagi Orra, hefur staðið dyggilega við bakið á vini sínum í baráttunni og hann segir þetta mikinn létti. “Þetta er hans stærsti sigur á ferlinum, og þá eru öll hnitafrekin meðtalin. Ég vona bara að hann Orri minn geti orðið öðrum sem þjást af sneplagirnd að liði. Það væri stærsti sigurinn.” Sagði Ellert og horfði landsföðurslega til himins. Orri bætir því við að nú fari bjartir tímar í hönd enda staðráðinn í að byrja að æfa aftur “é e a sjálsöu búna skrá mi á næsda ísslassmót. Nú kemuredda og ekkett helvts kjattæi!

Orri er ókvæntur, barnlaus og heldur með Tottenham.

"Ég drekk ekki einu sinni kampavín"

2009-11-09T15:56:00.004Z

Skemmtanalíf Guðmundar Gunnarssonar, starfsnema hjá utanríkisþjónustu Íslands í Sviss, hefur verið í brennidepli undanfarna daga. Forsaga málsins er sú að Guðmundur mun hafa eytt 3,2 milljónum íslenskra króna í gleðikonur og brennivín þegar hann skaust yfir til Zürich, til þess að "sitja ráðstefnu", frá Genf þar sem hann hefur aðsetur. Guðmundur notaði hins vegar ekki bara kreditkort frá Sparisjóði Bolungarvíkur heldur einnig kreditkort frá Utanríkisráðuneytinu. Ýmsir hafa sent Guðmundi pillur í fjölmiðlum vegna þessa, þar á meðal stjórn Femínistafélagsins. Össur Skarphéðinsson, utanríkisráðherra og glæsilegur fulltrúi stoltrar þjóðar á erlendum vettfangi, sagðist í samtali við VSP vera sleginn vegna málsins: "Það er með ólíkindum hvað þessi maður getur innbyrgt af áfengi og kynmökum á einni kvöldstund. Það verður að viðurkennast en ég vissi hreinlega ekki að 3 mánaða starfsnemar mættu valsa um með kreditkort frá ráðuneytinu. Mér var bara ekki kunnugt um það, enda var ég umrædda helgi á aðalfundi Músavinafélagsins þar sem Maggi bróðir er formaður," sagði Össur Skarphéðinsson.

Guðmundur hefur nú tjáð sig um málið við DV og segir Svisslendinga hafa leikið á sig: "Ég er algjörlega saklaus, það er alveg á hreinu. Af minni hálfu fóru þessi viðskipti ekki fram heldur var kortið misnotað. Ég hef ekki verið að stunda svona staði, þekki ekkert hvað þar fer fram og drekk ekki einu sinni kampavín," sagði Guðmundur og bætti því við að hann yrði svo timbraður af kampavíni en síðdegisþynnka Guðmundur er fræg víða um lönd.

Myndatexti: Guðmundur mun hafa haldið hressilegt partý á hótelherbergi sínu í Zürich þar sem þessi mynd var tekin. Eins og sjá má hefur talsvert magn áfengis verið haft um hönd og Guðmundur virðist vera að vista myndir og myndbönd af athöfninni inn á fartölvu sína.

Metrósexúal-menn fá uppreisn æru

2009-10-30T00:29:00.004Z

Trausti í góðum félagsskap klukkan 2:45. Sérlega eftirtekt vekur, að skjannahvítar tennur hans eru í algerum stíl við hvítan bolinn.

Trausti Salvar Kristjánsson, formaður Metrósexúalfélags Íslands, hefur lýst yfir ánægju sinni með þá ákvörðun Lystar Ehf um að hætta reksti McDonalds á Íslandi, og taka í stað þess upp nafnið Metro á veitingarstöðum sínum, eins og komið hefur fram í fréttum.

Trausti segir það löngu tímabært að svokallaðir metró-menn njóti sömu mannréttinda og aðrir í þjóðfélaginu.

„Árum saman höfum við mátt þola hverskyns kúgun og fordóma í okkar garð. Við erum uppnefndir á götum úti og fólk glápir á okkur með vanþóknunarsvip, líkt og við séum útrásarvíkingar, femínistar, eða eitthvað þaðan af verra. Þá er gert grín að okkur fyrir að nota rakakrem og klæðast aðskornum fötum í stíl. Enn höfum við ekki fengið okkar eigin klefa í sundlaugum þessa lands, og enn þykir það feimnismál að kaupa sér „Do it yourself“ pungaháravax í apóteki. En nú hefur orðið bylting í réttindarbaráttu okkar með opnun þriggja nýrra staða, þar sem aðeins metrómenn fá afgreiðslu. Aldrei aftur þurfum við að horfa upp á akfeita, sveitta, ósamstæða og illa klædda menn borða á sama stað og við,“ sagði Trausti í óaðfinnanlegum GK-jakkafötum sínum við blaðamann VSP í gær.

Trausti segir baráttunni þó hvergi nærri lokið hjá samtökunum. Hann segir brýna þörf á að fá Egils Kristal í alla krana landsins, ljósabekki á öll heimili, og að verð á rakakremum verði niðurgreitt af sveitarfélögunum.

Segir Trausti góðar líkur á að kröfum sínum verði framfylgt, nú þegar Árni Páll Árnason, fulltrúi samtakanna í ríkisstjórn, sé orðinn félags- og tryggingamálaráðherra.

Kristján ekki með í Skaupinu

2009-10-28T20:06:00.004Z

Sá kvittur hefur komist á kreik að enn eitt árið muni Ríkissjónvarpið sniðganga Kristján Jónsson frá Bolungarvík og ráða einhvern mann að sunnan til þess að leika Egil Helgason í Áramótaskaupinu.

Kristján og Egill hafa um árabil þótt sláandi líkir, bæði í útliti og háttum. Báðir skarta þeir gullslegnum hrokkinmakka, sofa út á mánudögum og blogga fullir. Þar að auki kenna þeir sig báðir við málma; Egill gerir út á silfur á meðan Kristján einbeitir sér að bolvísku stáli.

“Ég er alveg hoppandi illur yfir þessu” sagði Kristján þegar blaðamaður VSP náði loks sambandi við hann laust upp úr miðnætti. “Maður vaknar bara upp eitt kvöldið og viti menn, það er bara búið að ganga frá þessu! Mér er sagt að það eigi að fá rakettufíflið úr Spaugstofunni í þetta enn eitt árið. Manninn sem setur bara á sig ljósa hárkollu og heldur svo áfram að leika Davíð! Maður skilur bara ekki svona vinnubrögð og það er alveg á mörkunum að maður nenni að standa í þessu lengur. Hættu svo að hringja í mig, ég er nefnilega að verða strauml……………….”.

Samkvæmt heimildum VSP hefur skapast talsverð ólga í fæðingarbæ Kristáns vegna málsins. “Það verður steypt upp í rassgatið á þessum helv$&$#$ Þórhalli Gunnarssyni ef hann lætur sjá sig hérna fyrir vestan." Sagði Hagbarður Marinósson í snubbóttu samtali við VSP. “Það væri nær að snúa þessu við og láta þessa hlandhærðu kjaftaskjóðu leika Stjána. Silfrið kemst ekki með tærnar þar sem Stálið hefur hælana, og steinhaldiði svo kjafti!!

Hvorki náðist í Egil Helgason né Þórhall Gunnarsson við vinnslu þessarar fréttar.

Orri heimsmeistari örvhentra

2009-10-21T01:21:00.005Z

Orri Örn Árnason tryggði sér um helgina heimsmeistaratitilinn í einliðaleik karla á Heimsmeistaramóti örvhentra á Spáni. Orri mætti Dananum Kim Brodersen í úrslitum en fyrir mótið var Brodersen talinn sigurstranglegastur. Brodersen vann fyrstu lotuna 13-21 en Orri jafnaði 21-15 og tryggði sér síðan gullið með 21-14 sigri í oddalotunni. Því miður eru ekki til myndir af úrslitaviðureigninni en þetta myndband náðist af Orra á öryggismyndavél morguninn eftir að sigurinn var í höfn.

Stefán segir sig úr Taflfélagi Bolungarvíkur

2009-10-12T20:12:00.004Z

Stefán Andrésson Arnalds hefur sent frá sér tilkynningu þar sem hann segir sig úr Taflfélagi Bolungarvíkur. Frá þessu er greint á vefnum www.skak.is. Í tilkynningunni segir meðal annars: "Gummi bróðir er bara farinn að taka þetta allt of alvarlega eftir að hann varð formaður TB. Hann er nú farinn að banna mönnum að djamma. Það var aldrei rætt um neitt slíkt þegar við vorum að rífa upp starfið. Það er bara komið út í eitthvað rugl. Ég er það ungur að árum að ég get ekki hætt öll djammi fyrir skákina." Samkvæmt heimildum Sleikipinnavefjarins hefur Brynjar Kristjánsson tekið tíðindunum fagnandi og mun nú þegar vera búinn að bóka þá félaga á næstu Þjóðhátíð.

Krónprinsinn hlaut ekki kjörgengi

2009-10-04T21:42:00.003Z

Sú staðreynd að Sigurvin er nauðalíkur Árna Svavarssyni, föður Orra Arnar, er ekki talin hafa haft áhrif á úrslit kosninganna. Hinsvegar er myndin að ofanverðu ekki talin hafa hjálpað Sigurvin í kosningabaráttunni.

Sigurvin Guðmundsson, tiltölulega ungur jafnaðarmaður, lenti í síðasta sæti í formannskjöri ungra jafnaðarmanna sem haldið var á landsþingi UJ í gær, en sigur úr býtum hlaut Pind Dagný Pind Ósk Pind Aradóttir Pind.

Að sögn Sigurvins voru úrslitin honum mikil vonbrigði, en hann var talinn næsti krónprins Samfylkingarinnar í mjög þröngum hópi fólks, sem jafnan kennir sig við róttækari arm hreyfingarinnar.

"Þó svo að allir fuglar nái ekki hæstu hæðum, hætta þeir aldrei að kvaka. Bílstjórinn heldur alltaf áfram þó svo hann fái sekt frá löggunni. Bandaríkjastjórn stóð að baki 9/11 en það er ekki hægt að kenna Sjálfstæðisflokknum um allt. Ég sé misrétti í mörgu, en margt sér misrétti í mér," sagði Sigurvin meðal annars í eilítið ruglingslegri yfirlýsingu þegar úrslitin lágu fyrir.

Að sögn kosningastjóra Sigurvins, var það aldur hans og kyn sem gerði útslagið.

"Sigurvin reyndist bara ekki nógu ungur þegar á hólminn var komið. og svo er hann auðvitað ekki kona, en þær þykja mun jafnari en aðrir frambjóðendur, bæði í Samfylkingunni, og UJ. Annars samsvarar Sigurvin sér mjög vel, er jafnhentur og mjög jafn á alla kanta, en hann reyndist bara ekki jafn jafn og Pindin."

Að lokum vildi Sigurvin koma því að að hann langaði rosalega mikið í negrakossa. Er það ekki talið eiga neitt skylt við fréttina.

Eineygður erindreki kemur úr skápnum

2009-10-02T19:22:00.004Z

Guðmundur og Pierre alsælir. Þeir hafa afráðið að prófa 69 aldrei aftur.

Guðmundur G. Túttan, sérlegur erindreki utanríkisþjónustu Íslands í Genf, kom mörgum í opna skjöldu um síðustu helgi, þegar hann kom út úr skápnum eins og það er kallað, og játaði samkynhneigð sína fyrir gestum og gangandi.

Guðmundur (42) hefur að eigin sögn lengi reynt að fela þessa fötlun sína fyrir almenningi, en á stundum mátti muna litlu að leyndarmálið uppgötvaðist, segir Guðmundur í hjartnæmu viðtali við Diplo, tímariti skrifstofublóka ráðuneytisins.

"Ár mín sem flugfreyja hjá Atlanta og Iberia voru þau skemmtilegustu í lífi mínu, því þar gat ég verið ég sjálfur. Ég gat farið í handsnyrtingu án þess að nokkur gerði athugasemd við það, og bar ávallt við starfi mínu, þar sem snyrtimennska var í fyrirrúmi. Að vísu held ég að Trausta vini mínum hafi grunað eitthvað, þegar ég dró hann í útreiðatúr í Mosfellssveit eftir Þjóðhátíð, hvar einungis samkynhneigt fólk var samankomið. Ég held að það hafi verið í eina skiptið sem honum var ekki umhugað um hárgreiðsluna," sagði Guðmundur.

Guðmundur missti augað í hræðilegu harðkjarna-hommaklámsatriði við upptökur á erótísku heimamyndbandi með elskhuga sínum, Pierre í fyrravetur. Bera þeir því báðir lepp fyrir auga.

Sagði ekki skoðun sína

2009-10-02T18:41:00.004Z

Gylfi var valinn "Dúllubossarasskat ársins 2005", meðan hann starfaði sem fyrirsæta á Akureyri.

Gylfi Ólafsson, verðandi aðalhagfræðingur Seðlabanka Svíþjóðar, sagði ekki skoðun sína á Icesave-málinu í kokteilboði sem haldið var í heimahúsi í Stokkhólmi í gær, hvar Gylfi var gestur ásamt maka sínum. Er málið litið alvarlegum augum af Frjálshyggjufélaginu, hvar Gylfi er meðlimur.

Er þetta talið í fyrsta skipti sem Gylfi tekur ekki þátt í umræðum um þjóðmál, dægurmál, eða önnur mál í slíkum selskap, en Gylfi þykir allajafna blóðheitur og öfgasinnaður hægrimaður.

Í kokteilboðinu beindist umræðan að Icesave-málinu og ábyrgð íslendinga á því. Vék Gylfi sér þá undan í flæmingi, og breytti um umræðuefni við blásaklausan Norðmann, sem rétt áður hafði þurft að ná sér í meiri bjór. Hófu þeir tal um enska boltann, hvar Gylfi hélt sér merkilega lengi inn í umræðunni, áður en hann gafst upp og byrjaði að dansa tangó, vel við skál.

Þessi breytta atferlishegðun Gylfa er ættingjum og vinum Gylfa áhyggjuefni, því bara í síðustu viku tók hann upp á því að klæðast hvorki vesti né skyrtupeysu, og þónokkuð er síðan hann bar þverslaufu síðast. Þá hefur Gylfi ekki sést í tíglamunstri síðan í mars, og áhyggjur ástvina Gylfa því skiljanlegar.

Vill opinskáa umræðu um kantskurð karlmanna

2009-09-30T07:16:00.009Z

Gjörningaskáldið Trausti Zalvar hefur skorið upp herör gegn því sem, að hans sögn, er ein alvarlegasta sálarklemma nútímamannsins. Hann segist ekki geta setið aðgerðalaus lengur, vitandi hve margir karlmenn trassi það að raka sig að neðan.

Frumkvöðull Shaving Iceland bauð blaðamönnum upp á öl í tilefni dagsins

“Það er orðið tímabært að opna lýðræðislega umræðu um þetta." Sagði Trausti að loknum fjölmennum blaðamannafundi á Kringlukránni. “Það er hreint og beint sláandi hve margir kynbræður mínir vanrækja sínar sjálfsögðu rakstursskyldur. Ég hef því ákveðið að blása til sérstakrar herferðar. Hana kalla ég einfaldlega SHAVING ICELAND. Nú ákalla ég þrifalega þjóð og bið hana að berjast með mér.” Trausti segist hafa talað fyrir daufum eyrum kynbræðra sinna um árabil. Þeir neiti að horfast í augu við staðreyndir. “Ég hef margoft reynt að ræða þetta við samferðamenn mína, til dæmis í almenningssturtum og búningsherbergjum. Þetta er bara svo mikið feimnismál að jafnvel hörðustu naglar fara allir í kerfi og forðast að ræða þetta.” Segir Trausti og hallar sér fram á borðið.

“Eitt sinn króaði ég kirkjusmiðinn, Jón Steinar Guðmundsson, af í sturtunni í sundlaug Bolungarvíkur. Ég spurði hann af hverju í ósköpunum hann hirti ekki betur um sig neðanverðan. Hann varð hinn vandræðalegasti og strunsaði á braut. Þá bauð ég honum aðstoð við fyrsta raksturinn, enda er kunnáttuleysi oft helsta hindrunin. Hann kunni mér nú ekki miklar þakkir blessaður. Þusaði eitthvað um byssuleyfið sitt og sársaukafulla ristilspeglun sem hann væri tilbúin til þess framkvæma á mér ef ég reyndi að nálgast náran á honum. Þetta sýnir bara hvað menn geta verið viðkvæmir fyrir þessu. En ég veit nú líka sem er, að það er dropinn sem holar steininn í þessu”

Trausti segir margt á döfinni hjá nýstofnuðum samtökum SHAVING ICELAND. Samnefnt veggspjald herferðarinnar verður til að mynda hengt upp í öllum betri verslunum en það skartar andlitum þekktra íslendinga. “Þarna eru menn eins og Jóhannes í Bónus, Arnar Grant, Pétur Magg og Atli Eðvalds, að ógleymdum félagsmálaráðherranum okkar.” Segir Trausti. “Þetta er kjarninn í félagsskap sem kallar sig Kantskurðsherinn. Menn sem eru stoltir af sínum snjáðu snáðum og vilja hvetja kynbræður sína til dáða og ljá góðum málstað lið.”

Undir myndunum gefur svo að líta slagorð herferðarinnar “Upp með sköfuna! burt með brúskinn!”

Kristján gefur göngunum nafn

2009-09-28T12:12:00.004Z

Pálína stendur við gangamunann Bolungarvíkurmegin, eða Pálínumegin.

Kristján Jónsson, hinn nýji og umdeildi ritstjóri Morgunblaðsins, hefur ákveðið að höggva á þann gordíonshnút sem kominn er upp er varðar nafngift gangna þeirra sem bráðum opna milli Hnífsdals og Bolungarvíkur. Sumir vilja að göngin heiti Óshlíðargöng og aðrir Bolungarvíkurgöng, en Kristján er þessu ósammála.

„Já, ég lagðist undir feld meðan ég var að bíða eftir að Óli Stef hreinsaði út af skrifstofunni sinni. Margar hugmyndir komu upp, eins og til dæmis JFE-göngin, Einarsgöngin og Djúpgöngin, allt nafngiftir sem skýra sig sjálfar. En svo rifjaðist upp fyrir mér forsaga málsins, “ sagði Kristján í viðtali við blaðamann VSP.

„Göngin hefðu náttúrulega aldrei verið grafin nema Pálína Vagnsdóttir hefði farið í kaffi, svo ég legg hér með til að göngin verði kölluð Pálínugöngin,“ sagði Kristján og bætti við:

„Pálína á veg og vanda að greftri ganganna og svo eru ákveðin líkindi með Pálínu og göngunum. Göngin eru náttúrulega djúp, dimm og hlý. Og þegar yfir lýkur munu margir hafa farið í þau.“

Það var Gylfi "R." Ólafsson, fréttaritari VSP í Svíþjóð, sem skrifaði frá Stokkhólmi.

Polanski framseldur til Íslands?

2009-09-27T17:50:00.006Z

Árni Svavarsson, teppahreinsir, kvikmyndaáhugamaður, og nýkjörinn formaður RJF-samtakanna, sem tóku upp málstað Keiko, Arons Pálma og Bobby Fischers á sínum tíma, berst nú harðlega fyrir því, að pólski leikstjórinn Roman Polanski fái athvarf hér á landi, en leikstjórinn góðkunni var handtekinn af lögreglu í Sviss á dögunum.

Bandaríska dómsmálaráðuneytið gaf út handtökuskipun á hendur Polanski árið 1978 fyrir að beita 13 ára stúlku kynferðislegu ofbeldi og að sögn embættismanna í Sviss, stendur til að framselja Polanski til Bandaríkjanna.

"Ja sko, ef þeir vilja selja, þá erum við til í að kaupa hann. Þetta er bara spurning að bjóða betur en bandaríkjamennirnir. Enda höfum við miklu meiri not fyrir Polanski en þeir. Að fá svo virtan leikstjóra hingað til lands yrði frábært tækifæri fyrir íslenska kvikmyndagerð. Þá er ég handviss um að Polanski vilji frekar koma hingað, enda eru kynferðisglæpir ekki teknir sérstaklega alvarlega af dómstólum hér á landi. Má því segja að við séum að slá tvær flugur í einu höggi," sagði Árni.

Polanski hefur leikstýrt fjölda frægra kvikmynda, á borð við Rosemary´s Baby, Chinatown, og The Pianist, sem hann fékk Óskarinn fyrir árið 2002.

Ekki náðist í Polanski við vinnslu fréttarinnar.

Kristján ráðinn ritstjóri Morgunblaðsins

2009-09-18T16:12:00.004Z

Kristján Jónsson, rithöfundur, hefur verið ráðinn ritstjóri Morgunblaðsins í stað Ólafs Ztephensen, sem lét af störfum í dag. Óskar Magnússon, útgefandi Morgunblaðsins, tilkynnti þetta á blaðamannafundi á föstudag.

Kristján er 32 ára langskólagenginn stjórnmálafræðingur og kemur frá Bolungarvík. Hann þykir beittur penni og hefur unnið ýmis trúnaðarstörf fyrir Sjálfstæðisflokkinn, en hann er talinn til Davíðs-arms íhaldsins, þveröfugt við Ólaf Ztephensen, sem var handbendi Djöfulsins. Þykir ráðning Kristjáns því vera afturhvarf til fyrri tíma, er Styrmir Gunnarsson réð ríkjum.

"Ég mun koma til með að leggja mezta áherzlu á enzka boltann, þar zem Manchezter United verður leiðandi í fréttum blaðzinz. Þá mun verða lögð meiri áherzla á pólitízka rangzýni, enda hefur sú réttzýna tröllriðið öllu að undanförnu. Menningarhlutinn mun einblína ítarlega á feril nokkurra snjölluztu og áztzælustu tónliztarmanna Ízlandz, þeirra Gylfa Ægissonar, Herbertz Guðmundzzonar, Stefánz í Lúdó, Ace of Base og auðvitað Alice Cooper. Þá mun frændi minn Trauzti Zalvar vera með daglegt limruhorn og Gylfi Ólafsson, erfðaprins frjálshyggjunnar á Ízlandi, mun verða mér innan handar í leiðurum og Stakzteinum," sagði Kristján við blaðamann VSP eftir fundinn, en líkt og fylgir starfslýsingu ritstjóra blaðsins hefur Kristján ekki einungis tekið upp zetuna í rithætti sínum, heldur einnig í málfari.

Ekki voru þó allir starfsmenn Morgunblaðsins sáttir við ráðninguna.

"Nýr maður, sama hárið," sagði Víðir Sigurðsson, yfirmaður íþróttadeildar. "Mig grunar að Kristján verði lítið á staðnum sem ritstjóri. Ef marka má "veru" hans hjá okkur hér á íþróttadeildinni, hvar hann hóf "störf" árið 1998, þá grunar mig að hann eigi eftir að eyða lunganum úr vinnudeginum á golfvellinum, með Sigurði Elvari," sagði Víðir bitur.

Þá hefur Kolbrún Bergþórsdóttir, menningarfrömuður, sagt upp störfum í kjölfar ráðningu Kristjáns. "Það er alveg ljóst að ég get ekki unnið með manni sem finnst Sverrir Stormsker vera hámenning."

Glæsimenni í hár saman

2009-09-12T20:06:00.007Z

Samfylkingarkrúttið Dagur Bjé Eggertz og gjörningaskáldið Trausti Zalvar hafa hafið makaðssetningu á nýrri hárvörulínu fyrir karlmenn. Fyrstu túpurnar af GLANZ geli eru væntanlegar í verslanir á næstu dögum.

Þessir kunnu tákngervingar kynþokkans segja að samstarfið hafi eiginlega hafist fyrir tilviljun. “Við unnum saman á kosningaskrifstofu Samfylkingarinnar í fyrra” útskýrir Dagur. “Trausti kom að máli við mig á kaffistofunni og spurði hvaða gel ég notaði. Ég sagðist blanda mitt gel sjálfur og þá kom í ljós að við höfðum báðir átt erfitt með að finna gel sem fer vel með brjálæðislega heilbrigt hár." Trausti segist lengi hafa haft áhuga á nýstárlegri vöruþróun ”Ég hafði til dæmis prófað mig áfram með matarolíu og lakk en ekki alveg dottið niður á réttu blönduna fyrir hárið”. Hann segir þá Dag eiginlega hafa fallist í faðma á staðnum. “Þetta var eins og trúarleg upplifun. Það er svo sjaldgæft að finna svona hreinan samhljóm með annarri sál. Við höfðum auðvitað tekið eftir hári hvors annars en þetta var einhvernveginn svo rétt”. “Áður en við vissum af vorum við farnir að loka okkur inni á baðherberginu heima, með handklæði á öxlunum, að prófa okkur áfram með hráefni. Við sváfum ekki í marga mánði” segir Dagur og glottir til samstarfsfélagans.

Þeir GLANZ félagar segja það ekkert leyndarmál að höfuðkeppinautar GLANZ verði silfurstrákarnir Logi Geirsson og Björgvin Gústafsson. En gelið þeirra, Zilver, kom á markað fyrir fáeinum vikum. Trausti segist ekki óttast þá samkeppni. “Við vitum að okkar vara er betri. Ég meina, hvort myndir þú kaupa gel af okkur Degi eða þessum treggáfuðu handboltastrákum sem eru að reyna að fá fólk til þess að setja handboltaklístur í hárið á sér? Ég meina, horfðu bara á okkur! Við vitum hvað við erum að tala um.” Þeir félagar segjast frekar horfa til þess hvernig annað karlkyns tvíeyki stóð að sinni markaðssetningu. “Sterasúkkulaðið sem Arnar Grant og.....þarna....blindi útvarpsmaðurinn gerðu, það var sjúklega kúl. Við erum meira á þeirri línu.”

Trausti blygðast sín

2009-09-09T20:17:00.002Z

Gylfi R. Ólafsson fréttaritari Sleikipinnavefjarins í Madrid hefur sent okkur glóðvolga frétt frá Spáni:

Sá fáheyrði atburður átti sér stað nýverið að Trausti Salvar Kristjánsson blygðaðist sín. „Já, er þetta ekki kallað að særa blygðunarkennd? Allavega, mér fannst satt að segja nóg um“ sagði Trausti í samtali við VSP.

Trausti fór í félagi við vini sína og dóttur að horfa á kvikmyndina Brüno þar sem ýmislegt gengur á. Tók þó steininn úr þegar þvagrás var látin tala og syngja. Trausti hefur marga fjöruna sopið þegar kemur að kynferðis- og feimnismálum en var nóg um þegar þarna var komið sögu.

„Ég held ég hafi bara ekki lent í öðru eins. Mér finnst það hefði átt að mæða (blörra) myndina þarna eða banna hana innan átján eða eitthvað. Ég var með hana dóttur mína með mér og hún fór að háskæla.“

Trausti hefur ákveðið að einbeita sér að Disneymyndum næstu mánuði á meðan blygðunarkenndin jafnar sig. Matthildur Thalía fær ekki að fara í bíó á næstunni.

„Nema, ég þarf náttúrulega að kynna hana fyrir túgörlsvonnköpp. Það er hverju barni hollt. Þegar ég er búinn að því er hún komin í algjört bíóbindindi,“ sagði Trausti að lokum.

Brúnkukremi slett á hús félagsmálaráðherra

2009-09-07T01:19:00.002Z

Brúnkukremi var slett á hús félagsmálaráðherrans Árna Páls Árnasonar aðfaranótt sunnudagsins. Árni Páll sagði í samtali við Sleikipinnavefinn að þetta væri auðvitað bagalegt fyrir sig auk þess sem fullkomlega nothæft brúnkukrem hefði þarna farið fyrir lítið. Rannsókn málsins mun vera á frumstigi en böndin hafa einkum beinst að nokkrum eldheitum stuðningsmönnum borgarfulltrúans Dags Bergþórusonar Eggertssonar. Þeir Árni og Dagur börðust um varaformannsembættið í Samfylkingunni síðastliðinn vetur og stjórnmálaskýrendur telja ljóst að þeir muni keppast um formannsembættið í flokknum áður en langt um líður. Árni sagðist ekki vita fyrir víst hvort árásin væri komin úr herbúðum Dags: "Ef svo er hvernig á ég þá að svara því? Á ég að grýta hús Dags með krullujárni?"

Orri Örn svívirti Ölþingi

2009-08-26T22:09:00.007Z

Orri Örn á góðri stund með Kommúnistaávarpið, sem er hans uppáhaldsbók ásamt ævisögu Ellerts B. Schram.

Orri Örn Árnason, badmintonséní, byggingarverktæknisérfræðingur (smiður), kylfingur, og trúnaðarvinur Ellerts B. Schram, á yfir höfði sér kæru fyrir að villa á sér heimildir og það á hinu háa Alþingi Íslands, hvar Orri svívirti þingheim með því að stíga í pontu, kófdrukkinn, og úthúða Sjálfstæðisflokknum vegna Iceslave-málsins.

Orri, sem alla tíð hefur þurft að lifa með þeim mannlega harmleik að vera sláandi líkur Brodda Kristjánssyni badmintongoðsögn, Robert Prosinecki, knattspyrnumanni og Sigmundi Erni Rúnarssyni, tækifærissinna, sótti fyrr um kvöldið veislu í boði MP Fjárfestingarbanka, sem fyrr um daginn hélt golfmót, hvar Orri tók þátt. Þegar leið á veisluna hafði Orri fengið sér tvo bjóra, og var þá strax orðinn vel við skál, að sögn vitna.

,,Maðurinn er greinilega alger hænuhaus, því hann var farinn að slá um sig með ýktum afrekum sínum af golfvellinum, og endurtók í sífellu ' steddí 54, steddí 54'. Svo skildi maður varla orð af því sem hann sagði, því hann var orðinn svo þvoglumæltur," sagði einn ónafngreindur heimildarmaður VSP, sem sótti veisluna einnig.

Þegar leið á veisluna þótti Orra þjóðráð að láta ,,til sín taka á þingi" eins og hann sagði, og ók rakleitt niður á Alþingi, vel við skál. Komst hann við góðan leik upp í pontu, enda sláandi líkur Sigmundi Erni Rúnarssyni, Samfylkingunni.

Myndband af uppátæki Orra hefur farið sem eldur í sinu í bloggheimum, og hefur Sigmundur Ernir fengið fjölda áskorana um að segja af sér þingmennsku vegna málsins.

Uppátæki Orra mun þá kannski leiða eitthvað gott af sér, eftir allt saman.

Guðmundur Gunnarsson gerist sveitavargur

2009-07-24T17:59:00.005Z

Guðmundur vill verða alveg eins og Gísli Einars, og virðist langt kominn með það.

Eins og kunnugt er, þá hefur Guðmundur Gunnarsson, fjölmiðla- og fréttamaður RÚV, leyst af hinn landskunna Gísla Einarsson í júlímánuði, þar sem Gísli er í fríi í Austur Landeyjum. Hefur Guðmundur því gert fréttir sínar út frá Borgarnesi, hvar Gísli er búsettur.

Aukinheldur hefur Guðmundur fengið afnot af jeppabifreið Gísla og af því er virðist einkennisklæðnaði einnig, en síðan Guðmundur hóf störf í Borgarnesi, hefur hann ekki sést í öðru en gúmmískóm, grænni skyrtu, eða lopapeysu, sem ekki er aðeins einkennisklæðnaður Gísla, heldur Framsóknarmanna í strjálbýli upp til hópa.

Í ofanálag hefur Guðmundur tekið upp nafnið "Guðmundur Gúmmískór", en hann gengst einnig við styttingunni Gummi gúmmítútta, eða Gummitútta/Gummi Tútta. (Guðmundur hefur löngum verið heillaður af mjög stórum kvennmannsbrjóstum og er uppnefnið því skemmtilega tvírætt.)

Hefur Guðmundur tekið til þess ráðs að gefa öll sín "vestrænu, borgaralegu glyshommaföt" eins og hann orðaði það, til Rauða krossins, og mun að eigin sögn ekki láta sjá sig meðal fólks, nema hann sé annaðhvort í íslenskri lopa/ullarpeysu eða skandinavískum gúmmískóm.

Þá hefur Guðmundur einnig tekið ástfóstri við þriggja vetra ær, sem hann segir vera alveg nóg fyrir mann af sínu sauðahúsi.

Minningarstund til heiðurs Mikjáls

2009-06-27T14:52:00.006Z

Mikjáll í hlutverki sínu í kvikmyndinni Apaplánetunni

Minningarstund til heiðurs Mikjáls Jónssonar, öfugugga og umbreytings,verður haldin í kvöld, en Mikjáll lést á sviplegan hátt í fyrradag, er hann hrasaði um nakin níu ára strák við framkvæmd hinnar margfrægu "tunglgöngu," dansatriðis sem hann hefur gert ódauðlegt og vísindamenn geta enn ekki útskýrt með hjálp eðlisfræðinnar.

Mikjáll, sem þekktur var fyrir að missa andlitið, gjaldaði líku líkt með dauða sínum í fyrradag, enda kom dánarfregn hans mörgum mjög á óvart, þar sem konungur poppsins (Paul Newman er látinn) var holdgervingur hreystis og geislaði af heilbrigði, á líkama og sál.

Barnaníðingafélag Íslands harmaði dauða félaga síns í yfirlýsingu sem það sendi frá sér í gær.

"B.Í. hefur misst góðan félaga úr sínum röðum, en Mikjáll var einn helsti baráttumaður málsstaðar okkar og verður hans sárt saknað, enda einn besti "skaffarinn" í bransanum.

Knús og kossar, Steingrímur Njálsson."

Steingrímur leggur til að í stað einnar mínútu þagnar til heiðurs listamanninum, grípi fólk um klof sér á miðnætti í kvöld og öskri eins og smástelpa.

Benni Sig kærir kynferðislega áreitni

2009-06-25T17:37:00.003Z

Benedikt Sigurðsson, veðurathugunarmaður í Bolungarvík, hefur lagt fram kæru vegna kynferðislegrar áreitni á vinnustað. Samkvæmt heimildum Sleikipinnavefjarins liggur Fjóla Bjarnadóttir undir grun: "Þetta er náttúrulega fámennur vinnustaður og því mikilvægt að mórallinn sé góður," sagði Benedikt í hjartnæmu samtali við Sleikipinnavefinn. Hann vildi ekki tjá sig frekar um málið en sagði þó baráttu Ásdíar Auðunsdóttur starfsystur sinnar hafa hleypt í hann kjarki til þess að kæra. Veðurstofustjóri vildi ekki veita Sleikipinnavefnum viðtal þegar eftir því var leitað en hann mun vera þekktur fyrir seinleg viðbrögð.

Gekk berserksgang á beltagröfu

2009-06-19T19:53:00.005Z

Húsið að Hlíðarstræti 21, eftir að Orri hafði lokið sér af.

Orri Örn Árnason, þúsundþjalasmiður, badmintonhetja, og atvinnupókerspilari, gekk á dögunum í skrokk á einbýlishúsinu að Hlíðarstræti 21, Bolungarvík, sem er í eigu félaga hans og frænda, Jóns Steinars Guðmundssonar.

Forsaga málsins er sú, að Orri taldi sig eiga hönk upp á bakið á Jóni, þar sem hann taldi sig eiga inni hjá honum gamla ógreidda pókerskuld er hljóðar upp á 4500 krónur. Ætlaði Orri aðeins að minna Jón á skuldina, án þess að stofna þó til "leiðinda" og "handalögmála".

"Ja, við erum náttúrulega ágætis félagar, og auðvitað frændur. Þannig að ég vildi ekki vera með neitt of mikið vesen útaf þessu. Ég sé núna að þetta var kannski full dramatískt hjá mér, enda Jón tiltölulega nýbúinn að gera húsið upp á eigin spýtur, he he, fattarðu? Eigin spýtur? Hann er nefnilega smiður sko...!"

Orri sagðist þó ekki vera annað en fórnarlamb í málinu.

"Ja, eins og ástandið er í dag, þá getur maður kannski ekki annað en gert eitthvað slíkt. Ég meina, ég er atvinnulaus í dag og þarf að borga mínar skuldir. Þessi 4500 kall var nokkuð sem ég var búinn að stóla á að fá fyrir mánaðarmót, þannig að þetta er bara keðjuverkun sem leiðir til slíkra atvika, sem eru í raun táknræn fyrir kreppuna sem ríkir í dag. Ég er bara feginn að við stjórnvölinn er ábyrg ríkisstjórn sem er greinilega með allt sitt á hreinu, enda kaus ég Vinstri Græna, ekki bara til að fá hærri skatta, heldur að því að þeir vildu fara inn í ESB, sem er auðvitað hið eina rétta í stöðunni," sagði Orri hróðugur í samtali við blaðamann VSP.

Karl Berndsen kominn úr skápnum

2009-06-12T20:06:00.006Z

Karl (59) talar mjög bjagaða íslensku eftir margra ára dvöl erlendis,
líkt og lesa má úr líkamstjáningu hans á myndinni.

Það má með sanni segja að Karl Berndsen, kynvillingur, hafi komið aftan að þjóðinni í kvöld, þegar hann opinberaði öfuguggahátt sinn frammi fyrir alþjóð í Kastljósinu, en þar játti Karl því að hafa orðið "attaníossabakteríunni" að bráð, og það strax á unga aldri.

Karl, sem hefur þann starfa að hafa einu sinni greitt útbrunnum fyrirsætum, og telur nú akfeitum og ljótum konum í trú um að þær séu ekki alveg eins akfeitar og ljótar og þær í raun eru í þættinum Nýtt útlit á Skjá einum, hefur á ótrúlegan hátt tekist að leyna kynhneigð sinni í tugir ára, en í gær brustu allar flóðgáttir hjá Karli, sem á hjartnæman hátt stamaði út úr sér leyndarmálinu í tímamótaviðtali við rannsóknarblaðamanninn Ragnhildi Steinunni Jónsdóttur, en Karl kom ekki aðeins út úr skápnum, heldur útskýrði, í löngu máli, hvernig hann sigraðist á staminu, en ekki gefst tími til að útskýra það nánar hér.

Hommafrasar á borð við "mamma tók þessu rosalega dramatískt" og "ég þorði ekki að segja pabba frá þessu fyrr en hann var dáinn" fengu að hljóma í þessu þriggja vasaklúta viðtali, þar sem einnig var nokkuð um hommaþversagnir á borð við: "Ég elska kvenmannsbrjóst" og " ég ráðlegg öllum hommum að prófa konur".

Fann týnda tvíburasystur sína á Facebook

2009-06-08T11:55:00.005Z

T.H. Bergur Karlsson flytur stefnuræðu sína á ársþingi kranabílsstjóra 2008.

T.V Frú Jóhanna Sigurðardóttir tekur við viðurkenningu

frá Gunnari Birgissyni, fyrir að vera sætasta ljóskan
á Goldfinger, í 52. viku ársins 2006. Ungfrú Kazakstan
situr álengdar og fylgist með.

Bolvíkingurinn Bergur Karlsson, betur þekktur sem "Beggi Karls", datt heldur betur í lukkupottinn um helgina, þegar hann uppgötvaði sér til ómældrar gleði, að hann ætti áður óþekkta tvíburasystur. Vill svo skemmtilega til að hin löngum týnda systir er engin önnur en forsætisráðherra vor, frú Jóhanna Sigurðardóttir.

"Ég var bara að uppfæra statusinn minn á Facebook úr "Silfur Begga", í "Platínuljóskur skemmta sér betur", þegar ég sá að engin önnur en Jóhanna Sigurðardóttir var búin að "adda" mér sem vin. Ég auðvitað samþykkti hana strax, enda virtumst við eiga svo margt sameiginlegt. Höfum bæði verið hvíthærð síðan um tvítugt, erum jafnaðarmenn og auðvitað veik fyrir rauða litnum," sagði Beggi Karls, hvítur í vanga við Sleikipinnavefinn í gær.

Frú Jóhanna Sigurðardóttir var einnig ánægð með fundinn.

" Þessi fésbókarvefur er algjör snilld! Sérstaklega eftir að hann var þýddur yfir á íslensku, því áður var ég alveg úti að aka, skildi bara ekki neitt! En síðan sá ég myndina af Begga, og vissi strax að það væri eitthvað sérstakt við hann. Hvort það var rauða peysan eða hvað, veit ég ekki alveg, en síðan föttuðum við að við værum tvíburar. Svo erum við náttla bæði í björgunarsveit. Hann í björgunarsveitinni Erni, en ég er að bjarga íslenskum heimilum, með því að slá um þau gjaldbo...ég meina skjaldborg, he he he. Það er rosa gaman að vera búin að eignast lítinn bróður! Hann er líka svo krúttlegur, hann Beggi."

Í lokin má geta þess, að makar þeirra Begga og Jóhönnu, hafa stofnað samtökin Á gráu svæði, sem eru hjálparsamtök aðstandenda hvíthærðra. Vefsíða samtakanna er hvítterekkiskítt.is

Birgir leggur heilbrigðiseftirlitinu lið

2009-04-01T11:40:00.004Z

Birgir Olgeirsson, rannsóknarblaðamaður Bæjarins Besta, hefur slegist í för með Heilbrigðiseftirliti Vestfjarða í almennri herferð stofnunarinnar. Biggi mun fyrst og fremst beina sjónum sínum og eiturörvum að vágestum hjá opinberum stofnunum. Áhugi Birgis á aðstæðum á leikskólum hefur vakið nokkra athygli og spyrja menn sig hvort eitthvað persónulegt búi að baki. Birgir hefur aldrei gengist við því að eiga börn og borgar ekki með neinum börnum svo vitað sé. En kjaftakerlingar vestra hafa lengi talið að Birgir hafi eignast nokkur börn þegar rokkstjarna hans var sem hæst á himni eftir velgengni í Söngkeppni framhaldsskólanna hér um árið.

"Áhugi á fólki rekur mig áfram"

2009-03-26T15:13:00.003Z

Fjölmiðlafræðingurinn Guðmundur Gunnarsson hefur nú ákveðið að taka sér stutta pásu frá því að veita fjölmiðlum viðtöl og ætlar að nota tímann til þess að strita fyrir Unifem af sinni alkunnu ósérhlífni. Í yfirlýsingu sem Guðmundur sendi frá sér vegna þessa, segist kappinn alltaf hafa verið mikill áhugamaður um kvennasáttmála Sameinuðu þjóðanna. Vel fari á því að hann sé einn fyrsti karlmaðurinn sem starfi á vegum Unifem, því hann hafi einnig verið einn fyrsti karlmaðurinn sem starfaði sem flugfreyjumaður. Hafi í rauninni verið hársbreidd frá því að komast í sjónvarpsþættina um Heathrow flugvöll sem gerðu allt vitlaust á RÚV hér um árið. Loks segir í tilkynningunni að það sé áhugi á fólki sem reki Guðmund áfram í störfum sínum.

Nýjar aðferðir hjá Hagbarði

2009-03-25T00:37:00.003Z

Hagbarður Marínósson, útgerðarmaður í Bolungarvík, hefur að undanförnu verið að prófa sig áfram með veiðar á nýrri tegund sem hingað til hefur einfaldlega verið kölluð Coca Cola: "Þessi tegund hefur ekki verið sett í kvóta. Veiðarnar á þessari tegund eru því ótakmarkaðar," sagði Hagbarður stuttur í spunann enda á hraðferð þegar blaðamaður sleikipinnavefjarins reyndi að taka hann tali. Spurður um aflaverðmætið sagðist Hagbarður að það mætti vera betra: "Síðast þegar ég vissi var þetta um tíkall í Sorpu. En allt er hey í harðindum."

Harald: "Ég hef aldrei hitt Björn"

2009-02-22T04:35:00.002Z

Harald Pétursson, sölustjóri Nova, neitar því með öllu að hafa nokkru sinni hitt Björn Jörund Friðbjörnsson, tónlistarmann, leikara og andlit Nova: "Þetta er bara eitthvað slúður sem Guðmundur Björnsson í markaðsdeild Símans hefur verið að bera út. Ég hef aldrei hitt þennan mann og aldrei átt við hann samtal. Ég hlustaði hvort sem er aldrei á Todmobile eða hvað þetta heitir," sagði Harald í samtali við Sleikipinnavefinn. Þess má einnig geta að á dögunum sást til Haralds í Safamýri þar sem hann og Baugspenninn, Hallgrímur Helgason, stungu saman nefjum á laugardagsmorgni. Samkvæmt heimildum vefjarins þá var Harald að falast eftir því að Hallgrímur skrifaði greinar um samkeppnismál á fjarskiptamarkaði gegn því að Nova myndi kaupa af honum málverk.

Kristján sakaður um vörumerkjastuld

2009-02-01T13:08:00.001Z

(Gestafrétt frá Gylfa Ólafssyni, okkar manni í Svíþjóð.)

Kristján Jónsson, stjórnmálagosi og lífskúnstner, lenti nýverið í átökum við mót- og/eða meðmælendur við Austurvöll.

„Já. Þetta er rétt. Þetta voru smá stympingar, “ sagði Kristján. „Ég var þarna í rólegheitum og mesta sakleysi mínu að hengja upp níðveggspjöld um þá ríkisstjórn sossa og kommónista sem er nú í uppsiglingu. Þegar ég var í þann mund að hengja upp þriðja spjaldið kom að mér maður með tóbaksklút fyrir vitum sér og reif niður veggspjaldið.“

Kristján segist vera felmtri og lófa sleginn. „Svo bitsslappaði helvítið mig, það var nú algjör óþarfi.“

Í samtali við Sleikipinnavefinn, sagði tóbaksklútsmaðurinn, sem ekki vill láta nafns síns getið, að honum hefði verið þessi kostur nauðugur.

„Þessi Kristján eða hvað hann heitir, var að hengja upp þessi veggspjöld, og allt í góðu með það, en að nota hvítt hálfskítugt Courier new letur á svörtum grunni var of langt gengið. Hann má segja það sem hann vill um Ingu Sollu og Jóhönnu lessu, en að stela af anarkískum vinstri mönnum kúríernjú er skandall.“

Tóbaksklútsmaðurinn tekur dæmi af kóki. „Kókakólakompaní er alveg sama þó fólk tali illa um kók af ýmsum ástæðum, en þegar fólk fer að nota kókmerkið í nokkrum tilgangi öðrum en að auglýsa kók, hjóla þeir í viðkomandi með heri lögfræðinga og handrukkara.“

Og hann heldur áfram: „Hvar væri Ísland ef lögfræðingar tækju upp á því að nota Comic Sans ms bold í bréfum sínum, og grunnskólakennarar færu að mæta í buxnadrögtum? Það væri katastrófískt! Við verðum að standa saman og há stjórnmálabaráttu undir einversskonar genfarsáttmála. Á meðan hægrimenn nota ekki kúríernjú, skulu vinstri menn í staðinn ekki fara í lögfræði og kaupa grá jakkaföt.“

Kristján sagðist ekki hafa tekið ákvörðun um framhaldið. „Ætli ég stofni ekki bara vefmiðil. Það er það sem mínir líkir gera.“

Kristján búinn að fá hurðina

2009-01-24T21:34:00.003Z

Kristján Jónatansson, framkvæmdastjóri Breiðabliks, er lukkulegur þessa dagana. Var honum að berast yfir hafið dýrgripur sem hann pantaði á Netinu: ,,Ég keypti hurð á Ebay sem var í eigu Barry Manilow. Ég hef svo sem ekki beint þörf fyrir hana en lít meira á þetta sem fjárfestingu. Þetta er eitthvað sem ég get alltaf selt aftur," sagði Kristján sem sagði að helgin yrði hefbundin hjá honum og Tobbu: ,,Við ætlum að fá okkur humar í morgunmat og verðum svo væntanlega með önd í hádeginu," sagði Kristján léttur í samtali við Sleikipinnavefinn.

Stína Halldórs byrjuð að sletta

2008-12-08T00:11:00.001Z

Það er ekki um að villast; Stína Halldórs er byrjuð að sletta. Fyrst sást til hennar sletta, svo vitað sé, á bloggi Kalla sonar hennar þann 2. desember 2008. Þar brá Stína fyrir sig engilsaxneska orðinu: sorry. Hefur þetta valdið íbúum Holtastígsins nokkrum heilabrotum enda hefur Stína hingað til talað óaðfinnanlega íslensku. Stína staðfesti við Sleikipinnavefinn að þetta comment sé ófalsað: "Kééélllingin var alveg helluð þarna. Þokkalega bleisuð áþví" sagði Stína létt í samtali við Sleikipinnavefinn.

Benni Sig syndir til styrktar Stím

2008-11-30T23:59:00.004Z

Bolvíski sundkappinn, Benedikt Sigurðsson, hefur ákveðið að synda yfir Ermasund, eins konar Ermasundssund. Benedikt mun safna áheitum og takist honum ætlunarverkið þá munu fjármunirnir renna óskiptir til fjárfestingafélagsins Stím, sem ekki mun hafa átt nægilega gott ár eftir því sem fregnir herma. Jakob Valgeir Flosason, stjórnarformaður, meðstjórnandi, ritari, gjaldkeri, talsmaður og einn eigenda félagsins, sagðist ekki vilja tjá sig um málið þegar eftir því var leitað en óskaði eftir því að einkalíf hans og fjölskyldu njóti þeirrar friðhelgi sem almennt er talið eðlilegt. Gunnar Torfason, einn eigenda Stím, vildi ekki heldur tjá sig um málið en vildi koma því að framfæri að hann væri einhver allra liprasti knattspyrnumaður sem fram hefði komið á norðanverðum Vestfjörðum.

Rétt er að taka fram að til stóð að birta mynd með fréttinni en Sleikipinnavefurinn á bara ekki til mynd af Guðbjarti Flosasyni.

Undaneldi

2008-11-18T00:12:00.003Z

Það eru víst lítið um tilviljanir í pólitík. Limruskáldið Trausti úr Vík fjölgaði sér í gær. Fáeinum klukkustundum eftir að tíðindin voru gerð opinber ákvað Guðni Ágústsson frá Brúnastöðum að segja af sér þingmennsku. Guðni er sem kunnugt er mikill áhugamaður um kynbætur.

Jón Ásgeir gerir tilboð í Víkara.is

2008-11-07T00:34:00.003Z

Samkvæmt öruggum heimildum Sleikipinnavefjarins hefur athafnamaðurinn Jón Ásgeir Jóhannesson gert tilboð um að kaupa vefinn Víkari.is. Baldur Smári Einarsson, eigandi Víkara, staðfesti í samtali við Sleikipinnavefinn að honum hefði borist tilboðið og því hefði verið snarlega hafnað: "Það er allt útlit fyrir að Víkari.is verði eini einkarekni fjölmiðillinn á landinu sem Jón Ásgeir á ekki hlut í," sagði Baldur í samtali við Sleikipinnavefinn. Samkvæmt heimildum vefjarins mun Sparisjóður Bolungarvíkur hafa ætlað að lána Jóni fyrir kaupunum en Baldur er einmitt aðalbókari Sparisjóðsins: "Ég bara skil ekki hvað samstarfsfólki mínu gekk til með þessu," sagði Baldur hvekktur.

Kalli Hallgríms gefur ekki kost á sér

2008-10-12T15:31:00.001Z

Karl Hallgrímsson, fyrrverandi varamaður í 3. deildarliði UMFB í Bolungavík, miðvallarleikmaður í Reyni frá Hnífsdal, fyrrverandi fyrirliði í Seríu 5 liði Fire Höje Idrætsforening á Mið-Jótlandi og síðast leikmaður utandeildarliðsins Biskups sem leikur í Sunnlensku deildinni, hefur ákveðið að gefa ekki kost á sér í landslið karla í knattspyrnu á þessu ári. Ástæðurnar segir Karl vera persónulegar og hyggst hann ekki gefa þær uppi. Yfirlýsing þessa efnis var send landsliðsnefnd KSÍ fyrr í þessari viku. Forystumenn KSÍ eru gríðarlega vonsviknir með þessa ákvörðun Karls en Ólafur Jóhannesson, landsliðsþjálfari, hafði lagt ríka áherslu á að fá Karl í leikina nú í október.

Kristján Jónsson, íþróttafréttaritari, sagði í samtali við Tilraunavefinn að honum kæmi þessi ákvörðun Karls ekki á óvart. Hann hefði ekki leikið knattspyrnu í rúm átta ár. Og þótt hann hefði leikið fáeina leiki í sunnlensku utandeildinni í hitteðfyrra og staðið sig þokkalega, þá hefði hann staðið inni í miðjuhringnum lungann úr leikjunum og hvorki haft þrek til að sækja né verjast með liðsfélögunum. „Kalli á ekki að vera í þessu liði. Ég skil ekkert í Ólafi að leggja þessa ofuráherslu á að fá hann í þessa leiki í haust. Maðurinn er akfeitur og hefur þar fyrir utan aldrei getað neitt í fótbolta. Hann hefði orðið að athlægi."

Karl er annar leikmaðurinn í þessari viku sem tilkynnir að hann gefi ekki kost á sér í landsliðið. Fyrr í vikunni tilkynnti annar varamaður, Höskuldur Eiríksson úr FH, að hann gæfi ekki kost á sér í þessa leiki. Á skrifstofu KSÍ hefur verið sett sólarhringsvakt við tölvu og faxtæki því búist er við að fleiri varamenn sendi tilkynningu um að þeir gefi ekki kost á sér í þessa leiki.

Frá þessu var greint á Tilraunavefnum svokallaða.

Einsi Pé skráir sig í haustrall Hafró

2008-09-29T17:01:00.003Z

Einar Pétursson, framkvæmdarstjóri KNH, hljóp heldur betur á sig í síðustu viku þegar hann skráði sig í haustrall Hafró: "Mig hefur alltaf dreymt um að keppa í rallý en mamma bannaði mér að gera það fyrr en ég væri orðinn fertugur. Þegar ég sá þetta haustrall einhvers staðar í fjölmiðlum þá skráði ég mig bara. Ég hélt að Árni Friðriksson og Bjarni Sæmundsson væru bara einhverjir frægir ókuþórar," sagði Einar svekktur í samtali við Sleikipinnavefinn. Spurður um hvenær lagt yrði úr höfn sagðist Einar ekki vera með það alveg á hreinu en Elías Kristjánsson, Umboðsmaður sjómanna og fyrrum meðlimur í Kraftaverk, væri að reyna að redda einhverjum fyrir sig.

Addi og Kobbi hækka nærbuxurnar

2008-09-13T20:48:00.002Z

Ýmsar vörur hafa hækkað í því verðbólguskoti sem gengur yfir landið um þessar mundir. Í tuskubúð Ástmars Ingvarssonar og Jakobs Flosasonar á Laugarveginum hafa nærbuxurnar nú hækkað úr 9.900 krónum í 19.900 krónur. "Er það mikið eða lítið," spurði Jakob þegar Sleikipinnavefurinn spurði hann út í verðið á nærbuxunum og vísaði alfarið á Ástmar. Þegar vefurinn leitaði viðbragða Ástmars þá vildi hann lítið ræða verðlagið í tuskubúðinni en bauð blaðamanni eina milljón fyrir sápustykkið upp í nýrri bifreið.

Guðmundur taldi sig sjá hvítabjörn í Stokkhólmi

2008-07-24T15:51:00.005Z

Guðmundur Gunnarsson, útvarpsmaður, komst í hann krappann í annað sinn á tæpri viku þegar hann var í fríi með sambýliskonu sinni í Stokkhólmi. Guðmundur lét kalla út sænska herinn þar sem hann taldi sig hafa séð hvítabjörn: "Þetta var ógurlegt hvítt flykki. Ábyggilega mörg tonn að þyngd," sagði Guðmundur í talsverðri geðshræringu í samtali við sænska blaðið Aftonbladet. Ekki reyndist þó þarna vera hvítabjörn á ferðinni heldur var um að ræða húsakynni IKEA verslunarkeðjunnar. "Þetta er stórsniðugt. Þeir selja húsgögnin á lægra verði og maður setur þau sjálfur saman í staðinn. Hreint ekki galið. Milla verslaði þarna viskíglös sem okkur vantar í innbúið og ég fékk mér kjötbollur á meðan," sagði Guðmundur léttur. Um liðna helgi fékk Guðmundur sér labbitúr norður á ströndum og lét þá kalla út víkingasveitina og varaliðið því hann taldi sig sjá hvítabjörn. Það reyndist þó ekki heldur vera hvítabjörn heldur fermingarbróðir hans, Sigurbjörn. "Langt síðan maður hefur séð strákinn" sagði Guðmundur kíminn í samtali við strandir.is.

Jón Steinar safnar börtum

2008-07-17T11:50:00.001Z

Jón Steinar Guðmundsson (31), húsasmiður, hefur vakið athygli að undanförnu fyrir að skarta myndarlegum börtum í anda Ragnars Reykás. Spurður um þetta uppátæki sagðist Jón hafa á dögunum séð æsilega frétt í 24 stundum þar sem sagt var frá því að Haukur Hólm í KR-útvarpinu væri að safna börtum. "Svo er þetta líka hluti af stemningunni í kringum Bolungarvíkurmótið í Kana sem fram fer á næstunni." Til mikils er að vinna í mótinu en í verðlaun eru meðal annars ársbyrgðir af mjólkurkexi.

Kristján Jónsson að taka við sænska landsliðinu?

2008-07-15T23:21:00.002Z

Athafnamaðurinn Kristján Jónsson er til skoðunar hjá sænska handknattleikssambandinu sem næsti landsliðsþjálfari svía. Þykir þetta mikil upphefð fyrir Kristján, sem hefur tiltölulega litla reynslu af þjálfun, en hann var um tíma liðsstjóri hjá UMFB í knattspyrnu og náði býsna góðum árangri með Roma, Ajax og Borussia Mönchengladbach í Championship Manager. Þá hefur hann einnig unnið trúnaðarstörf fyrir Sjálfstæðisflokkinn, sem er nú þónokkuð.

Svenson Karlson Nilson, formaður sænska handknattleikssambandssins, segir Kristján mjög hæfan í starfið, enda hafi hann verið stuðningsmaður sænskra íþróttaliða frá örófi alda.
Þá telji drjúgt að Kristján hafi sótt um sænskan ríkisborgararétt, eftir að sænska liðið tapaði fyrir Íslandi, í leik þjóðanna um sæti á Ólympíuleikunum á dögunum, en það atvik fékk mjög á Kristján, sem lét hafa eftir sér að hann "myndi líklega aldrei ná sér að fullu eftir slíkan harmleik".

Sú staðreynd að sænska tóbaksfyrirtækið (munn) SKOL og vínframleiðandinn Absalut Vodka í Fanta Lemon skuli vera stærsti styrktaraðili sænska handknattleikssambandsins, þykir renna enn sterkari stoðum undir þá kenningu að Kristján sé að taka við sænska liðinu, sem er enn í sárum eftir leikinn við íslendinga.

Fyrrum stórskytta svía, "Faxe" Kondi, sagði í samtali við VSP, að hann teldi Kristján jafnvel koma til greina sem spilandi þjálfara. "Jo. Stjane har so mikket spilleskilning ok fantastiske stadsetninger ad han kan vel vera spillende trenere. So har han ogsa svakilegt teknik ok kan spinne bollen med fantastisker kraften i marken. Hej hej!" sagði "Faxi" á sínu ástkæra ylhýra.

Ekki náðist í Kristján við vinnslu fréttarinnar, en þegar haft var samband við föður Kristjáns, Jón Friðgeir, sagði hann: "Ég hef nú ekki heyrt af þessu, en þessi ráðning kæmi mér lítið á óvart, því þegar ég varð ræðismaður Finnlands á Íslandi, talaði hann ekki við mig í margar vikur á eftir. Hann muldraði eitthvað í bringuna á sér um, að finnar gætu andskotann ekkert í handbolta. Svo tók hann tuskuboltann sinn og dúndraði honum í finnska ræðismannsskjöldinn, sem Gunnar Halls var nýbúinn að setja upp hjá mér."

Talið er að Kristján muni fá mág sinn, Stig, sem er hershöfðingi í sænska hernum, til þess að verða aðstoðarþjálfari sinn. Það muni leysa ýmsa tungumálaörðugleika sem kunna að dúkka upp, en einnig fá aukinn aga í liðið. Þó er ekki víst að Stig geti fengið sig lausan, en hann er í fastri vinnu sem ökuþór í hinum geysivinsælu Top Gear þáttum.

Guðmundur tók gögn

2008-07-10T12:13:00.002Z

Guðmundur Gunnarsson tók kassa með trúnaðarupplýsingum með sér þegar hann lét af störfum hjá sjónvarpinu. Hann neitar að afhenda gögnin. RÚV mun grípa til aðgerða skili Guðmundur ekki gögnunum í dag. Guðmundur sem var fréttamaður hjá sjónvarpinu, lét af störfum í júní og færði sig yfir í útvarpið. Guðmundi er jafnframt gert að skila grænni Toyota Corolla bifreið.

Samkvæmt heimildum Sleikipinnavefjarins er um að ræða tuttugu ára gamlar nektarmyndir af Elínu Hirst fréttastjóra. Elín vildi lítið tjá sig um málið þegar eftir því var leitað en sagðist hafa verið ung og með takmörkuð fjárráð. Ekki sé óalgengt að sjónvarpsstjörnur hefji ferilinn með þessum hætti og þetta hefði verið ágætlega borgað. Hvað Guðmundur hyggst gera við myndirnar sagðist hún ekki geta gert sér það í hugarlund.

Birgir með hærri laun en Grímur

2008-07-08T01:03:00.002Z

Samkvæmt frétt Bæjarins Besta eru laun Birgis Olgeirssonar, ferðmálafulltrúa í Bolungarvík, hærri en laun fráfarandi bæjarstjóra Gríms Atlasonar. Hefur þetta vakið nokkra athygli fjölmiðlamanna eins og gjarnan er með mál sem tengjast Grími. Umræddar upplýsingar hafi valdið hneykslan reyndra blaðamanna. Jakob Bjarnar fullyrðir í Fréttablaðinu, að þegar Grímur hafi sest að í Bolungarvík fyrir tveimur árum síðan, hafi þar engin hafnaraðstaða verið og gert hafi verið út á opnum bátum frá Ósvör. Íbúafjöldi hafi þá verið í kringum 100 manns og aldrei hefði heyrst talað um Þorrablót eða Markaðsdag áður en Grímur settist í bæjarstjórastólinn. Þessi Birgir haldi hins vegar að lífið snúist um rokk og ról. Pétur Gunnarsson bætir um betur á bloggsíðu sinni "Orðið á götunni" og heldur því fram að Grímur hafi einnig fundið upp internetið í hjáverkum en hafi aldrei tekið krónu fyrir. Á hinn bóginn kunni Birgir ekki einu sinni að fara á internetið og hafi auk þess týnt einni helstu skrautfjöður hljómsveitarinnar Nýrrar danskrar í hálfan sólarhring, eftir að þeir léku fyrir dansi á Markaðsdaginn.

Bjarni Pétur í bréfaskóla

2008-07-02T21:29:00.002Z

Bjarni Pétur Jónsson, golfvallarhirðir, stundar nú kínverskunám af miklum móð í bréfaskóla. Samkvæmt heimildum Sleikipinnavefjarins hefur Bjarni sóst eftir því að sjá um fararstjórn hjá íslenskum Ólympíuförum þetta árið en leikarnir verða sem kunnugt er haldnir í Peking í Kína. Bjarni vildi hvorki játa þessu né neita þegar Sleikipinnavefurinn hafði samband við hann vegna málsins.

Gummi Gunn: "Gróflega fram hjá mér gengið"

2008-05-07T00:58:00.004Z

Guðmundur Gunnarsson, fréttamaður, er alveg hoppandi illur yfir því að hafa misst af hugsanlegum farmiða til Moskvu, þar sem Söngvakepni evrópskra sjónvarpsstöðva verður haldin síðar í þessum mánuði. "Af hverju var ekki leitað til mín varðandi þetta myndband ? Nei ég bara spyr. Draupnir sem er að dilla sér í myndbandinu er mun síðri dansari en ég. Ég var flugfreyjumaður hjá Atlanta á sínum tíma. Rétt eins og hann. Ég man ekki betur. Og stóð mig betur en hann ef eitthvað var. Auk þess eru mjaðmahnykkir mínir alls ekki óþekktir í fjölmiðlum. Mínir danstaktar voru í það minnsta nógu góðir fyrir sjónvarpsþáttinn "Með hausverk um helgar". Sem var afskaplega virtur þáttur. Ég man ekki betur. Það hefðu verið hæg heimatökin hjá Þórhalli Gunnars að nýta samlegðaráhrif með því að setja mig í myndbandið. Nota mann sem þegar er á launaskrá hjá RÚV og er vanur að vera í vel straujuðum skyrtum í útsendingum. Þarna tel ég einfaldlega að gróflega hafi verið fram hjá mér gengið," skrifaði Guðmundur í fréttatilkynningu sem hann sendi frá sér í gær.

Mótmæli í Bolungarvík

2008-04-25T14:55:00.005Z

Friðsöm mótmæli fóru fram við ráðhúsið í Bolungarvík í dag. Fermingarbræðurnir Ragnar Ingvarsson og Róbert Daníel Jónsson stóðu fyrir mótmælunum. Þeir tjáðu fjölmiðlafólki að þeir væru að mótmæla fangelsisdómi sem kveðinn hafi verið upp yfir bandaríska leikaranum Wesley Snipes í gær. Ragnar sagði Snipes hafa haft mikil áhrif á sig í gegnum tíðina en þeir hefðu eytt ófáum stundum saman þar sem vondu mennirnir hefðu fengið réttláta meðferð. Róbert Daníel tók undir þetta og sagði myndina "White men can´t jump" hafa hjálpað sér að taka þá ákvörðun að leggja körfuknattleiksskóna á hilluna á sínum tíma. Róbert vildi jafnframt koma því að framfæri við fjölmiðlafólk að það sé misskilningur að Hálfdán Daðason hafi einhvern tíma verið betri en hann í fótbolta.

Meirihlíð er sprunginn !

2008-04-22T20:40:00.004Z

Bærinn Meirihlíð í Bolungarvík sprakk í loft upp í gærkvöldi. Mikil mildi þótti að engin slys skyldu verða á fólki.

- Jónas Guðmundsson, formaður almannavarnarnefndar, sagði í samtali við fjölmiðlamenn að hættan væri liðin hjá í bili.

- Grímur Atlason, ábúandi á bænum, telur að tjónið sé þó nokkuð og um persónulegt áfall sé að ræða fyrir sig: "Ég flutti hingað fyrir tveimur árum og keypti mér þetta hús. Nú er maður bara í lausu lofti."

- Anna Edvardsdóttir, bæjarfulltrúi, segir málið alvarlegt og staðan á húsinu hafi ekki verið ásættanleg.

- Elías Jónatansson, bæjarfulltrúi, sagði Grím hafa hringt tvisvar í sig í gærkvöldi, með þriggja mínútna millibili, í leit að húsaskjóli.

- Soffía Vagnsdóttir, bæjarfulltrúi, kom hins vegar af fjöllum þegar Sleikipinnavefurinn hafði samband við hana og hafði ekkert heyrt af sprengingunni. Hún bauð hins vegar blaðamann velkominn í hina frægu kjötsúpuveislu á Hesteyri í sumar, þar sem skyndilega hefði fækkað um einn á gestalistanum.

Ráðstefnan: Hinn árlegi hrunadans Arsenal - hvað er til ráða ?

2008-04-09T23:20:00.003Z

Síðunni hefur borist tilkynning sem hér verður komið á framfæri:

Næstkomandi sunnudag 13. apríl verður haldinn ráðstefnan: "Hinn árlegi hrunadans Arsenal - hvað er til ráða ?" í húsakynnum fyrirtækisins Jakob Valgeir í Bolungarvík.

Eftirtaldir flytja erindi:

- Jón Steinar Guðmundsson: Smíða þarf nýtt lið.

- Þorlákur Ragnarsson: Hvenær tekur Arsenal flugið?

- Magnús Pálmi Örnólfsson: Hluthafar í Arsenal - seljið strax!

- Jóhann Ævarsson: Sparsla þarf í götin í Arsenal vörninni.

Umræðunum stjórnar Guðbjartur Flosason sem þegar hefur boðið Philippe Senderos pláss úti á sjó.

Biggi lögsækir Vegagerðina

2008-04-03T16:30:00.003Z

Birgir Olgeirsson grunnskólakennari og lögspekingur hefur eitthvað verið að taka að sér að ryðja Óshlíðina í vetur. Nú virðist þó sem samstarf Birgis og Vegagerðarinnar sé í uppnámi því Birgir hefur kært fyrirtækið fyrir gáleysi. Forsaga málsins mun vera sú að Birgir hafi einn morguninn lagt af stað til Flateyrar þar sem hann er að setja saman hljómsveit með grunnskólakrökkum rétt eins og í myndinni School of rock. Fljótlega sótti svefn að Birgi við stýrið enda illa sofinn eftir ævintýri næturinnar. Í svefnrofanum keyrði Birgir niður skilti frá Vegagerðinni í námunda við vitann sem átti að þjóna þeim tilgangi að loka hlíðinni. Samkvæmt heimildum vefjarins mun Birgir nú hafa farið fram á að Vegagerðin setji upp viðvörunarskilti með fimmtíu metra millibili. Slík ráðstöfun henti mjög vel þegar menn séu að dotta við stýrið. Birgir neitaði að tjá sig um málið við Sleikipinnavefinn.

Bjartur tekur að sér fararstjórn

2008-03-20T20:29:00.003Z

Útgerðarmaðurinn Guðbjartur Flosason hefur tekið að sér fararstjórn fyrir íslenska Arsenal klúbbinn á ferðum á vegum klúbbsins. Í tilkynningu sem rakari á Selfossi sendi frá sér segir meðal annars, að Bjartur hafi heimsótt hinn nýja Emirates leikvang svo snemma að hann hafi nánast stillt tækin í fjölmiðlaherberginu. Auk þess séu þeir ekki margir sem eigi til lúkufylli af grasinu á þeim ágæta velli. Sjálfur tjáði Bjartur Sleikipinnavefnum að þetta væri svo sem ekki merkilegt. Aflaheimildir hefðu verið skornar niður um þriðjung og hlutabréfamarkaðurinn væri í frjálsu falli. Eitthvað þyrftu menn að hafa fyrir stafni. Jónmundi Guðmarssyni, bæjarstjóra á Seltjarnarnesi, var nokkuð brugðið er hann heyrði fréttirnar en neitaði að tjá sig um málið þegar eftir því var leitað.

New York maraþonið fær nýja styrktaraðila

2008-03-10T21:44:00.002Z

Hið víðfræga New York maraþon, sem haldið er árlega einhvers staðar í Bandaríkjunum, hefur að undanförnu fengið nýja styrktaraðila. Í hópi þeirra sem munu auglýsa í kringum viðburðinn í haust; eru Smirnoff vodka og Bombay gin, en þessir áfengisframleiðendur hafa ekki komið að þessum viðburði áður með neinum hætti. Ekki er vitað hvað kveikti skyndilega áhuga þessara aðila, og mun það ekki vera rakið til þess að Hálfdán Gíslason verður á meðal keppenda.

Kaupfélagsstjórinn vill háskóla í Hnífsdal

2008-02-26T12:49:00.002Z

Kaupfélagsstjórinn, Kristján "Hannibal" Kristjánsson, berst nú fyrir því að Háskóli Vestfjarða verði staðsettur í Hnífsdal. Kaupfélagsstjórinn tók sér örstutt hlé frá því að tjá sig á Netinu, og veitti Sleikipinnavefnum stutt viðtal: "Það hefur verið einhver útbreiddur misskilningur hjá Kristni Hermanns og þessum kverólöntum, að Háskóli Vestfjarða eigi að vera staðsettur á Ísafirði. Þessu er ég bara algerlega ósammála. Ég hef trú á því að Össur byggðamálaráðherra styðji mig í þessu enda studdi ég hann í formannsslagnum, þó Lúlli frændi hafi stutt konuna hans Hjörleifs. Össur þekki ég náttúrulega ágætlega í gegnum Samtök áhugafólks um bræðisköst," sagði Kaupfélagsstjórinn laufléttur að vanda, um leið og hann hækkaði verðið á ástralska kengúrukjötinu.

Undirbúningstímabilið hafið hjá Jóni Smára

2008-02-19T15:56:00.003Z

Ísfirðingurinn, Jón Smári Jónsson, vinnur nú að því hörðum höndum að byggja sig upp fyrir Skíðavikuna, sem mun vera helsti fengitími Jóns. Til Jóns hefur sést æ oftar í Laugum að undanförnu, auk þess sem þessi mikli kaffiunnandi er farinn að panta jurtate í æ ríkari mæli á kaffihúsum borgarinnar. Kappinn hefur ekki látið þar við sitja heldur er hann einnig byrjaður að stunda sjósund af miklum móð og ævintýraferðir úti í óbyggðum þó Frónið sé enn í vetrarbúningnum. Talið er að Jón sé þessa dagana undir mjög sterkum áhrifum frá kvikmyndinni Into the wild og því spennandi að sjá hvernig sú taktík mun virka fyrir hann í Skíðavikunni sem fram undan er.

Stebbi gerir kröfu í dánarbú Fischers

2008-02-12T11:31:00.000Z

Stefán Andrésson Arnalds, íþróttakennari/fjárfestir, hefur bæst í hóp þeirra sem gera kröfu í dánarbú skáksnillingsins Bobbys Fischers. Stefán staðfesti þetta í laufléttu spjalli við Sleikipinnavefinn: "Jú jú þetta er rétt. Nú þegar hlutabréfamarkaðurinn er erfiður þá verður maður að ná sér í tekjur eftir öðrum leiðum. Það er mikil fylgni á milli lögfræðimenntunar og skákáhuga, þannig að ég þekki marga lögfróða menn sem hafa ráðlagt mér í málinu." Krafa Stefáns gengur í stuttu máli út á að hann hafi sigrað Fischer í skák á Netinu þar sem þeir hafi teflt upp á peninga. Er Stefán þar með annar skákmaðurinn í heiminum sem gengur fram fyrir skjöldu og fullyrðir að hann hafi teflt hefðbunda skák við Fischer á Netinu, en hinn er Englendingurinn Nigel Short." Ég er handviss um að þetta var Fischer. Ég vann hann í tuttugu leikjum sem kom mér reyndar nokkuð á óvart en ég er bara greinilega svona góður. En svo borgaði hann aldrei," sagði Stefán ennfremur.

Skilnaður skekur Víkina

2008-02-08T12:05:00.001Z

Svo bregðast krosstré sem önnur tré. Sleikipinnavefurinn hefur heimildir fyrir því að slitnað hafi upp úr samstarfi hins ástsæla söngdúetts Ástu Bjarkar og Magnúsar Más. Lengi hefur verið talið að dúettinn væri einungis í pásu en nú þykir allt benda til þess að hann sé hættur. Fyrirhugaðir búferlaflutningar Magnús til Parísar með haustinu þykja renna stoðum undir þessar sögusagnir. Til stendur að hleypa af stokkunum undirskriftarlista á Netinu í því skyni að hvetja dúettinn til þess að taka upp þráðinn á ný. Þangað til hægt að senda Magnúsi póst á magnus@innovit.is ef einhverjir vilja reyna að telja honum hughvarf.

Dúettinn gerði allt vitlaust úti um landið og miðin í kringum 1990 en hefur ekki komið saman síðan. Einungis kom út ein plata með þeim Ástu og Magnúsi en helsti slagari plötunnar hét "Á einskinsmannseyju" sem þau fluttu meðal annars í sjónvarpsþættinum Á tali hjá Hemma Gunn. Lagið mun hafa skilað höfundi sínum gífurlegum tekjum í stefgjöld.

Gummi Bjöss í fæðingarorlofi

2008-01-24T20:14:00.000Z

Framsóknarmaðurinn Guðmundur Björnsson er nýfarinn í fæðingarorlof. Síðan þá hefur það gerst að meirihlutinn sem hann studdi í borginni er fallinn, og samstarfsmaður hans Björn Ingi Hrafnsson er hættur í pólitík. Sleikpinnavefurinn bar þetta undir Gunnar Helga Kristinsson prófessor í stjórnmálafræði: "Miðað við þetta þá hefur líklega enginn haft önnur eins tök á Framsóknarflokknum síðan Jónas á Hriflu var upp á sitt besta/versta. Án Guðmundar er þetta greinilega eins og höfuðlaus her."

Minnimáttarkennd gagnvart Ragga

2008-01-24T20:09:00.000Z

Línumaðurinn Róbert Gunnarsson hefur ekki átt góða leiki á EM í handbolta. Þessi leikmaður sem eitt sinn var ein bjartasta vonin er nú vart svipur hjá sjón. Geir Kristinn Aðalsteinsson, vinur Róberts og fyrrum leikmaður Þórs, KA og KR er með ákveðna skýringu á þessu: "Róbert var mjög efnilegur leikmaður áður en hann kynntist Halla Pé og Ragga Ingvars þegar þeir voru í besahlaupi í Grafarholtinu. Það er einhvern veginn eins og Róbert hafi misst allt sjálfstraust eftir að hann sá Ragga nakinn," sagði Geir í samtali við Sleikipinnavefinn og sagði forráðamenn Gummersbach hafa þungar áhyggjur af gangi mála.

Ægir Finnboga hálfnaður

2008-01-21T15:55:00.000Z

Matreiðslumeistarinn, Ægir Finnbogason, mun nú vera hálfnaður með lesefnið á Þjóðarbókhlöðunni. Samkvæmt opinberum tölum þá eru um 900 þúsund bindi bóka, tímarita og annara gagna á bókasafninu. Heimildarmaður vefjarins innan Cesar veitinga, segir Ægi vera rétt skriðinn yfir 450 þúsunda markið og stefni hraðbyri að því að komast yfir allt lesefni bókasafnsins fyrir árið 2010.

Loðnan fundin

2008-01-08T12:18:00.001Z

Það bar helst til tíðinda í síðustu viku að sonur Sjávarútvegsráðherra, Guðfinnur Ólafur Einarsson, fann loðnu. Guðfinnur er kunnur fyrir áhuga sinn á sjávarútvegi og landbúnaði en hann segist ekki hafa fundið loðnu áður: "Ég fann í bókasafninu hjá pabba bók um íslenskar fistktegundir. Ég var ekki búinn að fletta lengi þegar ég rakst á mynd af kunnuglegu kvikindi. Þá var þetta loðnan," sagði Guðfinnur í samtali við Sleikipinnavefinn og var ánægður með fundinn. Hann segir þó fjölmiðlaumfjöllun vegna málsins hafa verið að hluta til ranga, því hann hafi alls ekki verið staddur norðan við Melrakkasléttu þegar hann fletti bókinni. Einar Jónatans mun vera farinn að setja sig í stellingar.

Spilling á RÚV ?

2008-01-08T12:17:00.001Z

Nokkur uggur er nú á meðal starfsmanna RÚV í tilefni af því að Gunnar Hallsson hefur tvívegis komist í drottningarviðtöl í fréttatíma sjónvarps með skömmu millibili. Hefur þetta verið rakið til starfsmanns fréttastofunnar, Guðmundar Gunnarssonar, en samkvæmt heimildum Sleikipinnavefjarins eru þeir náskyldir. Að sögn Elínar Hirst fréttastjóra er málið í rannsókn og liggja tveir starfsmenn RÚV undir grun um að brot á siðareglum Blaðamannafélagsins vegna þessa. Auk Guðmundar hafa spjótin beinst einnig að Bjarna Felixsyni, sem aðkomufólk í sundlaug Bolungarvíkur telur vera bróður Gunnars.

Jón Steinar gengur á rjúpnastofninn

2007-12-28T00:57:00.000Z

Jón Steinar frá Dröngum hefur löngum verið annálaður veiðimaður. Eftir að hann gekk í heilagt hjónaband hefur hann þó snúið sér alfarið að skotveiði, þar á meðal rjúpnaveiði. Mun kappinn eiga það til að halda einn í veiðitúra út í guðsgræna, og lætur þar hugann reika frá kanaspilamennsku og matarkexáti hversdagsins. Ekki er ósennilegt að Jón geri þar nokkrar mullersæfingar, ásamt því að elta upp einhverja málleysingjana og murka úr þeim lífið, eins og Þór Magnússon orðaði það. Hittni Jóns mun vera farinn að ganga nokkuð á rjúpnastofninn og hefur hann ekki komið tómhentur úr veiðitúrum á þessu ári. Eins og sönnum jafnaðarmanni sæmir hefur Jón ekki setið einn að kræsingunum, heldur hafa ýmis kvikindi í matarkistu hans fengið nægju sínu, og rúmlega það. Mál manna, í Árnes- og Hólshreppi, er að aldrei nokkurn tíma hafi sést jafn feitar og pattaralegar mýs, og þær sem Jón frá Dröngum hefur alið af höfðingasskap að undanförnu.

Dóri Daða kærir brúnkukremsframleiðanda

2007-12-11T12:09:00.000Z

Halldór Daðason keppti á dögunum á Íslandsmótinu í fitness með ágætum árangri rétt eins og undanfarin ár. Nú er hins vegar komið babb í bátinn hjá Dóra sem nær litnum ekki af sér þrátt fyrir að mótið hafi farið fram fyrir tæpum mánuði. Sem kunnugt er koma keppendur í íþróttinni fram í alls kyns ónáttúrulegum húðlitum sem eiga að mást af í fyllingu tímans. Samkvæmt heimildum Sleikpinnavefjarins hefur Dóri nú farið í mál við brúnkukremsframleiðandann Costa del Sol en lögfræðistofan Logos sækir málið fyrir hönd Halldórs. Ekki náðist í Dóra við vinnslu fréttarinnar en hjá Logos fengust þau svör að málið væri á viðkvæmu stigi. Umboðsaðili fyrir kremið á Íslandi er Vörutorg.

Danni sannar sig hjá Glitni

2007-12-06T10:57:00.000Z

Samkvæmt heimildum Sleikipinnavefjarins hefur ekki verið grænn dagur í Kauphöll Íslands síðan Hálfdán Gíslason viðskiptafræðingur var færður yfir í markaðsviðskipti hjá Glitni. Sleikipinnavefnum tókst að ná sambandi við Danna með því að hringja úr leyninúmeri og spurði hann hvernig á þessu stæði: "Þetta er hrein tilviljun og ekkert annað. En því er ekki að neita að þetta er farið að líta illa út. Ég hef ekki haft jafn miklar áhyggjur af efnahagsmálum frá því á menntaskólaárunum þegar Krílið hækkaði verðið á Sælunum."

Halla mistekst að segja Björgólfi upp

2007-11-25T20:28:00.000Z

Harald Pétursson, sölustjóri símafyrirtækisins Nova, hafði ekki erindi sem erfiði á dögunum, þegar hann huggðist segja Björgólfi Thor Björgólfssyni upp störfum hjá fyrirtækinu. Halli vildi ekki tjá sig um málið þegar Sleikipinnavefurinn leitaði eftir því, en hins vegar hefur vefurinn í höndunum minnisblað sem Halli mun hafa ritað. Þar segir orðrétt: "Hvað er maðurinn eiginlega að gera hjá þessu fyrirtæki? Hann er aldrei í vinnunni og sjaldnast á landinu. Við erum að opna eftir nokkra dag og maður vinnur allan sólahringinn en hann mætir aldrei. Þetta er farið að minna á þegar maður byggði upp Tal og Trausti mætti aldrei í vinnu af því hann var með frunsu!" Samkvæmt heimildum vefjarins var Halla tjáð að það heyrði ekki undir starfslýsingu sölustjóra að segja stjórnmarformanni og eiganda upp störfum.

Íslenskukunnátta Trausta nær nýjum hæðum

2007-11-06T14:24:00.000Z

Blaðamaðurinn, Trausti Salvar Kristjánsson, er mikill áhugamaður um kynfæri eins og sjá má í frábærri blaðagrein í 24 stundum síðastliðinn fimmtudag, þar sem kynfæri stórleikarans, Hilmis Snæs Guðnasonar, er umfjöllunarefnið. Í greininni sýnir Trausti vald sitt á íslenskri tungu með eftirminnilegum hætti, en þar notar hann fimm mismunandi heiti yfir kynfæri Hilmis, sem blaðamaðurinn virðist hafa tekið all oft eftir á hvíta tjaldinu. Anna Edvardsdóttir, fyrrum íslenskukennari Trausta, sagði í samtali við Sleikipinnavefinn að vissulega byggi Trausti að því að hafa góðan grunn í íslensku. Hún vildi þó ekki kannast við að í Grunnskóla Bolungarvíkur hefði sérstaklega verið farið í orðaleiki varðandi kynfæri. "Þá þekkingu hefur hann viðað að sér á öðrum vettvangi," sagði Anna er hún var stödd var á fjármálaráðstefnu Sveitarfélaganna. Ólafur Þ. Stephensen, ritstjóri 24 stunda og Íslandsmethafi í pólitískum rétttrúnaði, neitaði að tjá sig um málið þegar Sleikipinnavefurinn hafði samband við hann skömmu fyrir fréttir.

Sérsveitin fagnar 25 ára afmæli

2007-10-27T03:34:00.000Z

Eins og lýðnum mun vera ljóst fagnar sérsveit ríkislögreglustjóra nú aldarfjórðungsafmæli. Blásið verður til hátíðarhalda í Hvalfirði sunnudaginn 28. október þar sem almenningi gefst kostur á að kynnast þessum hetjum nánar sem sveitina skipa. Þyrluflugmaðurinn Jens Þór Sigurðsson mun ferja fólk frá höfuðstaðnum yfir í Hvalfjörðinn en Jens hefur vakið verðskuldaða athygli upp á síðkastið fyrir tilraunir sínar til þess að lenda á vatni. Þegar á svæðið verður komið býðst almenningi svo tækifæri á að reyna sig við okkar hraustustu menn. Hægt verður að fara í krók og sjómann við Gest Kolbein Pálmason og Ólafur Örvar Ólafsson mun taka gesti og gangandi í hryggspennu.

Gummi Björns krefst kaupréttarsamnings

2007-10-19T13:00:00.000Z

"Af hverju fæ ég ekki kaupréttarsamning?" spurði Guðmundur Björnsson öskuillur og örvhentur þegar Sleikipinnavefurinn náði tali af honum vegna Reymálsins. "Kosningastjóri Björns Inga á að fá kaupréttarsamning en ekki ég. Þó er öllum ljóst að ég gerði miklu meira í þessu prófkjöri Björns Inga heldur en kosningastjórinn." Spurður um hvort hann þyrfti ekki að hafa einhver tengsl við Orkuveituna til að fá kauprétt, sagðist Guðmundur ekki vilja svara neinu um það, en vísaði í skipulagsreglur Framsóknarflokksins.

Raggi sendir Amazon formlegt erindi

2007-10-16T01:55:00.000Z

Ragnar Ingvarsson, kvikmyndaáhugamaður, hefur sent Amazon.com vefversluninni, formlegt erindi þar sem hann kvartar yfir skorti á vöruúrvali. Ekki hefur Sleikipinnavefnum tekist að komast yfir efni bréfsins, en samkvæmt heimildum þá getur Ragnar ekki á heilum sér tekið yfir því að karatemyndin "Best of the best" skuli ekki vera til sölu á Amazon, en upphaflega komst Ragnar í tæri við myndina á videóleigunni Tröð í kringum 1990. Í erindinu segir Ragnar að ágætt sé að Amazon selji þokkalegar myndir eins og "Godfather" og "Goodfellas" en það skjóti skökku við að bjóða ekki upp á listræn þrekvirki eins og "Best of the best". Það sé í raun móðgun við iðnaðinn og þá ekki síst listamanninn Erik Roberts.

Tekur Hannes fram skóna?

2007-10-02T15:54:00.001Z

Fjölnir úr Grafarvogi hefur nú unnið sér sæti í Landsbankadeildinni í knattspyrnu í fyrsta skipti. Einn ástsælasti knattspyrnumaður þessa unga félags er Hannes Már Sigurðsson sem lék með liðinu á tíunda áratuginum. Sparkspekingar hvarvetna spyrja sig nú hvort Hannes muni taka fram skóna á þessum tímamótum en lítið hefur farið fyrir honum á íþróttavellinum á undanförnum árum. Landsmótsgestum á Landsmóti UMFÍ árið 1994 mun þó líklega vera enn í fersku minni stórkostlegur endasprettur hans í 200 metra flugsundi. Hannes náði þar vitanlega afgerandi forskoti eftir 50 metra sund og fylgdi því kröftuglega eftir í mark. Þetta sund náðist á myndband og var því gaukað að sleikipinnavefnum á dögunum. Til að fyrirbyggja misskilning þá fór þetta sund fram á mesta ljósabaðatímabili Hannesar. Nálgast má myndbandið hér en sjón er sögu ríkari.

Gummi gefur til baka

2007-09-25T13:01:00.000Z

Afmælisbarn sunnudagsins, Guðmundur Gunnarsson, hefur ákveðið að miðla af reynslu sinni og þjálfar nú flugþjóna hjá Icelandair. Guðmundur sagðist í samtali við Sleikipinnavefinn vera orðinn sjónvarpsstjarna á RÚV og nú sé mál til komið að gefa til baka til samfélagsins. "Nú er maður kominn fast að fertugu og rétt að huga að þeim sem ekki eru jafn frægir og ég. Á sínum tíma starfaði ég sem flugþjónn hjá Atlanta og þess vegna hef ég tekið að mér að þjálfa unga menn í þessu starfi. Það hefur óneitanlega verið uppörvandi fyrir þá að heyra mína sögu, og ekki síður að með dugnaði og bjartsýni geti þeir komist á sjónvarpsskjáinn eins og ég," sagði Guðmundur og greina mátti tár á hvarmi.

Orri til liðs við íþróttafréttamenn

2007-09-18T11:51:00.000Z

Orri Örn Árnason, eftirlitsmaður hjá Vegagerðinni og wannabe Víkari, hefur gengið til liðs við íþróttafréttamenn í baráttu þeirra gegn Knattspyrnusambandinu. Orri er aldeilis ekki óvanur slag sem þessum en hann var á hnit ferli sínum rekinn átta sinnum úr Tennis- og badmintonfélagi Reykjavíkur. Samningstækni Orra er hins vegar rómuð eins og sést á því að honum skuli hafa verið hleypt sjö sinnum inn í TBR aftur. Að sögn Þorsteins Gunnarssonar, formanns samtaka íþróttafréttamanna, hefur Orri í farteski sínu ilmandi fín meðmæli frá Ellerti B. Schram fyrrum forseta ÍSÍ, og formanns aðdáendaklúbbs Ellerts B. Schrams. Í meðmælum sínum bendir Ellert á að Orri hafi fyrir löngu komið auga á að víða sé pottur brotinn í íþróttahreyfingunni. Þeir hafi marg sinnis fundað um það og Orri hafi ráð undir rifi hverju. Sjálfur segir Orri að það verði gaman að takast á við KSÍ þó svo að hann hafi ekki alltaf verið ýkja hrifinn af stétt íþróttafréttamanna: "Ja, það var til dæmis aldrei fjallað um það þegar ég komst í 2. umferð á Íslandsmótinu í badminton," sagði Orri í samtali við Sleikipinnavefinn. Hann sagði ennfremur að KSÍ myndi þurfa að draga í land með VIP aðstöðu sína nema ef starfsmönnum Vegagerðarinnar verði þar gert hátt undir höfði.

Raggi útilokaður frá Keiluhöllinni

2007-09-11T02:30:00.000Z

Ragnari Ingvarssyni voru allar bjargir bannaðar þegar hann hugðist fara með syni sínum í Keilu á dögunum í Keiluhöllinni í Öskjuhlíð. Ragnar fékk ekki afgreiðslu en eftir að hafa falast eftir svörum, kom í ljós að Ragnar er enn að taka út tuttugu ára straff í Keiluhöllinni, sem hann var settur í vegna atburðar sem átti sér stað snemma á tíunda áratuginum. Ragnar neitaði að tjá sig um málið þegar Sleikipinnavefurinn leitaði eftir því og sagði straffið á misskilningi byggt. Harald Pétursson var sjónvarvottur að atvikinu og lýsir hann atburðarrásinni þannig:

"Ég hef aldrei séð annað eins. Ég var að rúlla upp Ragga og Hagbarði í Keilu og þá fór Raggi að beita öllum brögðum til þess að vinna upp muninn. Í einu kastinu tók hann svo mikið tilhlaup að hann gat ekki stoppað sig og endaði út á miðri braut þar sem olían tók við og skúrraði honum eftir allri brautinni. Þetta var í eina skiptið sem hann fékk fellu og það var með líkamanum. Í næsta kasti á eftir þá sveiflaði hann kúlunni svo langt aftur fyrir sig að hún þeyttist á næsta borð. Allir nálægir voru í bráðri lífshættu á meðan á þessum tilburðum stóð. Ég hef aldrei sé annað eins og Hagbarður hætti í keilu eftir þetta. Þetta straff er fullkomlega skiljanlegt."

Er sonur Dóru Línu illa læs?

2007-08-06T22:33:00.000Z

Bolvíski þyrluflugmaðurinn Jens Þór Sigurðsson átti góða spretti um verslunarmannahelgina. Þannig var að hann átti að leggja sitt af mörkum til þess að hátíðarhöldin á Neistaflugi á Neskaupsstað myndu heppnast sem best. Hápunktur hátíðarinnar átti að vera þegar Jens flaug þyrlu yfir svæðið og átti að dreifa karamellum yfir svæðið. Jens las hins vegar fyrirmæli sín vitlaust og fyrir misskilning dreifði hann kanamellum yfir svæðið. Olli þetta nokkru uppnámi á meðal mótsgesta. Jafnframt hefur þetta vakið upp spurningar um hvort Jens sé illa læs, sem þykir athyglisvert í ljósi þess að Dóra Lína móðir hans hefur kennt öðrum hverjum Bolvíkingi að lesa. Hinum helmingnum kenndi Helga Svana. Jens hefur verið í miklu stuði upp á síðkastið en um daginn reyndi hann að lenda þyrlu Landhelgisgæslunnar á sjó. Í kjölfarið var boðað til blaðamannafundar þar sem Jens mætti galvaskur og hóf þagnarbindindi í beinni útsendingu.

(Frá þessu var fyrst greint í fréttatíma Baggalúts á Rás 2)

Óli Örvar gerður burtrækur úr Keflavík

2007-07-05T12:48:00.000Z

Ólafur Örvar Ólafsson lögreglumaður og stuðningsmaður Keflavíkur hefur verið gerður burtrækur úr bænum sökum fortíðar sinnar. Sem kunnugt er bjó Ólafur um tíma á Akranesi og hélt þá með liði Skagmanna. Þykir það ekki góð Latína í Keflavík um þessar mundir og um þverbak keyrði þegar upp komst að Ólafur hefði á sínum tíma verið málkunnugur Bjarna Guðjónssyni. Rúnar Arnarsson, formaður knattspyrnudeildar Keflavíkur, sagði í samtali við Sleikipinnavefinn að málið væri litið afar alvarlegum augum í Keflavík og andrúmsloftið hefði verið orðið þannig að grípa hefði þurft til aðgerða. Spurður um hvort ekki allir menn ættu sér fortíð og hvort Ólafur hefði ekki mátt njóta vafans hafði Rúnar þetta að segja:

"Nei. Málið er þess eðlis að við verðum að vita hvort allir stuðningsmenn okkar standi með okkur hundrað prósent. Auk þess styður Ólafur Njarðvík í körfuboltanum og hefur hann því verið undir sérstöku eftirliti hjá okkur af þeim sökum."

Ólafur var hinn léttasti þegur vefurinn náði tali af honum og sagði flótta sinn úr bænum engu máli skipta: "Málið er að ég er kominn í sérsveitina og þar af leiðandi er ég hvort sem er ekki til á pappírum. Reyndu að fletta mér upp í símaskrá til dæmis. Það skiptir því ekki máli hvort ég er gerður burtrækur úr Keflavík eða ekki. Ég er hvort sem er ekki til. Í sérsveitinni eyðir maður flestum dögum í viðbragðsstöðu. Við förum gjarnan heim til Bjössa og horfum á Die Hard. Ef partýin fara úr böndunum hjá Fáfnismönnum þá setjum við á okkur lambúshetturnar og kíkjum á það með kindabyssurnar," sagði Ólafur hratt en örugglega.

Kristján verst allra frétta

2007-06-07T10:52:00.000Z

Kristján Jónsson blaðamaður er nú sterklega orðaður við stöðu arftaka Egils Helgassonar á Stöð2 sem þáttastjórnandi og pólitískur álitsgjafi. Kristján verst allra frétta af málinu og vildi hvorki játa þessum fréttum né neita þegar Sleikipinnavefurinn hafði samband við hann nú undir kvöldið: "Ég þarf að bera það undir Baldur Smára endurskoðanda hvernig það er að vera arftaki. Þarf maður þá að greiða sömu skatta og skyldur og verktaki. Það er því í mörg horn að líta." Spurður um þáttöku hans í komandi áramótaskaupi sagðist Kristján þó ekki geta neitað því að til hans hefði verið leitað til þess að leika Egil Helgason. "Sjálfur sé ég ekki alveg þennan meinta svip sem allir eru að tala um. Mér finnst ég vera töluvert líkari Val Kilmer," bætti Kristján við.

Misvísandi framburður Danna og Ragga

2007-04-19T17:54:00.000Z

,,Þeir benda hvor á annan" sagði Jónmundur Kjartansson rannsóknarlögreglumaður í samtali við Sleikipinnavefinn í kjölfar þess að fastagestir skemmtistaðarins Pravda, Hálfdán Gíslason og Ragnar Ingvarsson, voru hnepptir í gæsluvarðhald. Yfirheyrslur yfir þeim félögum þykja ganga seint og illa en fjöldi vitna sá til þeirra á harðahlaupum frá skemmtistaðnum, um það leyti sem eldsins varð vart í miðbænum í gær. Munu hárin á höfði þeirra hafa sviðnað mjög í hitanum svo nú virðast þeir hálf sköllóttir sem þeir auðvitað eru ekki. Jónmundur var fús til þess að gauka að síðunni bútum úr skýrslutökum yfir þeim félögum. Þar kemur misvísandi framburðurinn glögglega í ljós.

Þetta er meðal annars haft eftir Ragga: ,,Hálfdán er nýbúinn að skipta um orkudrykk sem hann blandar út í vodkann. Hann notar nú drykkinn Burn í stað Magic, sem hafði þau áhrif að limaburður Hálfdáns á dansgólfinu jókst til mikilla muna. Hafði það þau áhrif að eldglæringar gneistuðu undan sléttbotna skóm hans sem svo mjög eru í tísku í bankakerfinu um þessar mundir. Eldglæringarnar virðast svo hafa læst sig í veggi hússins," er haft eftir Ragnari.

Danni virðist hafa aðra sögu að segja: ,,Þið vitið nú alveg hvernig Ragnar er. Muniði ekki eftir því þegar hann var hársbreidd frá því að kveikja í Breiðvangi? Það fuðraði upp heill Armani jakki sem hann fékk lánaðann hjá Ástmari. Svo ekki sé minnst á þegar hann og Harald horfðu á heilan handboltalandsleik í gegnum sjónvarpstæki sem var alelda! Maðurinn er á góðri leið með að verða síbrotamaður og brennuvargur," er haft eftir Hálfdáni sem jafnframt mun hafa kvartað yfir matnum á Skólavörðustíg 9.

Sagði sig úr lífsgæðakapphlaupinu!

2007-02-22T17:21:00.000Z

Kormákur Kristjánsson, spjátrungur, sagði sig formlega úr lífsgæðakapphlaupinu í gærdag.

„Þetta var bara komið nóg. Maður var farinn að dragast aftur úr. Ég eignaðist td aldrei silfurgráann bíl og missti alveg af fótanuddstækjunum. Ég hef notast við Betamax videotæki og hef verið með símboða í stað GSM síma. Ég bara nenni ekki að eltast við þetta lengur og er hættur,“ sagði Kormákur við VSP.

Doddi Tangó laus úr gæsluvarðhaldi

2007-02-15T18:30:00.000Z

Þorgeir Tangó Jónsson er nú laus úr gæsluvarðhaldi í Þýskalandi. Þorgeir komst í hann krappann á dögunum er hann fékk sér Kebeb á tyrkneskum veitingastað í Dusseldorf. Dreif þá að víkingasveit þeirra Þjóðverja sem vildu vita allt um innkaup innkaupastjórans. Leituðu þér af sér allan grun að sænsku munntóbaki en gripu í tómt. Mikill fjöldi Þjóðverja og ferðamanna flykktist að til þess að fylgjast með sem töldu víst að allur hamagangurinn stafaði af því að verið væri að ljúka við tökur á kvikmyndinni Mr. Bean 2. ,,Ja maður var víst í jakkanum með bótunum á olnbogunum" sagði Tangóinn léttur í bragði er hann var laus úr prísundinni. ,,Þetta var allt saman leiðinda misskilningur. Maður man kannski ekki allt úr þýskutímunum hjá Svavari í MÍ þannig að heimamennirnir misskildu mig eitthvað. En ég fékk að eiga eina M-16 til minningar og er að spá í að troða henni í Machintos dollu og taka með heim. Tíhíhíhí"

Trausti iðrast

2007-02-15T18:14:00.000Z

Blaðamanninum Trausta Salvari Kristjánssyni tókst á dögunum að ná Feministafélaginu upp á afturlappirnar með kvikmyndagagnrýni í blaðinu Blaðið. Félagið hefur nú sett viðskiptabann á Trausta sem er fullur iðrunar: "Orðatiltækið með búllurnar í Hull og það sem þar gengur á er nú ekki komið frá mér. Þetta var til dæmis notað í Heilsubælinu. En ég er alveg tilbúinn til þess að koma til móts við sjónarmið Feministafélagsins og gæta tungu minnar í framtíðinni. Því enginn maður er Eyland, eða Eyja í þessu tilfelli. Ég er auk þess byrjaður að blaða í gegnum boðskap Carole Pateman og Anne Philips en eins og íþróttafréttamaðurinn sagði hér um árið: Lifandi mönnum er best að batna.," sagði Trausti í hjartnæmu viðtali við Sleikipinnavefinn sem nú er einni færslunni um Kolbrúnu Halldórsdóttur fátækari.

Tungutak

2007-02-14T22:12:00.000Z

Guðbrandur Eiríksson, forkólfur,aðili og gárungur, varð milli steins og sleggju á sjötta tímanum í gær. Þetta er þó ekki í fyrsta skipti sem Guðbrandur lendir í svipuðu óhappi:

“Nei, ég varð milli stafs og hurðar á skíðaferðalagi í hitteðfyrra og síðan varð ég milli skers og báru á Mallorca ´97. Þá óð ég úr öskunni í eldinn á áramótabrennu ´89 og hellti síðan olíu á eldinn ári síðar. “

Guðbrandur segist samt hvergi banginn með framhaldið:

“Nei nei, sá hlær best sem síðast hlær. En manni vefst ekkert tunga um tönn. Það er jú bágt að berja höfðinu í steininn, en sjálfs er höndin hollust,” sagði Guðbrandur kankvís á svip.